Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XVII. Aaghaata Vaggo

Sutta 161

Pa.thama Aaghaatapa.tivinaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than][nymo] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Pa~nc'ime bhikkhave aaghaatapa.tivinayaa,||
yattha bhikkhuno uppanno aaghaato sbbaso pa.tivinetabbo.|| ||

Katame pa~nca?|| ||

3. Yasmi.m bhikkhave, puggale aaghaato jaayetha,||
mettaa tasmi.m puggale bhaavetabbaa.|| ||

Eva.m tasmi.m puggale aaghaato pa.tivinetabbo.|| ||

4. Yasmi.m bhikkhave, puggale aaghaato jaayetha,||
karu.naa tasmi.m puggale bhaavetabbaa.|| ||

Eva.m tasmi.m puggale aaghaato pa.tivinetabbo.|| ||

5. Yasmi.m bhikkhave, puggale aaghaato jaayetha,||
upekkhaa tasmi.m puggale bhaavetabbaa.|| ||

Eva.m tasmi.m puggale aaghaato pa.tivinetabbo.|| ||

[186] 6. Yasmi.m bhikkhave, puggale aaghaato jaayetha,||
asati amanisikaaro tasmi.m puggale aapajjitabbaa.|| ||

Eva.m tasmi.m puggale aaghaato pa.tivinetabbo.|| ||

7. Yasmi.m bhikkhave, puggale aaghaato jaayetha,||
kammassakataa tasmi.m puggale adhi.t.thaatabbaa:|| ||

"Kammassako ayam aayasmaa||
kammadaayaado||
kammayoni||
kammabandhu||
kammapa.tisara.no,||
ya.m kamma.m karissati kalyaa.na.m vaa||
paapaka.m vaa,||
tassa daayaado bhavissatii" ti.|| ||

Eva.m tasmi.m puggale aaghaato pa.tivinetabbo.|| ||

Ime kho bhikkhave, pa~nca aaghaatapa.tivinayaa yattha bhikkhuno uppanno aaghaato sabbaso pa.tivinetabbo ti.|| ||


Contact:
E-mail
Copyright Statement