Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XIX. Ara~n~na Vaggo

Sutta 190

Pattapi.n.dika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave pattpi.n.dikaa.|| ||

Katame pa~nca?|| ||

Mandattaa momuuhattaa pattapi.n.diko hoti.|| ||

Paapiccho icchaapakato pattapi.n.diko hoti.|| ||

Ummaadaa cittakkhepaa pattapi.n.diko hoti.|| ||

Va.n.nita.m buddhehi Buddhasaavakehiti pattapi.n.diko hoti appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pattapi.n.diko hoti.|| ||

Ime kho bhikkhave pa~nca pattapi.n.dikaa.|| ||

Imesa.m kho bhikkhave pa~ncanna.m pattapi.n.dikaana.m yvaaya.m pattapi.n.diko appicchata.m yeva nissaaya,||
santu.t.thi.m yeva nissaaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pattapi.n.diko hoti||
aya.m imesa.m pa~ncanna.m pattapi.n.dikaana.m aggo ca||
se.t.tho ca||
mokkho ca||
uttamo ca||
pavaro ca.|| ||

Seyyaathaa pi bhikkhave gavaa khiira.m||
khiramhaa dadhi,||
dadhimhaa navaniita.m,||
navaniitamhaa sappi,||
sappimhaa sappima.n.do tattha aggam akkhaayati,||
evam eva kho, bhikkhave,||
imesa.m pa~ncanna.m pattapi.n.dikaana.m yvaaya.m pattapi.n.diko [221] appicchata.m yeva nissaaya,||
santu.t.thi.m yeva nissaayaya,||
sallekha.m yeva nissaaya,||
paviveka.m yeva nissaaya,||
idam a.t.thita.m yeva nissaaya pattapi.n.diko hoti,||
aya.m imesa.m pa~ncanna.m pattapi.n.dikaana.m aggo ca||
se.t.tho ca||
mokkho ca||
uttamo ca||
pavaro caa" ti.|| ||

Aara~n~nakavaggo catuttho|| ||


Contact:
E-mail
Copyright Statement