Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
14. Raaja Vaggo

Sutta 140

Sotaara Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Pa~nc'ahi bhikkhave a'ngehi samannaagato ra~n~no naago raajaaraho hoti raajabhoggo.|| ||

Ra~n~no a'ngantv eva sa'nkha.m gacchati.|| ||

Katamehi pa~nc'ahi?|| ||

Idha, bhikkhave, ra~n~no naago sotaa ca hoti,||
hantaa ca,||
rakkhitaa ca,||
khantaa ca,||
gannaa ca.|| ||

Katha~n ca bhikkhave ra~n~no naago sotaa hoti?|| ||

Idha, bhikkhave, ra~n~no naago yamena.m hatth'idammasaarathii kaara.na.m kaareti yadi vaa katapubba.m yadi vaa [162] akatapubba.m,||
ta.m a.t.thiikatvaa - manasikatvaa sabbacetaso - samannaaharitvaa ohitasoto su.naati.|| ||

Eva.m kho bhikkhave ra~n~no naago sotaa hoti.|| ||

Katha~n ca bhikkhave ra~n~no naago hantaa hoti?|| ||

Idha, bhikkhave, ra~n~no naago sa'ngaamagato hatthimpi hanti,||
- hatthaaruhampi hanti.|| ||

Assampi hanti,||
assaaruhampi hanti.|| ||

Rathampi hanti rathiyampi- hanti.|| ||

Pattikampi hanti.|| ||

Eva.m kho bhikkhave ra~n~no naago hantaa hoti.|| ||

Katha~n ca bhikkhave ra~n~no naago rakkhitaa hoti?|| ||

Idha, bhikkhave, ra~n~no naago sa'ngaamagato rakkhati purima.m kaaya.m,||
rakkhati pacchima.m kaaya.m.|| ||

Rakkhati purime paade,||
rakkhati pacchime paade.|| ||

Rakkhati sisa.m rakkhati kaa.ne,||
rakkhati dante,||
rakkhati so.n.da.m,||
rakkhati vaaladhi.m,||
rakkhati hatthaaruha.m.|| ||

Eva.m kho bhikkhave ra~n~no naago rakkhitaa hoti.|| ||

Katha~n ca bhikkhave ra~n~no naago khantaa hoti?|| ||

Idha, bhikkhave, ra~n~no naago khamo hoti sattippahaaraana.m,||
asippahaaraana.m,||
usuppahaaraana.m,||
pharasuppahaaraana.m,||
bheripa.navasa'nkhati.navaninnaadasddaana.m.|| ||

Eva.m kho bhikkhave ra~n~no naago khantaa hoti.|| ||

Katha~n ca bhikkhave ra~n~no naago gantaa hoti?|| ||

Idha, bhikkhave, ra~n~no naago yamena.m hatth'idammasaarathi disa.m peseti yadivaa gatapubba.m yadivaa agatapubba.m,||
ta.m khippa.m eva5- gantaa hoti.|| ||

Eva.m kho bhikkhave ra~n~no naago gantaa hoti.|| ||

Imehi kho bhikkhave pa~ncahi a'ngehi samannaagato ra~n~no naago raajaaraho hoti raajabhoggo.|| ||

Ra~n~no a'ngantv eva sa'nkha.m gacchati.|| ||

Evam eva kho bhikkhave pa~ncahi dhammehi samannaagato bhikkhu aahuneyyo hoti paahuneyyo dakkhi.neyyo a~njalikara.niyo anuttara.m pu~n~nakkhetta.m lokassa.|| ||

Katamehi pa~ncahi?|| ||

Idha, bhikkhave, bhikkhu sotaa ca hoti,||
hantaa ca,||
[163] rakkhitaa ca,||
khantaa ca,||
gantaa ca.|| ||

Katha~n ca bhikkhave bhikkhu sotaa hoti?|| ||

Idha, bhikkhave, bhikkhu Tathaagatappavedite dhamma-vinaye desiyamaane a.t.thiikatvaa manasikatvaa sabbacetaso samannaaharitvaa ohitasoto dhamma.m su.naati.|| ||

Eva.m kho bhikkhave bhikkhu sotaa hoti.|| ||

Katha~n ca bhikkhave bhikkhu hantaa hoti?|| ||

Idha, bhikkhave, bhikkhu uppanna.m kaamacitkka.m naadhivaaseti pajahati vinodeti khyantiikaroti anabhaava.m gameti.|| ||

Uppanna.m vyaapaadavitakka.m naadhivaaseti pajahati vinodeti khyantikaroti anabhaava.m gaameti.|| ||

Uppannuppanne paapake akusale dhamme naadhivaaseti pajahati vinodeti khyantiikaroti anabhaava.m gameti.|| ||

Eva.m kho bhikkhave bhikkhu hantaa hoti.|| ||

Katha~n ca bhikkhave bhikkhu rakkhitaa hoti?|| ||

Idha, bhikkhave, bhikkhu cakkhunaa ruupa.m disvaa na nimittagaahii naanukhya~njanaggaahii.|| ||

Yatvaadhikara.nam ena.m cakkhundriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati.|| ||

Rakkhati cakkhundriya.m,||
cakkhundriye sa.mvara.m aapajjati.|| ||

Sotena sadda.m sutvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m sotindrrrrriya.m asa.mvuta.m viharanta.m abhijjhaadomanassaa paapakaa akusalaa dhmmaa anvaassaveyyu.m,||
tassa sa.mvaraaya pa.tipajjati.|| ||

Rakkhati sotindriya.m,||
sotindriye sa.mvara.m aapajjati.|| ||

Ghaanena gandha.m ghaayitvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m ghaanindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati.|| ||

Rakkhati ghaanindriya.m,||
ghaanindriye sa.mvara.m aapajjati.|| ||

Jivhaaya rasa.m saayitvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m jivhindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati.|| ||

Rakkhati jivhindriya.m jivhindriye sa.mvara.m aapajjati.|| ||

Kaayena pho.t.thabba.m phusitvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m kaayindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati.|| ||

Rakkhati kaayindriya.m,||
kaayindriye sa.mvara.m aapajjati.|| ||

Manasaa dhamma.m vi~n~naaya na nimittaggaahi hoti naanukhya~njanaggaahii.|| ||

Yatvaadhikara.nam ena.m manindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m,||
tassa sa.mvaraya pa.tipajjati.|| ||

Rakkhati manindriya.m,||
manindriye sa.mvara.m aapajjati.|| ||

Eva.m kho bhikkhave bhikkhu rakkhitaa hoti.|| ||

Katha~n ca bhikkhave bhikkhu khantaa hoti?|| ||

Idha, bhikkhave, bhikkhu khamo hoti siitassa u.nhassa jighacchaaya pipaasaaya .da.msamakasavaataatapasiri.msapasamphassaana.m,||
duruttaana.m duraagataana.m vacanapathaana.m.|| ||

Uppannaana.m saaririkaana.m vedanaana.m dukkhaana.m tippaana.m kharaana.m ka.tukaana.m asaataana.m amanaapaana.m paa.naharaana.m adhivaasakajaatiko hoti.|| ||

Eva.m kho bhikkhave bhikkhu khantaa hoti.|| ||

Katha~n ca bhikkhave bhikkhu gantaa hoti?|| ||

[164] Idha, bhikkhave, bhikkhu yaa saa disaa agatapubbaa iminaa diighena addhunaa yad ida.m sabbasa.mkhaarasamatho sabbupadhipa.tinissaggo ta.nhakkhayo viraago nirodho nibbaana.m,||
ta.m khippa.m yeva gantaa hoti.|| ||

Eva.m kho bhikkhave bhikkhu gantaa hoti.|| ||

Imehi kho bhikkhave pa~ncahi dhammehi samannaagato bhikkhu aahuneyyo hoti paahuneyyo dakkhi.neyyo a~njalikara.niyo anuttara.m pu~n~nakkhetta.m lokassaati.|| ||

Raajavaggo catuttho.


Contact:
E-mail
Copyright Statement