Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XVIII. Upaasaka Vaggo

Sutta 176

Piiti Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][than][pts]Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Atha kho Anaathapi.n.diko gahapati pa~nca-mattehi upaasakasatehi parivuto yena Bhagavaa ten'upasa'nkami.||
Upasa'nkamitvaa Bhagavanta.m abhivaadetvaa eka-m-anta.m nisidi.||
Eka-m-anta.m nisinna.m kho Anaathapi.n.dika.m gahapati.m Bhagavaa etad avoca:|| ||

2. Tumhe pi kho gahapati,
bhikkhu-sa'ngha.m paccupa.t.thitaa ciivara-pi.n.dapaata-senaa-sanagilaana-paccay-abhesajja-parikkhaarena.
Na kho gahapati,
taavataken'eva tu.t.thi kara.niyaa:
'maya.m bhikkhu-sa'ngha.m paccupa.t.thitaa
ciivara-pi.n.dapaata-senaa-sanagilaana-paccay-abhesajja-parikkhaarenaa' ti.|| ||

Tasmaa ti ha gahapati,
eva.m sikkhitabba.m:|| ||

[207]3."Kinti maya.m kaalena kaala.m paviveka.m piiti.m upasampajja vihareyyaamaa" ti.|| ||

Eva.m hi vo gahapati sikkhitabban ti.|| ||

4. Eva.m vutte aayasmaa Saariputto Bhagavanta.m etad avoca:|| ||

Acchariya.m bhante! Abbhuta.m bhante!
Yaava subhaasitata~n c'ida.m bhante, Bhagavataa:-|| ||

"Tumhe kho gahapati,
bhikkhu-sa'ngha.m paccupa.t.thitaa
ciivara-pi.n.dapaata-senaa-sanagilaana-paccay-abhesajja-parikkhaarena.
Na kho gahapati taavataken'eva tu.t.thi kara.niyaa:
'Maya.m bhikkhu-sa'ngha.m paccupa.t.thitaa
ciivara-pi.n.dapaata-senaa-sanagilaana-paccay-abhesajja-parikkhaarenaa' ti.
Tasmaa ti ha gahapati,
eva.m sikkhitabba.m:||
"Kinti maya.m kaalena kaala.m paviveka.m piiti.m upasampajja vihareyyaamaa' ti.
Eva.m hi vo gahapati,
sikkhitbban' ti.|| ||

Yasmi.m bhante,
samaye ariyasaavako paviveka.m piiti.m upasampajja viharati.
Pa~nc'assa .thaanaani tasmi.m samaye na honti:|| ||

Yam pi'ssa kaamuupasa.mhita.m dukkha.m domanassa.m,
tam pi'ssa tasmi.m samaye na hoti.
Yam pi'ssa kaamuupasa.mhita.m sukha.m somanassa.m,
tam pi'ssa tasmi.m samaye na hoti.
Yam pi'ssa akusalupasa.mhita.m dukkha.m domanassa.m,
tam pi'ssa tasmi.m samaye na hoti.
Yam pi'ssa akusaluupasa.mhita.m sukha.m somanassa.m,
tam pi'ssa tasmi.m samaye na hoti.
Yam pi'ssa kusaluupasa.mhita.m dukkha.m domanassa.m,
tam pi'ssa tasmi.m samaye na hoti.|| ||

Yasmi.m bhante,
samaye ariyasaavako paviveka.m piiti.m upasampajja viharati.
Imaani'ssa pa~nca .thaanaani tasmi.m samaye na hontii ti.|| ||

Saadhu! Saadhu! Saariputta.
Yasmi.m Saariputta, samaye [208] ariyasaavako paviveka.m piiti.m upasampajja viharati,
pa~nc'assa .thaanaani tasmi.m samaye na honti:|| ||

Yam pi'ssa kaamuupasa.mhita.m dukkha.m domansasa.m,
tam pi'ssa tasmim samaye na hoti.
Yam pi'ssa kaamuupasa.mhita.m sukha.m somanassa.m,
tam pi'ssa tasmi.m samaye na hoti.
Yam pi'ssa akusaluupasa.mhita.m dukkha.m domanassa.m,
tam pi'ssa tasmi.m samaye na hoti.
Yam pi'ssa akusaluupasa.mhita.m sukha.m somanassa.m,
tam pi'ssa tasmi.m samaye na hoti.
Yam pi'ssa kusaluupasa.mhita.m dukkha.m domanassa.m,
tam pi'ssa tasmi.m samaye na hoti.|| ||

Yasmi.m Saariputta samaye ariyasaavako paviveka.m piiti.m upasampajja viharati,
imaani'ssa pa~nca .thaanaani tasmi.m samaye na hontii ti.|| ||


Contact:
E-mail
Copyright Statement