Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XIX. Ara~n~na Vaggo

Sutta 181

Aara~n~naka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave aara~n~nakaa.|| ||

Katame pa~nca?|| ||

2. Mandattaa momuuhattaa aara~n~nako hoti.|| ||

Paapiccho icchaapakato aara~n~nako hoti.|| ||

Ummaadaa cittakkhepaa aara~n~nako hoti.|| ||

'Va.na.nita.m buddhehi Buddhasaavakehi' ti ara~n~nako hoti.|| ||

Appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya aara~n~nako hoti.|| ||

Ime kho bhikkhave pa~nca aara~n~nakaa.|| ||

3. Imesa.m kho bhikkhave pa~ncanna.m aara~n~nakaana.m yvaaya.m aara~n~nako appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya aara~n~nako hoti,||
aya.m imesa.m pa~ncanna.m aara~n~nakaana.m aggo ca||
se.t.tho ca||
mokkho ca||
uttamo ca||
pavaro ca.|| ||

Seyyathaa pi, bhikkhave, gavaa khiira.m,||
khiiramhaa dadhi,||
dadhimhaa navaniita.m,||
navanitamhaa sappi,||
sappimhaa sappima.n.do tattha aggam akkhaayati;|| ||

evam eva kho bhikkhave imesa.m pa~ncanna.m aara~n~nakaana.m yvaaya.m aara~n~nako appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya aara~n~nako hoti,||
aya.m imesa.m pa~ncanna.m aara~n~nakaana.m aggo ca||
se.t.tho ca||
mokkho ca||
uttamo ca||
pavaro caa" ti.|| ||


Contact:
E-mail
Copyright Statement