Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
15. Tika.n.daki Vaggo

Sutta 144

Tika.n.dakii Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saakete viharati Tika.n.dakiivane.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosu.m.|| ||

Bhagavaa etad avoca:|| ||

2. "Saadhu bhikkhave bhikkhu kaalena kaala.m appa.tikkuule pa.tikkuulasa~n~nii vihareyya.|| ||

Saadhu bhikkhave bhikkhu kaalena kaala.m pa.tikkuule appa.tikkuulasa~n~nii vihareyya.|| ||

Saadhu bhikkhave bhikkhu kaalena kaala.m appa.tikkuule ca pa.tikkuule ca pa.tikkuulasa~n~nii vihareyya.|| ||

Saadhu bhikkhave bhikkhu kaalena kaala.m pa.tikkuule ca appa.tikkuule ca appa.tikkuulasa~n~nii vihareyya.|| ||

Saadhu bhikkhave bhikkhu kaalena kaala.m appa.tikkuulra.m ca pa.tikkuula.m ca tadubhaya.m abhinivajjetvaa upekkhako vihareyya sato sampajaano.|| ||

 


 

3. Katha~n ca bhikkhave bhikkhu atthavasa.m pa.ticca appa.tikkuule pa.tikkuulasa~n~nii vihareyya?|| ||

"Maa me rajaniiyesu dhammesu raago udapaadii" ti.|| ||

Ida.m kho bhikkhave bhikkhu atthavasa.m pa.ticca appa.tikkuule pa.tikkuulasa~n~nii vihareyya.|| ||

 

 

4. Katha~n bhikkhave bhikkhu atthavasa.m pa.ticca pa.tikkuule appa.tikkuulasa~n~nii vihareyya?|| ||

"Maa me dosaniiyesu dhammesu doso udapaadii" ti.|| ||

Ida.m kho bhikkhave bhikkhu atthavasa.m pa.ticca pa.tikkuule appa.tikkuulasa~n~nii vihareyya.|| ||

 

 

5. Katha~n bhikkhave bhikkhu [170] atthavasa.m pa.ticca appa.tikkuule ca pa.tikkuule ca pa.tikkuulasa~n~nii vihareyya?|| ||

"Maa me rajaniiyesu dhammesu raago udapaadii" ti.|| ||

"Maa me dosaniyesu dhammesu doso udapaadii" ti.|| ||

Ida.m kho bhikkhave, bhikkhu atthavasa.m pa.ticca appa.tikkuule ca pa.tikkuule ca pa.tikkuulasa~n~nii vihareyya.|| ||

 

 

6. Katha~n bhikkhave bhikkhu atthavasa.m pa.ticca pa.tikkuule ca appa.tikkuule ca appa.tikkuulasa~n~nii vihareyya?|| ||

"Maa me dosaniiyesu dhammesu doso udapaadii.|| ||

Maa me rajaniyesu dhammesu raago udapaadii" ti.|| ||

Ida.m kho bhikkhave, bhikkhu atthavasa.m pa.ticca pa.tikkuule ca appa.tikkuule ca appa.tikkuulasa~n~nii vihareyya.|| ||

 

 

7. Katha~n bhikkhave bhikkhu atthavasa.m pa.ticca appa.tikkuula.m ca pa.tikkuula.m ca tadubhaya.m abhinivajjetvaa upekkhako vihareyya sato sampajaano?|| ||

"Maa me kvacini katthaci ki~ncana rajaniiyesu dhammesu raago udapaadi,||
maa me kvacini katthaci ki~ncana dosaniiyesu dhammesu doso udapaadi,||
maa me kvacini1 katthaci ki~ncana mohaniiyesu dhammesu moho udapaadii" ti.|| ||

Ida.m kho bhikkhave bhikkhu atthavasa.m pa.ticca appa.tikkuula.m ca pa.tikkuulra.m ca tadubhaya.m abhinivajjetvaa upakkhako vihareyya sato sampajaano' ti.|| ||


Contact:
E-mail
Copyright Statement