Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
14. Raaja Vaggo

Sutta 136

Dutiya Patthanaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Pa~ncahi bhikkhave, a'ngehi samannaagato ra~n~no khattiyassa muddhaavasittassa je.t.tho putto oparajja.m pattheti.|| ||

Katamehi pa~ncahi?|| ||

Idha, bhikkhave, ra~n~no khattiyassa muddhaavasittassa je.t.tho putto ubhato sujaato hoti maatito ca pitito ca,||
sa.msuddha gaha.niko,||
yaava sattamaa pitaamahayugaa.|| ||

Akkhitto anupakku.t.tho jaativaadena.|| ||

Abhiruupo hoti dassaniyo paasaadiko paramaaya va.n.napokkharataaya samannaagato maataa-pitunna.m piyo hoti manaapo.|| ||

Balakaayassa piyo hoti manaapo.|| ||

Pa.n.dito hoti viyatto medhaavi pa.tibalo atitaanaagatapaccuppanno atthe cintetu.m.|| ||

Tassa eva.m hoti:|| ||

'Aha.m kho'mhi ubhato sujaato maatito ca pitito ca, sa.msuddhagaha.niko, yaava sattamaa pitaamahayugaa akkhitto anupakku.t.tho jaativaadena.|| ||

Kasmaaha.m oparajja.m na pattheyya.m?|| ||

Aha.m kho'mhi abhiruupo dassaniyo paasaadiko paramaaya va.na.napokkharataaya samannaagato.|| ||

Kasamaaha.m oparajja.m na pattheyya.m?|| ||

Aha.m kho'mhi maataa-pitunna.m piyo manaapo.|| ||

Kasamaaha.m oparajja.m na pattheyya.m?|| ||

[155] Aha.m kho'mhi balakaayassa piyo manaapo.|| ||

Kasmaaha.m oparajja.m na pattheyya.m?|| ||

Aha.m kho'mhi pa.n.dito viyatto medhaavi pa.tibalo atitaanaagatapaccuppanne atthe cintetu.m.|| ||

Kasmaaha.m oparajja.m na pattheyyanti?|| ||

Imehi kho bhikkhave pa~ncahi a'ngehi samannaagato ra~n~no khattiyassa muddhaavasittassa je.t.tho putto oparajja.m pattheti.|| ||

 


 

Evam eva kho bhikkhave pa~ncahi dhammehi samannaagato bhikkhu aasavaana.m khaya.m pattheti.|| ||

Katamehi pa~ncahi?|| ||

Idha, bhikkhave, bhikkhu siilavaa hoti paatimokkhasa.mvarasa.mvuto viharati aacaaragocarasampanno, a.numattesu vajjesu bhayadassaavi samaadaaya sikkhati sikkhaapadesu. Bahussuto hoti sutadharo sutasannicayo.|| ||

Ye te dhammaa aadikalyaa.naa majejhakalyaa.naa dhataa vacasaa paricitaa manusaanupekkhitaa di.t.thiyaa suppa.tividdhaa, catusu sati pa.t.thaanesu suupa.t.thitacitto hoti.|| ||

Aaraddhaviriyo viharati akusalaana.m dhammaana.m pahaanaaya, kusalaana.m dhammaana.m upasampadaaya, thaamavaa da.lahaparakkamo anikkhittadhuro kusalesu dhammesu.|| ||

Pa~n~navaa hoti udayatthagaaminiyaa pa~n~naaya samannaagato ariyaaya nibbedhikaaya sammaa dukkhakkhayagaaminiyaa.|| ||

Tassa eva.m hoti:|| ||

Aha.m kho'mhi siilavaa paatimokkhasa.mvara sa.mvuto viharaami, aacaaragocarasampanno a.numattesu vajjesu bhayadassaavi samaadaaya sikkhaami sikkhaapadesu.|| ||

Kasmaaha.m aasavaana.m khaya.m na pattheyya.m?|| ||

Aha.m kho'mhi bahussuto sutadharo sutasannicayo 'ye te dhammaa aadikalyaa.naa, majjhekalyaa.naa pariyosaanakalyaa.naa saatthaa sabya~njanaa.|| ||

Kevalaparipu.na.na.m parisuddha.m brahmacariya.m abhivadanti, tathaaruupaa me dhammaa bahussutaa honti.|| ||

Dhataa ca vacasaa paricitaa manasaanupekkhitaa di.t.thiyaa suppa.tividdhaa.|| ||

Kasmaaha.m aasavaana.m khaya.m na pattheyya.m?|| ||

Aha.m kho'mhi catusu satipa.t.thaanesu supa.t.thitacitto.|| ||

Kasmaaha.m aasavaana.m khaya.m na pattheyya.m?|| ||

Aha.m kho'mhi aaraddhaviriyo viharaami akusalaana.m dhammaana.m pahaanaaya, kusalaana.m dhammaana.m upasampadaaya, thaamavaa da.lhaparakkamo anikkhittadhuro kusalesu dhammesu.|| ||

Kasmaaha.m aasavaana.m khaya.m na pattheyya.m?|| ||

Aha.m kho'mhi pa~n~navaa udayatthagaaminiyaa pa~n~naaya samannaagato ariyaaya nibbedhikaaya [156] sammaa dukkhakkhayagaaminiyaa.|| ||

Kasmaaha.m aasavaana.m khaya.m na pattheyyanti?|| ||

Imehi kho bhikkhave pa~ncahi dhammehi samannaagato bhikkhu aasavaana.m khaya.m patthetii' ti.|| ||


Contact:
E-mail
Copyright Statement