Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
16. Saddhamma Vaggo

Sutta 159

Udaayii Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Anguttara-Nikaya edited by Professor E. Hardy, Ph.D., D.D.

 


 

[1][pts][than] Eva.m me suta.m:|| ||

Eka.m samaya.m Bhagavaa Kosambiya.m viharati Ghositaaraame.|| ||

Tena kho pana samayena aayasmaa Udaayii mahatiyaa gihiiparisaaya parivuto dhamma.m desento nisinno hoti.|| ||

Addasaa kho aayasmaa Aanando aayasmanta.m Udaayi.m mahatiyaa gihiiparisaaya parivuta.m dhamma.m desenta.m nisinna.m.|| ||

Disvaana yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisidi.|| ||

Eka-m-anta.m nisinno kho ayasmaa Aanando Bhagavanta.m etad avoca:|| ||

'Aayasmaa bhante Udaayii mahatiyaa gihiiparisaaya parivuto dhamma.m desetii' ti.|| ||

Na kho Aananda sukara.m paresa.m dhamma.m desetu.m.|| ||

Paresa.m Aananda dhamma.m desentena pa~nca dhamme ajajhatta.m upa.t.thapetvaa paresa.m dhammo desetabbo.|| ||

Katame pa~nca?|| ||

2. Aanupubbikatha.m kathessaamii ti paresa.m dhammo desetabbo.|| ||

Pariyaayadassaavii katha.m kathessaamii ti paresa.m dhammo desetabbaa.|| ||

Anuddayata.m pa.ticca katha.m kathessaamii ti paresa.m dhammo desetabbo.|| ||

Na aamisantaro katha.m kathessaamii ti paresa.m dhammo desetabbo.|| ||

Attaana.m ca para.m ca anupahacca katha.m kathessaamii ti paresa.m dhammo desetabbo.|| ||

Na kho Aananda sukara.m paresa.m dhamma.m desetu.m.|| ||

Paresa.m Aananda dhamma.m desentena ime pa~nca dhamme ajajhatta.m upa.t.thapetvaa paresa.m dhammo desetabbo ti.|| ||

 


Contact:
E-mail
Copyright Statement