Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
14. Raaja Vaggo

Sutta 138

Bhattaadaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Pa~ncahi bhikkhave a'ngehi samannaagato ra~n~no naago bhattaadako ca hoti||
okaasaphara.no ca,||
la.n.dasaadhano ca,||
salaakagaahii ca,||
ra~n~no naago tv eva sa'nkha.m gacchati.|| ||

Katamehi pa~ncahi?|| ||

3. Idha, bhikkhave, ra~n~no naago akkhamo hoti ruupaana.m,||
akkhamo saddaana.m,||
akkhamo gandhaana.m,||
akkhamo rasaana.m,||
akkhamo pho.t.thabbaana.m.|| ||

Imehi kho bhikkhave pa~ncahi a'ngehi samannaagato ra~n~no naago bhattaadako ca hoti||
okaasaphara.no ca,||
la.n.dasaadhano ca,||
salaakagaahii ca,||
ra~n~no naago tv eva sa'nkha.m gacchati.|| ||

 


 

4. Evam eva kho bhikkhave pa~ncahi dhammehi samannaagato bhikkhu bhattaadako ca hoti bhattaadako ca hoti||
okaasaphara.no ca,||
la.n.dasaadhano ca,||
salaakagaahii ca,||
bhikkhu tv eva sa'nkha.m gacchati.|| ||

Katamehi pa~ncahi?|| ||

[157] 5. Idha, bhikkhave, bhikkhu akkhamo hoti ruupaana.m,||
akkhamo saddaana.m,||
akkhamo gandhaana.m,||
akkhamo rasaana.m,||
akkhamo pho.t.thabbaana.m.|| ||

Imehi kho bhikkhave, pa~ncahi dhammehi samannaagato bhikkhu bhattaadako ca hoti bhattaadako ca hoti||
okaasaphara.no ca,||
la.n.dasaadhano ca,||
salaakagaahii ca,||
bhikkhu tv eva sa'nkha.m gacchati.|| ||


Contact:
E-mail
Copyright Statement