Aṅguttara Nikāya
Pañcaka-Nipāta
XVIII. Upāsaka Vaggo
Sutta 174
Vera Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
"Atha kho Anāthapiṇḍiko gahapati yena Bhagavā ten'upasaṅkami.|| ||
Upasaṅkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinnaṃ kho Anāthapiṇḍikaṃ gahapatiṃ Bhagavā etad avoca:|| ||
2. Pañca gahapati, bhayāni verāni a-p-pahāya du-s-sīlo iti vuccati Nirayaṃ ca uppajjati.|| ||
Katamāni pañca?|| ||
Pāṇ-ā-tipātaṃ,||
adinn'ādānaṃ,||
kāmesu micchā-cāraṃ,||
musā-vādaṃ,||
surā-mera-yamajja-pamā-daṭṭhānaṃ.|| ||
[205] Imāni kho gahapati, pañca bhayāni verāni a-p-pahāya du-s-sīlo iti vuccati Nirayaṃ ca uppajjati.|| ||
■
3. Pañca gahapati, bhayāni verāni pahāya sīlavā iti vuccati Sugatiṃ ca uppajjati.|| ||
Katamāni pañca?|| ||
Paṇātipātaṃ,||
adinn'ādānaṃ,||
kāmesu micchā-cāraṃ,||
musā-vādaṃ,||
surā-mera-yamajja-pamā-daṭṭhānaṃ.|| ||
Imāni kho gahapati, pañca bhayāni verāni pahāya sīlavā iti vuccati Sugatiṃ ca uppajjatī ti.|| ||
§
4. Yaṃ gahapati, pāṇ-ā-tipātī pāṇ-ā-tipāta-paccayā diṭṭha-dhammikam pi bhayaṃ veraṃ pasavati,||
samparāyikam pi bhayaṃ veraṃ pasavati,||
ceta-sikam pi dukkhaṃ domanassaṃ paṭisaṃvedeti.|| ||
Pāṇ-ā-tipātā paṭivirato n'eva diṭṭha-dhammikaṃ bhayaṃ veraṃ pasvati,||
na samparāyikaṃ bhayaṃ veraṃ pasvati,||
na cetasikaṃ dukkhaṃ domanassaṃ paṭisaṃvedeti.|| ||
Pāṇ-ā-tipātā paṭiviratssa evaṃ taṃ bhayaṃ veraṃ vūpasantaṃ hoti.|| ||
■
5. Yaṃ gahapati, adinnadāyī adinn'ādāna-paccayā diṭṭha-dhammikam pi bhayaṃ veraṃ pasavati,||
samparāyikam pi bhayaṃ veraṃ pasavati,||
ceta-sikam pi dukkhaṃ domanassaṃ paṭisaṃvedeti.|| ||
Adinn'ādānā paṭivirato n'eva diṭṭha-dhammikaṃ bhayaṃ veraṃ pasavati,||
na samparāyikaṃ bhayaṃ veraṃ pasavati,||
na cetayikaṃ dukkhaṃ domanassaṃ paṭisaṃvedeti.|| ||
Adinn'ādānā paṭiviratassa evaṃ taṃ bhayaṃ veraṃ vūpasantaṃ hoti.|| ||
■
6. Yaṃ gahapati, kāmesu micchā-cārī kāmesu micchā-cāra paccayā diṭṭha-dhammikam pi bhayaṃ veraṃ pasavati,||
samparāyikam pi bhayaṃ veraṃ pasavati,||
ceta-sikam pi dukkhaṃ domanassaṃ paṭisaṃvedeti.|| ||
Kāmesu-micchā-cārā paṭivirato n'eva diṭṭha-dhammikaṃ bhayaṃ veraṃ pasavati,||
na samparāyikaṃ bhayaṃ veraṃ pasavati,||
na cetayikaṃ dukkhaṃ domanassaṃ paṭisaṃvedeti.|| ||
Kāmesu-micchā-cārā paṭiviratassa evaṃ taṃ bhayaṃ veraṃ vūpasantaṃ hoti.|| ||
■
7. Yaṃ gahapati, musā-vādī musā-vāda-paccayā diṭṭha-dhammikam pi bhayaṃ veraṃ pasavati,||
samparāyikam pi bhayaṃ veraṃ pasavati,||
ceta-sikam pi dukkhaṃ domanassaṃ paṭisaṃvedeti.|| ||
Musā-vādā paṭivirato n'eva diṭṭha-dhammikaṃ bhayaṃ veraṃ pasavati,||
na samparāyikaṃ bhayaṃ veraṃ pasavati,||
na cetasikaṃ dukkhaṃ domanassaṃ paṭisaṃvedeti.|| ||
Musā-vādā paṭiviratassa evaṃ taṃ bhayaṃ veraṃ vūpasantaṃ hoti.|| ||
■
8. Yaṃ gahapati, surā-mera-yamajja-pamā-daṭṭhāyī surā-mera-yamajja-pamā-daṭṭhāna-paccayā diṭṭha-dhammikam pi bhayaṃ veraṃ pasavati,||
samparāyikam pi bhayaṃ veraṃ pasavati,||
ceta-sikam pi dukkhaṃ domanssaṃ paṭisaṃvedeti.|| ||
Surā-mera-yamajja-pamā-daṭṭhānā paṭivirato n'eva diṭṭha-dhammikaṃ bhayaṃ veraṃ pasavati,||
na samparāyikaṃ bhayaṃ veraṃ pasavati,||
na cetasikaṃ dukkhaṃ domanassaṃ paṭisaṃvedeti.|| ||
Surā-mera-yamajja-pamā-daṭṭhānā paṭiviratassa evaṃ taṃ bhayaṃ veraṃ vūpasantaṃ hotī" ti.
Yo pāṇam atimāteti musā-vādañ ca bhāsati,||
Loke adinnaṃ ādiyati paradārañ ca gacchati,||
Surā-meraya-pānaṃ ca yo naro anuyuñjati;
Appahāya pañca verāni du-s-sīlo iti vuccati,||
Kāyassa bhedā duppañño Nirayaṃ so uppajjati
Yo pāṇaṃ nātipāteti musā-vādaṃ na bhāsati,||
Loke adinnaṃ nādiyati paradāraṃ na gacchati,||
[206] Surā-meraya-pānaṃ ca yo naro nānuyuñjati;
Pahāya pañca verāni sīlavā iti vuccati,||
Kāyassa bhedā sappañño sugatiṃ so uppajjati.|| ||
