Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
15. Tika.n.daki Vaggo

Sutta 143

Saarandada Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Vesaaliya.m viharati Mahaavane Kuu.taagaarasaalaaya.m.|| ||

Atha kho Bhagavaa pubba.nhasamaya.m nivaasetvaa pattaciivaram aadaaya Vesaali.m pi.n.daaya paavisi.|| ||

Tena kho pana samayena pa~ncamattaana.m Licchaviisataana.m Saarandade cetiye sannisinnaana.m sannipatitaana.m ayam antaraa kathaa udapaadi:|| ||

2. 'Pa~ncanna.m ratanaana.m paatubhaavo dullabho lokasmi.m.|| ||

Katamesa.m pa~ncanna.m?|| ||

Hatthiratanssa paatubhaavo dullabho lokasmi.m,||
assaratanassa paatubhaavo dullabho lokasmi.m,||
ma.niratanassa paatubhaavo dullabho lokasmi.m,||
itthiratanassa paatubhaavo dullabho lokasmi.m,||
gahapatiratanassa paatubhaavo dullabho lokasmi.m|| ||

Imesa.m pa~ncanna.m ratnaana.m paatubhaavo dullabho lokasmin' ti.|| ||

[168] 3. Atha kho te Licchavii magge purisa.m .thapesu.m,||
'yadaa tva.m1ambho purisa passeyyaasi Bhagavanta.m aagacchanta.m,||
atha amhaaka.m aaroceyyaasii' ti.|| ||

Addasaa kho so puriso Bhagavanta.m duurato'va aagacchanta.m,||
disvaana yena te Licchavii ten'upasa'nkami.|| ||

Upasa'nkamitvaa te Licchavii etad avoca:|| ||

'Aya.m so bhonto Bhagavaa aagacchati araha.m sammaasambuddho,||
yassa daani kaala.m ma~n~nathaa' ti.|| ||

Atha kho te Licchavi yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa ekam anata.m a.t.tha.msu.|| ||

Eka-m-anta.m .thitaa kho te Licchavii Bhagavanta.m etad avoca.m:|| ||

'Saadhu bhante Bhagavaa yena Saarandada.m cetiya.m ten'upasa'nkamatu anukampa.m upaadaayaa' ti.|| ||

Adhivaasesi Bhagavaa tu.nhiibhaavena.|| ||

Atha kho Bhagavaa yena Saarandada.m cetiya.m ten'upasa'nkami.|| ||

Upasa'nkamitvaa pa~n~natte aasane nisidi.|| ||

Nisajja kho Bhagavaa te Licchavii etad avoca:|| ||

'Kaaya nu'ttha Licchavi,||
etarahi kathaaya sannisinnaa?|| ||

Kaa ca pana vo antaraa kathaa vippakataa' ti.|| ||

'Idha bhante amhaaka.m sannisinnaana.m sannipatinaana.m ayamantaraa kathaa udapaadi:|| ||

Pa~ncanna.m ratnaana.m paatubhaavo dullabho lokasmi.m.|| ||

Katamesa.m pa~ncanna.m?|| ||

Hatthiratanssa paatubhaavo dullabho lokasmi.m,||
assaratanassa paatubhaavo dullabho lokasmi.m,||
ma.niratanassa paatubhaavo dullabho lokasmi.m,||
itthiratanassa paatubhaavo dullabho lokasmi.m,||
gahapatiratanassa paatubhaavo dullabho lokasmi.m|| ||

Imesa.m pa~ncanna.m ratnaana.m paatubhaavo dullabho lokasmin' ti.|| ||

4. 'Kaamaadhimuttaana.m vata bho Licchaviina.m kaama~n~n yeva arabbha antaraa kathaa udapaadi.|| ||

Pa~ncanna.m Licchavii, ratanaana.m paatubhaavo dullabho lokasmi.m.|| ||

Katamesa.m pa~ncanna.m?|| ||

Tathaagatassa arahato sammaasambuddhassa paatubhaavo dullabho lokasmi.m.|| ||

Tathaagatappaveditassa dhamma-vina- [169] yassa desetaa puggalo dullabho lokasmi.m.|| ||

Tathaagatappaveditassa dhamma-vinayassa desitassa vi~n~naataa puggalo dullabho lokasmi.m.|| ||

Tathaagatappaveditassa dhamma-vinayassa desitassa vi~n~naatassa dhammaanudhammapa.tipanno puggalo dullabho lokasmi.m.|| ||

Kata~n~nu katavedi puggalo dullabho lokasmi.m.|| ||

Imesa.m kho Licchavii, pa~ncanna.m ratanaana.m paatubhaavo dullabho lokasmin' ti.|| ||


Contact:
E-mail
Copyright Statement