Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XX. Braahma.na Vaggo

Sutta 193

Sa'ngaarava Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha kho Sa'ngaaravo braahma.no yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niya.m vitisaaretvaa eka-m-anta.m nisiidi.|| ||

Eka-m-anta.m nisinno kho Sa'ngaaravo braahma.no Bhagavanta.m etad avoca:|| ||

2. "Ko nu kho bho Gotama hetu?|| ||

Ko paccayo?|| ||

Yenekadaa diigha-ratta.m sajjhaayakataa pi mantaa nappa.tibhanti,||
pageva asajjhaayakataa.|| ||

Ko pana bho Gotama hetu?|| ||

Ko paccayo?|| ||

Yenekadaa diigha-ratta.m asajjhaayakataa pi mantaa pa.tibhanti,||
pageva sajjhaayakataa" ti.|| ||

 

 

3. "Yasmi.m braahma.na,||
samaye kaama-raaga-pariyu.t.thitena cetasaa viharati kaama-raagaparetena,||
uppannassa ca kaama-raagassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

Seyyathaa pi braahma.na udapatto sa.msa.t.tho laakhaaya vaa haliddiyaa vaa niiliyaa vaa ma~nji.t.thaaya vaa,||
tattha cakkhumaa puriso sa- [231] ka.m mukhanimitta.m paccavekkhamaano yathaabhuta.m na ppajaaneyya na passeyya,||
evam eva kho brahma.na,||
yasmi.m samaye kaama-raagapariyu.t.thitena cetasaa viharati kaama-raagaparetena,||
uppannassa ca kaama-raagassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

 

 

Puna ca para.m braahma.na,||
yasmi.m samaye vyaapaada-pariyu.t.thitena cetasaa viharati vyaapaada-paretena,||
uppannassa ca vyaapaadassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

Seyyathaa pi braahma.na,||
udapatto agginaa santatto ukka.t.thito ussadakajaato,||
tattha cakkhumaa puriso saka.m mukhanimitta.m paccavekkhamaano yathaabhutha.m na ppajaaneyya,||
na passeyya,||
evam eva kho braahma.na,||
yasmi.m samaye vyaapaada-pariyu.t.thitena cetasaa viharati vyaapaada- paretena,||
uppannassa ca vyaapaadassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

 

 

Puna ca para.m braahma.na,||
yasmi.m samaye thiina-middha-pariyu.t.thitena cetasaa viharati thiina-middha-paretena,||
uppannassa ca thiina-middhassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m [232] na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

Seyyathaa pi braahma.na,||
udapatto sevaalapa.nakapariyonaddho,||
tattha cakkhumaa puriso saka.m mukhanimitta.m paccavekkhamaano yathaabhutha.m na ppajaaneyya, na passeyya,||
evam eva kho braahma.na,||
yasmi.m samaye thiina-middha-pariyu.t.thitena cetasaa viharati thiina-middha-paretena,||
uppannassa ca thiina-middhassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

 

 

Puna ca para.m braahma.na,||
yasmi.m samaye uddhacca-kukkucca-pariyu.t.thitena cetasaa viharati uddhacca-kukkucca-paretena,||
uppannassa ca uddhacca-kukkuccassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

Seyyathaa pi braahma.na,||
udapatto vaaterito calito bhanto umijaato,||
tattha cakkhumaa puriso saka.m mukhanimitta.m paccavekkhamaano yathaabhuta.m na ppajaaneyya,||
na passeyya,||
evam eva kho braahma.na,||
yasmi.m samaye uddhacca-kukkucca-pariyu.t.thitena cetasaa viharati uddhacca-kukkucca-paretena,||
uppannassa ca uddhacca-kukkuccassa nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m [233] sajjhaayakataa pi mantaa nappa.tibhanti,||
pageva asajjhaayakataa.|| ||

 

 

Puna ca para.m braahma.na,||
yasmi.m samaye vicikicchaa-pariyu.t.thitena cetasaa viharati vicikicchaa-paretena,||
uppannassa ca vicikicchaaya nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

Seyyathaa pi braahma.na,||
udapatto aavilo lu.lito kalaliibhuto andhakaare nikkhitto,||
tattha cakkhumaa puriso saka.m mukhanimitta.m paccavekkhamaano yathaabhuta.m na ppajaaneyya, na passeyya,||
evam eva kho braahma.na,||
yasmi.m samaye vicikicchaa-pariyu.t.thitena cetasaa viharati vicikicchaa-paretena,||
uppannassa ca vicikicchaaya nissara.na.m yathaabhuta.m na ppajaanaati,||
attattham pi tasmi.m samaye yathaabhuta.m na ppajaanaati,||
na passati,||
parattham pi tasmi.m samaye yathaabhuta.m na ppajaanaati,||
na passati,||
ubhayattham pi tasmi.m samaye yathaabhuta.m na ppajaanaati,||
na passati,||
diigharatta.m sajjhaayakataa pi mantaa nappa.tibhanti,||
pageva asajjhaayakataa.|| ||

 


 

Yasmi~n ca kho braahma.na,||
samaye na kaama-raaga-pariyu.t.thitena cetasaa viharati na kaama-raaga-paretena,||
uppannassa ca kaama-raagassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

Seyyathaa pi braahma.na udapatto asa.msa.t.tho laakhaaya vaa ha.liddiyaa vaa niiliyaa vaa [234] ma~nji.t.thaaya vaa,||
tattha cakkhumaa puriso saka.m mukhanimitta.m paccavekkhamaano yathaabhuta.m pajaaneyya passeyya,||
evam eva kho braahma.na yasmi.m samaye na kaama-raaga-pariyu.t.thitena cetasaa viharati na kaama-raaga-paretena,||
uppannassa ca kaama-raagassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

 

 

Puna ca para.m braahma.na,||
samaye na vyaapaadapariyu.t.thitena cetasaa viharati na vyaapaadaparetena,||
uppannassa ca vyaapaadassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

Seyyathaa pi braahma.na,||
udapatto agginaa asantatto anukka.t.thito anussadakajaato,||
tattha cakkhumaa puriso saka.m mukhanimitta.m paccavekkhamaano yathaabhuta.m pajaaneyya passeyya,||
evam eva kho braahma.na,||
yasmi.m samaye na vyaapaada-pariyu.t.thitena cetasaa viharati na vyaapaada-paretena,||
uppannassa ca vyaapaadassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

 

 

Puna ca para.m braahma.na,||
yasmi.m samaye na thiinamiddhapariyu.t.thitena cetasaa viharati thiinamiddhaparetena,||
uppannassa ca thinamiddhassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
[235] pageva sajjhaayakataa.|| ||

Seyyathaa pi braahma.na,||
udapatto na sevaalapa.nakapariyonaddho,||
tattha cakkhumaa puriso saka.m mukhanimitta.m paccavekkhamaano yathaabhuta.m pajaaneyya,||
passeyya,||
evam eva kho braahma.na,||
yasmi.m samaye na thiina-middha-pariyu.t.thitena cetasaa viharati thiina-middha-paretena,||
uppannassa ca thiina-middhassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

 

 

Puna ca para.m braahma.na,||
yasmi.m samaye na uddhacca-kukkucca-pariyu.t.thitena,||
cetasaa viharati uddhacca-kukkucca-paretena,||
uppannassa ca uddhacca-kukkuccassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

Seyyathaa pi braahma.na,||
udapatto na vaaterito na calito na bhanto na umijaato,||
tattha cakkhumaa puriso saka.m mukhanimitta.m paccavekkhamaano yathaabhuta.m pajaaneyya,||
passeyya,||
evam eva kho braahma.na,||
yasmi.m samaye na uddhacca-kukkucca-pariyu.t.thitena cetasaa viharati na uddhacca-kukkucca-paretena,||
uppannassa ca uddhacca-kukkuccassa nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

 

 

Puna ca para.m braahma.na,||
yasmi.m samaye na vicikicchaa-pariyu.t.thitena cetasaa viharati na vicikicchaa-paretena,||
uppannaaya ca ca vicikicchaaya nissara.na.m yathaabhuta.m [236] pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

Seyyathaa pi braahma.na,||
udapatto accho vippasanno anaavilo aaloke nikkhitto,||
tattha cakkhumaa puriso saka.m mukhanimitta.m paccavekkhamaano yathaabhuta.m pajaaneyya, Passeyya,||
evam eva kho braahma.na,||
yasmi.m samaye na vicikicchaa-pariyu.t.thitena cetasaa viharati na vicikicchaa-paretena,||
uppannaaya ca vicikicchaaya nissara.na.m yathaabhuta.m pajaanaati,||
attattham pi tasmi.m samaye yathaabhuta.m pajaanaati passati,||
parattham pi tasmi.m samaye yathaabhuta.m pajaanaati passati,||
ubhayattham pi tasmi.m samaye yathaabhuta.m pajaanaati passati,||
diigharatta.m asajjhaayakataa pi mantaa pa.tibhanti,||
pageva sajjhaayakataa.|| ||

 

 

Aya.m kho braahma.na hetu,||
aya.m paccayo,||
yenekadaa diigha-ratta.m sajjhaayakataapi mantaa nappa.tibhanti,||
pageva asajjhaayakataa.|| ||

Aya.m pana braahma.na hetu aya.m paccayo,||
yenekadaa1- diigha-ratta.m asajjhaayakataapi mantaa pa.tihanti,||
pageva sajjhaayakataati. Abhikkanta.m bho Gotama,||
abhikkanta.m bho Gotama,||
seyyathaa pi bho Gotama,||
nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya' andhakaarevaa telapajjota.m dhaareyya,||
'cakkhumanto ruupaani dakkhintii" ti.|| ||

evam eva.m bhotaa Gotamena aneka-pariyaayena dhammo pakaasito.|| ||

Esaaha.m bhavanta.m Gotama.m sara.na.m gacchaami dhamma~nca bhikkhu-sa'ngha~n ca.|| ||

Upaasaka.m ma.m bhava.m Gotamo dhaaretu ajjatagge paa.nupeta.m sara.na.m gatanti.|| ||


Contact:
E-mail
Copyright Statement