Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
14. Raaja Vaggo

Sutta 139

Akkhama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Pa~ncahi bhikkhave a'ngehi samannaagato ra~n~no naago na raajaaraho hoti na raajabhoggo.|| ||

Na ra~n~no a'ngantv eva sa'nkha.m gacchati.|| ||

Katamehi pa~ncahi?|| ||

Idha, bhikkhave, ra~n~no naago||
akkhamo hoti ruupaana.m,||
akkhamo saddana.m,||
akkhamo gandhaana.m,||
akkhamo rasaana.m,||
akkhamo pho.t.thabbaana.m.|| ||

Katha~n ca bhikkhave ra~n~no naago akkhamo hoti ruupaana.m?|| ||

Idha, bhikkhave, ra~n~no naago sa'ngaamagato hatthikaaya.m vaa disvaa assakaaya.m vaa disvaa rathakaaya.m vaa disvaa pattikaaya.m vaa disvaa sa.msiidati visiidati na santhamhati na Sakkoti sa'ngaama.m otaritu.m eva.m kho bhikkhave ra~n~no naago akkhamo hoti ruupaana.m.|| ||

Katha~n ca bhikkave ra~n~no naago akkhamo hoti saddaana.m?|| ||

Idha, bhikkhave, ra~n~no naago sa'ngaamagato hatthisadda.m vaa sutvaa,||
assasadda.m vaa sutvaa rathasadda.m vaa sutvaa pattisadda.m vaa sutvaa bheripa.nava sa'nkhati.navaninnaadasadda.m vaa sutvaa sa.msiidati visiidati na santhamhati na Sakkoti sa'ngaama.m otaritu.m.|| ||

Eva.m kho bhikkhave ra~n~no naago akkhamo hoti saddaana.m.|| ||

Katha~n ca bhikkhave ra~n~no naago akkhamo hoti gandhaana.m?|| ||

[158] idha bhikkhave ra~n~no naago sa'ngaamagato ye te ra~n~no naagaa abhijaataa sa'ngaamaavacaraa,||
tesa.m muttakarisassa gandha.m ghaayitvaa sa.msiidati visiidati,||
na santhamhati na Sakkoti sa'ngaama.m otaritu.m.|| ||

Eva.m kho bhikkhave ra~n~no naago akkhamo hoti gandhaana.m.|| ||

Katha~n ca bhikkhave ra~n~no naago akkhamo hoti rasaana.m?|| ||

Idha, bhikkhave, ra~n~no naago sa'ngaamagato ekissaa vaa ti.nodakadattiyaa vimaanito,||
dvihi vaa tihi vaa catugi vaa pa~ncahi vaa ti.nodakadattii hi vimaanito||
sa.msiidati,||
visiidati,||
na santhamhati,||
na Sakkoti sa'ngaama.m otaritu.m.|| ||

Eva.m kho bhikkhave ra~n~no naago akkhamo hoti rasaana.m.|| ||

Katha~n ca bhikkhave ra~n~no naago akkhamo hoti pho.t.thabbaana.m?|| ||

Idha, bhikkhave, ra~n~no naago sa'ngaamagato ekena vaa saravedhena- viddho,||
dvihi vaa tihi vaa catuhi vaa pa~nca hi vaa saravedhehi - viddho sa.msiidati,||
visiidati,||
na santhamhati,||
na Sakkoti sa'ngaama.m otaritu.m.|| ||

Eva.m kho bhikkhave ra~n~no naago akkhamo hoti pho.t.thabbaana.m.|| ||

Imehi kho bhikkhave pa~ncahi a'ngehi samannaagato ra~n~no naago na raajaaraho hoti na raajabhoggo.|| ||

Na ra~n~no a'nganetvava sa'nkha.m gacchati.|| ||

 


 

Evam eva kho bhikkhave pa~ncahi a'ngehi samannaagato bhikkhu na aahuneyyo hoti,||
na paahuneyyo,||
na dakkhi.neyyo,||
na a~njalikara.niyo,||
na anuttara.m pu~n~nakkhetta.m lokassa.|| ||

Katamehi pa~ncahi?|| ||

Idha, bhikkhave, bhikkhu akkhamo hoti ruupaana.m,||
akkhamo saddaana.m,||
akkhamo gandhaana.m,||
akkhamo rasaana.m,||
akkhamo pho.t.thabbaana.m.|| ||

Katha~n ca bhikkhave bhikkhu akkhamo hoti ruupaana.m?|| ||

Idha, bhikkhave, bhikkhu cakkhunaa ruupa.m disvaa rajaniiye ruupe saarajjati.|| ||

Na Sakkoti citta.m samaadahitu.m eva.m kho bhikkhave bhikkhu akkhamo hoti ruupaana.m.|| ||

Katha~n ca bhikkhave bhikkhu akkhamo hoti saddaana.m?|| ||

Idha, bhikkhave, bhikkhu sotena sadda.m sutvaa raajaniye sadde na saarajjati.|| ||

Na Sakkoti citta.m samaadahitu.m eva.m kho bhikkhav.|| ||

Bhikkhu akkhamo hoti saddaana.m.|| ||

[159] Katha~n ca bhikkhave bhikkhu akkhamo hoti gandhaana.m?|| ||

Idha, bhikkhave, bhikkhu ghaanena gandha.m ghaayitvaa raajaniye gandhe saarajjati.|| ||

Na Sakkoti citta.m samaadahitu.m eva.m kho bhikkhav.|| ||

Bhikkhu akkhamo hoti gandhaana.m.|| ||

Katha~n ca bhikkhave bhikkhu akkhamo hoti rasaana.m?|| ||

Idha, bhikkhave, bhikkhu jivhaaya rasa.m saayitvaa rajaniye rase saarajjati.|| ||

Na Sakkoti citta.m samaadahitu.m eva.m kho bhikkhav.|| ||

Bhikkhu akkhamo hoti rasaana.m.|| ||

Katha~n ca bhikkhave bhikkhu akkhamo hoti pho.t.thabbaana.m?|| ||

Idha, bhikkhave, bhikkhu kaayena pho.t.thabba.m phusitvaa rajaniye pho.t.thabbe saarajjati.|| ||

Na Sakkoti citta.m samaadahitu.m eva.m kho bhikkhave bhikkhu akkhamo hoti pho.t.thabbaana.m.|| ||

Imehi kho bhikkhave pa~ncahi dhammehi samannaagato bhikkhu na aahuneyyo hoti,||
na paahuneyyo,||
na dakkhi.neyyo,||
na a~njalikara.niyo,||
na anuttara.m pu~n~nakkhetta.m lokassa.|| ||

 


 

Pa~nc'ahi bhikkhave a'ngehi samannaagato ra~n~no naago raajaraho hoti raajabhoggo.|| ||

Ra~n~no a'ngantv eva va sa'nkha.m gacchati.|| ||

Katamehi pa~ncahi?|| ||

Idha, bhikkhave, ra~n~no naago khamo hoti ruupaana.m.|| ||

Khamo hoti saddaana.m.|| ||

Khamo hoti gandhaana.m.|| ||

Khamo hoti rasaana.m.|| ||

Khamo hoti pho.t.thabbaana.m.|| ||

Katha~n ca bhikkhave ra~n~no naago khamo hoti ruupaana.m?|| ||

Idha, bhikkhave, ra~n~no naago sa'ngaamagato hatthikaaya.m vaa disvaa assakaaya.m vaa disvaa rathakaaya.m vaa disvaa pattikaaya.m vaa disvaa||
na sa.msiidati,||
na visiidati,||
santhamhti,||
Sakkoti sa'ngaama.m otaritu.m.|| ||

Eva.m kho bhikkhave ra~n~no naago khamo hoti ruupaana.m.|| ||

Katha~n ca bhikkhave ra~n~no naago khamo hoti saddaana.m?|| ||

[160] Idha, bhikkhave, ra~n~no naago sa'ngaamagato hatthisadda.m vaa sutvaa assasadda.m vaa sutvaa rathasadda.m vaa sutvaa pattisadda.m vaa sutvaa bheripa.navasa'nkhati.navaninnaadasadda.m vaa sutvaa||
na sa.msiidati,||
na visiidati,||
santhamhti,||
Sakkoti sa'ngaama.m otaritu.m.|| ||

Eva.m kho bhikkhave ra~n~no naago khamo hoti saddaana.m.|| ||

Katha~n ca bhikkhave ra~n~no naago khamo hoti gandhaana.m?|| ||

Idha, bhikkhave, ra~n~no naago sa'ngaamagato ye te ra~n~no naagaa abhijaataa sa'ngaamaavacaraa,||
tesa.m muttakarisassa gandha.m ghaayitvaa||
na sa.msiidati,||
na visiidati,||
santhamhati,||
Sakkoti sa'ngaama.m otaritu.m.|| ||

Eva.m kho bhikkhave ra~n~no naago khamo hoti gandhaana.m.|| ||

Katha~n ca bhikkhave ra~n~no naago khamo hoti rasaana.m?|| ||

Idha, bhikkhave, ra~n~no naago sa'ngaamagato ekissaa vaa ti.nodakadattiyaa vimaanito,||
dvihi vaa tihi vaa catuhi vaa pa~ncahi vaa ti.nodakadattihi vimaanito||
na sa.msiidati,||
na visiidati,||
satthamhati,||
Sakkoti sa'ngaama.m otaritu.m.|| ||

Eva.m kho bhikkhave ra~n~no naago khamo hoti rasaana.m.|| ||

Katha~n ca bhikkhave ra~n~no naago khamo hoti pho.t.thabbaana.m?|| ||

Idha, bhikkhave, ra~n~no ra~n~no naago sa'ngaamagato ekena vaa saravedhena viddho,||
dvihi vaa tihi vaa catuhi vaa pa~ncahi vaa saravedhehi viddho||
na sa.msiidati,||
na visiidati,||
santhamhati,||
Sakkoti sa'ngaama.m otaritu.m.|| ||

Eva.m kho bhikkhave ra~n~no naago khamo hoti pho.t.thabbaana.m.|| ||

Imehi kho bhikkhave pa~nc'ahi a'ngehi samannaagato ra~n~no naago raajaaraho hoti raajabhoggo ra~n~no a'ngantevava sa'nkha.m gacchati.|| ||

 


 

Evame kho bhikkhave pa~ncahi dhammehi samannaagato bhikkhu aahuneyyo hoti paahuneyyo dakkhi.neyyo a~njalikara.niyo anuttara.m pu~n~nakkhetta.m lokassa.|| ||

Katamehi pa~ncahi?|| ||

Idha, bhikkhave, bhikkhu khamo hoti ruupaana.m.|| ||

Khamo saddaana.m,||
khamo gandhaana.m,||
khamo rasaana.m,||
khamo [161] pho.t.thabbaana.m.|| ||

Katha~n ca bhikkhave bhikkhu khamo hoti ruupaana.m?|| ||

Idha, bhikkhave, bhikkhu cakkhunaa ruupa.m disvaa rajaniiye ruupe na saarajjati.|| ||

Sakkoti citta.m samaadahitu.m.|| ||

Eva.m kho bhikkhave bhikkhu khamo hoti ruupaana.m.|| ||

Katha~n ca bhikkhave bhikkhu khamo hoti saddaana.m?|| ||

Idha, bhikkhave, bhikkhu sotena sadda.m sutvaa rajaniiye sadde na saarajjati.|| ||

Sakkoti citta.m samaadahitu.m.|| ||

Eva.m kho bhikkhave bhikkhu khamo hoti saddaana.m.|| ||

Katha~n ca bhikkhave bhikkhu khamo hoti gandhaana.m? Idha, bhikkhave, bhikkhu ghaanena gandha.m ghaayitvaa rajaniiye gandhe na saarajjati.|| ||

Sakkoti citta.m samaadahitu.m.|| ||

Eva.m kho bhikkhave bhikkhu khamo hoti gandhaana.m.|| ||

Katha~n ca bhikkhave bhikkhu khamo hoti rasaana.m?|| ||

Idha, bhikkhave, bhikkhu jivhaaya rasa.m saayitvaa rajaniiye rase na saarajjati.|| ||

Sakkoti citta.m samaadahitu.m.|| ||

Eva.m kho bhikkhave bhikkhu khamo hoti rasaana.m.|| ||

Katha~n ca bhikkhave bhikkhu khamo hoti pho.t.thabbaana.m?|| ||

Idha, bhikkhave, bhikkhu kaayena pho.t.thabba.m phusitvaa rajaniiye pho.t.thabbe na saarajjati.|| ||

Sakkoti citta.m samaadahitu.m.|| ||

Eva.m kho bhikkhave bhikkhu khamo hoti pho.t.thabbaana.m.|| ||

Imehi kho bhikkhave pa~ncahi dhammehi samannaagato bhikkhu aahuneyyo hoti paahuneyyo dakkhi.neyyo a~njalikara.niyo anuttara.m pu~n~nakkhetta.m lokassaati.|| ||

 


Contact:
E-mail
Copyright Statement