Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XIX. Ara~n~na Vaggo

Sutta 183a

Pi.n.dapaatika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave pi.n.dapaatikaa.|| ||

Katame pa~nca?|| ||

Mandattaa momuuhattaa pi.n.dapaatiko hoti.|| ||

Paapiccho icchaapakato pi.n.dapaatiko hoti.|| ||

Ummaadaa cittakkhepaa pi.n.dapaatiko hoti.|| ||

Va.n.nita.m buddhehi Buddhasaavakehiti pi.n.dapaatiko hoti.|| ||

Appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pi.n.dapaatiko hoti.|| ||

Ime kho bhikkhave pa~nca pi.n.dapaatikaa.|| ||

3. Imesa.m kho bhikkhave pa~ncanna.m pi.n.dapaatikaana.m yvaaya.m pi.n.dapaatiko appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pi.n.dapaatiko hoti,||
aya.m imesa.m pa~ncanna.m, pi.n.dapaatikaana.m aggo ca||
se.t.tho ca||
mokkho ca||
uttamo ca||
pavaro ca.|| ||

Seyyathaa pi, bhikkhave, gavaa khiira.m,||
khiiramhaa dadhi,||
dadhimhaa navaniita.m,||
navanitamhaa sappi,||
sappimhaa sappima.n.do tattha aggam akkhaayati;|| ||

evam eva kho bhikkhave imesa.m pa~ncanna.m pi.n.dapaatikaana.m yvaaya.m pi.n.dapaatiko appicchata.m yeva nissaaya,||
santu.t.thi.m yeva nissaaya sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pi.n.dapaatiko hoti,||
aya.m imesa.m pa~ncanna.m pi.n.dapaatikaana.m aggo ca||
se.t.tho ca||
mokkho ca||
uttamo ca||
pavaro caa" ti.|| ||


Contact:
E-mail
Copyright Statement