Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XIX. Ara~n~na Vaggo

Sutta 184

Sosaanika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

Pa~nc'ime bhikkhave sosaanikaa.|| ||

Katame pa~nca?|| ||

Mandattaa momuuhattaa sosaaniko hoti.|| ||

Paapiccho icchaapakato sosaaniko hoti.|| ||

Ummaadaa cittakkhepaa sosaaniko hoti.|| ||

Va.n.nita.m buddhehi Buddhasaavakehiti sosaaniko hoti.|| ||

Appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya sosaaniko hoti.|| ||

Ime kho bhikkhave pa~nca sosaanikaa.|| ||

Imesa.m kho bhikkhave pa~ncanna.m sosaanikaana.m yvaaya.m sosaaniko appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya,||
sosaaniko hoti,||
aya.m imesa.m pa~ncanna.m,||
sosaanikaana.m aggo ca||
se.t.tho ca||
mokkho ca||
uttamo ca||
pavaro ca.|| ||

Seyyathaa pi, bhikkhave, gavaa khiira.m,||
khiiramhaa dadhi,||
dadhimhaa navaniita.m,||
navanitamhaa sappi,||
sppimhaa sappima.n.do tattha aggam akkhaayati,||
evam eva kho, bhikkhave,||
imesa.m pa~ncanna.m sosaanikaana.m yvaaya.m sosaaniko appicchata.m yeva nissaaya,||
santu.t.thi.m yeva nissaaya||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya sosaaniko hoti,||
aya.m imesa.m pa~ncanna.m sosaanikaana.m aggo ca||
se.t.tho ca||
mokkho ca||
uttamo ca||
pavaro caa" ti.|| ||


Contact:
E-mail
Copyright Statement