Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XVII. Aaghaata Vaggo

Sutta 168

Siila Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Saavatthinidaana.m|| ||

Tatra kho aayasmaa Saariputto bhikkhu aamanteyi:||
"Aavuso bhikkhavo" ti.|| ||

"Aavuso" ti kho te bhikkhu aayasmato Saariputtassa paccassosu.m.|| ||

Aayasmaa Saariputto etad avoca:|| ||

"Dussiilassa aavuso siila-vipannassa hatupaniso hoti sammaa-samaadhi.|| ||

Sammaa-samaadhimhi asati sammaa-samaadhi-vipannassa hatupanisa.m hoti yathaabhuuta-~naa.na-dassana.m.|| ||

Yathaabhuuta-~naa.na-dassane asati yathaabhuta-~naa.na-dassana-vipannassa hatupaniso hoti nibbidaa viraago.|| ||

Nibbidaaviraage asati nibbidaa viraaga-vipannassa hatupanisa.m hoti vimutti-~naa.na-dassana.m.|| ||

2. Seyyathaa pi, aavuso, rukkho saakhaapalaasavipanno,||
tassa papa.tikaa pi na paaripuuri.m gacchati,||
taco pi na paaripuuri.m gacchati,||
pheggu pi na paaripuri.m gacchati,||
saaro pi na paaripuri.m gacchati.|| ||

Evam eva kho aavuso dussiilassa siila-vipannassa hatupaniso hoti sammaa-samaadhi,||
sammaa-samaadhimhi asati sammaa-samaadhi-vipannassa hatupanisa.m hoti yathaabhuta ~naa.na-dassana.m,||
yathaabhuta-~naa.na-dassane asati yathaabhuta-~naa.na-dassana-vipannassa hatupaniso hoti nibbidaa viraago,||
nibbidaa viraage asati nibbidaa viraaga-vipannassa hatupanisa.m hoti vimutti-~naa.na-dassana.m.|| ||

Siilavato aavuso siila-sampannassa upanissaya-sampanno hoti sammaa-samaadhi.|| ||

Sammaa-samaadhimhi sati sammaa-samaadhi-sampannassa upanissaya-sampanna.m hoti yathaabhuta-~naa.na-dassana.m.|| ||

Yathaabhuta-~naa.na-dassane sati yathaabhuta-~naa.na-dassana-sampannassa upanissaya-sampanno hoti nibbidaa viraago.|| ||

Nibbidaa viraage sati nibbidaa viraaga-sampannassa upanissaya-sampanna.m hoti vimutti-~naa.na-dassana.m.|| ||

Seyyathaa pi aavuso rukkho sakhaapalaasasampanno, tassa papa.tikaa pi paaripuuri.m gacchati,||
taco pi paaripuuri.m gacchati,||
pheggu pi paaripuuri.m gacchati,||
saaro pi [201] paaripuuri.m gacchati.|| ||

Evam eva kho aavuso siilavato siilasampannassa upanissayasampanno hoti sammaasamaadhi||
sammaa-samaadhimhi sati sammaa-samaadhi-sampannassa upanissaya-sampanna.m hoti yathaabhuta-~naa.na-dassana.m||
yathaabhuta-~naa.na-dassane sati yathaabhuta-~naa.na-dassana-sampannassa upanissaya-sampanno hoti nibbidaa viraago||
nibbidaa viraage sati nibbidaa viraaga-sampannassa upanissaya-sampanna.m hoti vimutti-~naa.na-dassana.m." ti.|| ||


Contact:
E-mail
Copyright Statement