Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XVIII. Upaasaka Vaggo

Sutta 178

Raaja Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Anguttara-Nikaya edited by Professor E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Ta.m ki.m ma~n~natha bhikkhave?|| ||

Api nu tumhehi, di.t.tha.m vaa suta.m vaa:|| ||

'Aya.m puriso paa.naatipaata.m pahaaya paa.naatipaataa pa.tivirato hotii,||
tam ena.m raajaano gahetvaa paa.naatipaataa verama.niihetu hananti vaa||
bandhanti vaa||
pabbaajenti vaa||
yathaapaccaya.m vaa karontii' ti?|| ||

"No h'eta.m bhante."|| ||

"Saadhu bhikkhave,||
mayaa pi kho eta.m bhikkhave,||
n'eva di.t.tha.m na suta.m:|| ||

'Aya.m puriso paa.naatipaata.m pahaaya paa.naatipaataa pa.tivirato hotii' tam ena.m raajaano gahetvaa paa.naatipaataa verama.niihetu hananti vaa||
bandhanti vaa||
pabbaajenti vaa||
yathaapaccaya.m vaa karontii' ti.|| ||

Api ca khvaassa ta.m'eva [209] paapakakamma.m pavedenti:|| ||

"Aya.m puriso itthi.m vaa||
purisa.m vaa||
jivitaa voropesii" ti.|| ||

Tam ena.m raajaano gahetvaa paa.naatipaatahetu hananti vaa||
bandhanti vaa||
pabbaajenti vaa||
yathaapaccaya.m vaa karonti.|| ||

Api nu tumhehi evaruupa.m di.t.tha.m vaa suta.m vaa" ti?|| ||

"Di.t.tha~n ca no bhante suta~n ca suuyissati caa" ti.|| ||

 

 

2. "Ta.m ki.m ma~n~natha bhikkhave?|| ||

Api nu tumhehi, di.t.tha.m vaa suta.m vaa:|| ||

'Aya.m puriso adinnaadaana.m pahaaya adintaadaanaa pa.tivirato1hotii,||
tam ena.m raajaano gahetvaa adinnaadaanaa verama.nihetu hananti vaa||
bandhanti vaa||
pabbaajenti vaa||
yathaapaccaya.m vaa karontii' ti?|| ||

"No h'eta.m bhante."|| ||

"Saadhu bhikkhave,||
mayaa pi kho eta.m bhikkhave,||
n'eva di.t.tha.m na suta.m:|| ||

'Aya.m puriso adintaadaana.m pahaaya adinnaadaanaa pa.tivirato hotii,||
tam ena.m raajaano gahetvaa adinnaadaanaa verama.nihetu hananti vaa||
bandhanti vaa||
pabbaajenti vaa||
yathaapaccaya.m vaa karontii" ti.|| ||

Api ca khvaassa tath'eva2- paapaka.m kamma.m pavedayanti:|| ||

"Aya.m puriso gaamaa vaa ara~n~naa vaa adinna.m theyyasa.mkhaata.m aadiyii" ti|| ||

tam ena.m raajaano gahetvaa adinnaadaanahetu hananti vaa||
bandhanti vaa||
pabbaajenti vaa||
yathaapaccaya.m vaa karonti.|| ||

Api nu tumhehi evaruupa.m di.t.tha.m vaa suta.m vaa" ti?|| ||

"Di.t.tha~n ca no bhante suta~n ca suuyissati caa" ti.|| ||

 

 

3. "Ta.m ki.m ma~n~natha bhikkhave?|| ||

Api nu tumhehi, di.t.tha.m vaa suta.m vaa:|| ||

'Aya.m puriso kaamesu micchaacaara.m pahaaya kaamesu micchaacaaraa pa.tivirato hotii'ti|| ||

tam ena.m raajaano gahetvaa kaamesu micchaacaaraa verama.nihetu hananti vaa||
bandhanti vaa||
pabbaajenti vaa||
yathaapaccaya.m vaa karontii' ti?|| ||

"No h'eta.m bhante."|| ||

"Saadhu bhikkhave,||
mayaa pi kho eta.m bhikkhave,||
n'eva di.t.tha.m na suta.m:|| ||

'Aya.m puriso kamesu micchaara.m pahaaya kaamesumicchaacaaraa pa.tivirato hotii,||
tam ena.m raajaano gahetvaa kaamesumicchaaraa verama.ni hetu [210] hananti vaa||
bandhanti vaa||
pabbaajenti vaa||
yathaapaccaya.m vaa karontii" ti.|| ||

Api ca khvaassa tath'eva paapaka.m kamma.m pavedayanti:|| ||

"Aya.m puriso paritthiisu parakumaariisu caaritta.m aapajjatii' ti.|| ||

tam ena.m raajaano gahetvaa kaamesu micchaacaarahetu hananti vaa||
bandhanti vaa||
pabbaajenti vaa||
yathaapaccaya.m vaa karonti.|| ||

Api nu tumhehi evaruupa.m di.t.tha.m vaa suta.m vaa" ti?|| ||

"Di.t.tha~n ca no bhante suta~n ca suuyissati caa" ti.|| ||

 

 

4. "Ta.m ki.m ma~n~natha bhikkhave?|| ||

Api nu tumhehi, di.t.tha.m vaa suta.m vaa:|| ||

'Aya.m puriso musaa-vaada.m pahaaya musaa-vaadaa pa.tivirato hotii,||
tam ena.m raajaano gahetvaa musaa-vaadaa verama.ni hetu hananti vaa||
bandhanti vaa||
pabbaajenti vaa||
yathaapaccaya.m vaa karontii' ti?|| ||

"No h'eta.m bhante."|| ||

"Saadhu bhikkhave,||
mayaa pi kho eta.m bhikkhave,||
n'eva di.t.tha.m na suta.m:|| ||

'Aya.m puriso musaa-vaada.m pahaaya musaa-vaadaa pa.tivirato hotii' ti.|| ||

tam ena.m raajaano gahetvaa musaa-vaadaa verama.nihetu hananti vaa||
bandhanti vaa||
pabbaajenti vaa||
yathaapaccaya.m vaa karonti.|| ||

Api ca khvaassa tath'eva paapaka.m kamma.m pavedayanti:|| ||

"Aya.m puriso gahapatissa vaa gahapatiputtassa vaa musaavaadena attha.m bha~njii" ti.|| ||

tam ena.m raajaano gahetvaa musaavaadahetu hananti vaa||
bandhanti vaa||
pabbaajenti vaa||
yathaapaccaya.m vaa karonti.|| ||

Api nu tumhehi evaruupa.m di.t.tha.m vaa suta.m vaa" ti?|| ||

"Di.t.tha~n ca no bhante suta~n ca suuyissati caa" ti.|| ||

 

 

5. "Ta.m ki.m ma~n~natha bhikkhave?|| ||

Api nu tumhehi, di.t.tha.m vaa suta.m vaa:|| ||

'Aya.m puriso suraamerayamajjapamaada.t.thaana.m pahaaya suraamerayamajjapamaada.t.thaanaa pa.tivirato hotii,||
tam ena.m raajaano gahetvaa suraamerayamajjapamaada.t.thaanaa verama.nihetu hananti vaa||
bandhanti vaa||
pabbaajenti vaa||
yathaapaccaya.m vaa karontii' ti?|| ||

"No h'eta.m bhante."|| ||

"Saadhu bhikkhave,||
mayaa pi kho eta.m bhikkhave,||
n'eva di.t.tha.m na suta.m:|| ||

'Aya.m puriso suraamerayamajjapamaada.t.thaana.m pahaaya suraamerayamajjapamaada.t.thaanaa [211] pa.tivirato hotii,||
tam ena.m raajaano gahetvaa suraamerayamajjapamaada.t.thaanaa verama.nihetu hananti vaa||
bandhanti vaa||
pabbaajenti vaa||
yathaapaccaya.m vaa karonti.|| ||

Api ca khvaassa tath'eva paapaka.m kamma.m pavedayanti:|| ||

"Aya.m puriso suraamerayamajjapamaada.t.thaana.m anuyutto itthi.m vaa purisa.m vaa jivitaa voropesi.|| ||

Aya.m puriso suraamerayamajjapamaada.t.thaana.m anuyutto gaamaa vaa ara~n~naa vaa adinna.m theyyasa.mkhaata.m aadiyii.|| ||

Aya.m puriso suraamerayamajjapamaada.t.thaana.m anuyutto paritthiisu parakumaariisu caaritta.m aapajji.|| ||

Aya.m puriso suraamerayamajjapamaada.t.thaana.m anuyutto gahapatissa vaa gahapatiputtassa vaa musaavaadena attha.m bha~njii" ti.|| ||

Tam ena.m raajaano gahetvaa suraamerayamajjapamaada.t.thaanahetu hannti vaa||
bandhanti vaa||
pabbaajenti vaa||
yathaapaccaya.m vaa karontii.|| ||

Api nu tumhehi evaruupa.m di.t.tha.m vaa suta.m vaa" ti?|| ||

"Di.t.tha~n ca no bhante suta~n ca suuyissati caa" ti.|| ||


Contact:
E-mail
Copyright Statement