Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XIX. Ara~n~na Vaggo

Sutta 182

Pa.msukuulika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave pa.msukulikaa.|| ||

Katame pa~nca?|| ||

Mandattaa momuuhattaa pa.msukuulikaa hoti.|| ||

Paapiccho icchaapakato pa.msukuulikaa hoti.|| ||

Ummaadaa cittakkhepaa pa.msukuulikaa hoti.|| ||

Va.na.nita.m buddhehi Buddhasaavakehiti pa.msukuulikaa hoti.|| ||

Appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pa.msukuulikaa.|| ||

Ime kho bhikkhave pa~nca pa.msukuulikaa.|| ||

3. Imesa.m kho bhikkhave pa~ncanna.m pa.msukuulikaana.m yvaaya.m pa.msukuuliko appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pa.msukuuliko hoti,||
aya.m imesa.m pa~ncanna.m pa.msukuulikaana.m aggo ca||
se.t.tho ca||
mokkho ca||
uttamo ca||
pavaro ca.|| ||

Seyyathaa pi, bhikkhave, gavaa khiira.m,||
khiiramhaa dadhi,||
dadhimhaa navaniita.m,||
navanitamhaa sappi,||
sappimhaa sappima.n.do tattha aggam akkhaayati;|| ||

evam eva kho bhikkhave imesa.m pa~ncanna.m pa.msukuulikaana.m yvaaya.m pa.msakuuliko appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pa.msukuuliko hoti,||
aya.m imesa.m pa~ncanna.m pa.msukuulikaana.m aggo ca||
se.t.tho ca||
mokkho ca||
uttamo ca||
pavaro caa" ti.|| ||


Contact:
E-mail
Copyright Statement