Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XVIII. Upaasaka Vaggo

Sutta 175

Upaasaka Ca.n.daala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~ncahi bhikkhave,||
dhammehi samannaagato upaasako upaasaka-ca.n.daalo ca hoti upaasakamala~n ca upaasakapatiki.t.tho ca.|| ||

Katamehi pa~ncahi?|| ||

Assaddho hoti,||
dussiilo hoti,||
kotuhalama'ngaliko hoti,||
ma'ngala.m pacceti no kamma.m,||
ito ca bahiddhaa dakkhi.neyya.m gavesati||
tattha ca pubbakaara.m karoti.|| ||

Imehi kho bhikkhave,||
pa~ncahi dhammehi samannaagato upaasako upaasaka-ca.n.daalo ca hoti upaasakamala~n ca upaasakapatiki.t.tho ca.|| ||

Pa~ncahi bhikkhave,||
dhammehi samannaagato upaasako upaasakaratana~nca hoti upaasakapaduma~nca upaasakapu.n.darika~nca: katamehi pa~ncahi:|| ||

Saddho hoti,||
siilavaa hoti,||
akotuhalama'ngaliko hoti,||
kamma.m pacceti no ma'ngala.m,||
na ito bahiddhaa dakkhi.neyya.m gavesati,||
idha ca pubbakaara.m karoti.|| ||

Imehi kho bhikkhave,||
pa~ncahi dhammehi samannaagato upaasako upaasakaratana~nca hoti upaasakapaduma~nca upaasakapu.n.dariika~ncaa ti.|| ||


Contact:
E-mail
Copyright Statement