Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XIX. Ara~n~na Vaggo

Sutta 189

Khalupacchaabhattika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave khalupacchaabhattikaa.|| ||

Katame pa~nca?|| ||

Mandattaa momuuhattaa khalupacchaabhattiko hoti.|| ||

Paapiccho icchaapakato khalupacchaabhattiko hoti.|| ||

Ummaadaa cittakkhepaa khalupacchaabhattiko hoti.|| ||

Va.n.nita.m buddhehi Buddhasaavakehiti khalupacchaabhattiko hoti appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya khalupacchaabhattiko hoti.|| ||

Ime kho bhikkhave pa~nca khalupacchaabhattikaa.|| ||

Imesa.m kho bhikkhave pa~ncanna.m khalupacchaabhattikaana.m yvaaya.m khalupacchaabhattiko appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya,||
khalupacchaabhattiko hoti,||
aya.m imesa.m pa~ncanna.m khalupacchaabhattikaana.m aggo ca||
se.t.tho ca||
mokkho ca||
uttamo ca||
pavaro ca.|| ||

Seyyathaa pi, bhikkhave, gavaa khiira.m,||
khiiramhaa dadhi,||
dadhimhaa navaniita.m,||
navanitamhaa sappi,||
sappimhaa sappima.n.do tattha aggam akkhaayati,||
evam eva kho, bhikkhave,||
imesa.m pa~ncanna.m khalupacchaabhattikaana.m yvaaya.m khalupacchaabhattiko appicchata.m yeva nissaaya,||
santu.t.thi.m yeva nissaaya||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya khalupacchaabhattiko hoti,||
aya.m imesa.m pa~ncanna.m khalupacchaabhattikaana.m aggo ca||
se.t.tho ca||
mokkho ca||
uttamo ca||
pavaro caa" ti.|| ||


Contact:
E-mail
Copyright Statement