Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XX. Braahma.na Vaggo

Sutta 194

Kaara.napaali Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[236]

[1][pts]Eva.m me suta.m:|| ||

Eka.m samaya.m Bhagavaa Vesaaliya.m viharati Mahaavane Kuu.taagaarasaalaaya.m.|| ||

Tena kho pana samayena Kaara.napaalii braahma.no Licchaviina.m kammanta.m kaareti.|| ||

Addasaa kho Kaara.naapaalii braahma.no Pi'ngiyaani.m braahma.na.m duurato [237] va aagacchanta.m,||
disvaa Pi'ngiyaani.m braahma.na.m etad avoca:|| ||

"Handa kuto nu bhava.m Pi'ngiyaanii aagacchati divaadivassaa" ti.|| ||

"Ito'ha.m bho aagacchaami,||
sama.nassa Gotamassa santikaa" ti.|| ||

"Ta.m ki.m ma~n~nati bhava.m Pi'ngiyaanii sama.nassa Gotamassa pa~n~naaveyyattiya.m,||
pa.n.dito ma~n~ne" ti?|| ||

"Ko caaha.m bho,||
ko ca sama.nassa Gotamassa pa~n~naaveyyattiya.m jaanissaami?|| ||

So pi nuun'assa taadiso'va,||
yo sama.nassa Gotamassa pa~n~naaveyyattiya.m jaaneyyaa" ti.|| ||

"U.laaraaya khalu bhava.m Pi'ngiyaanii sama.na.m Gotama.m pasa.msaaya pasa.msatii" ti.|| ||

"Ko caaha.m bho,||
ko ca sama.na.m Gotama.m pasa.msissaami?|| ||

Pasattha-pasattho'va so bhava.m Gotamo se.t.tho deva-manussaanan" ti.|| ||

"Ki.m pana bhava.m Pi'ngiyaanii atthavasa.m sampassamaano sama.ne Gotame eva.m abhippasanno" ti?|| ||

"Seyyathaa pi bho puriso aggarasaparititto na a~n~nesa.m hiinaana.m rasaana.m piheti,||
evam eva kho bho,||
yato yato tassa bhoto Gotamassa dhamma.m su.naati,||
yadi suttaso,||
yadi geyyaso,||
yadi veyyaakara.naso,||
yadi abbhutadhammaso,||
tato tato na a~n~nesa.m puthusama.na-braahma.na-ppavaadaana.m piheti.|| ||

Seyyathaa pi bho puriso jighacchaadubbalyapareto madhupi.n.dika.m adhigaccheyya,||
so yato yato saayetha,||
labhat'eva saadhu rasa.m asecanaka.m,||
evam eva kho bho,||
yato yato tassa bhoto Gotamassa dhamma.m su.naati,||
yadi suttaso,||
yadi geyyaso,||
yadi veyyaakara.naso,||
yadi abbhutadhammaso,||
tato tato labhat'eva attamanata.m,||
labhati cetaso pasaada.m.|| ||

Seyyathaa pi bho puriso candanagha.tika.m adhigaccheyya haricandanassa vaa lohitacandanassa vaa,||
so yato yato ghaayetha,||
yadi muulato.||
yadi majjhato,||
yadi aggato,||
adhigac [238] chateva surabhigandha.m asecanaka.m,||
evam eva kho bho,||
yato yato tassa bhoto Gotamassa dhamma.m su.naati,||
yadi suttaso,||
yadi geyyaso,||
yadi veyyaakara.naso,||
yadi abbhutadhammaso,||
tato tato adhigacchati paamojja.m,||
adhigacchati somanassa.m.|| ||

Seyyathaa pi bho puriso aabaadhiko dukkhito baa.lhagilaano,||
tassa kusalo bhisakko .thaanaso aabaadha.m niihareyya,||
evam eva kho bho,||
yato yato tassa bhoto Gotamassa dhamma.m su.naati,||
yadi suttaso,||
yadi geyyaso,||
yadi veyyaakara.naso,||
yadi abbhutadhammaso,||
tato tato soka-parideva-dukkha-domanass'upaayaasaa abbhattha.m gacchanti.|| ||

Seyyathaa pi bho pokkhara.ni acchodakaa||
saatodakaa||
siitodakaa||
setodakaa||
supatitthaa rama.niiyaa,||
atha puriso aagaccheyya ghammaabhitatto ghammapareto kilanto tasito pipaasito,||
so ta.m pokkhara.na.m ogaahetvaa nahaatvaa ca piitvaa ca sabba-daratha-kilamatha-pari.laaha.m pa.tippassambheyya,||
evam eva kho bho,||
yato yato tassa bhoto Gotamassa dhamma.m su.naati,||
yadi suttaso,||
yadi geyyaso,||
yadi veyyaakara.naso,||
yadi abbhutadhammaso,||
tato tato sabba-daratha-kilamatha-pari.laahaa pa.tippassambhantii" ti.|| ||

2. Eva.m vutte Kaara.napaalii braahma.no u.t.thaay aasanaa eka.msa.m uttaraasa'nga.m karitvaa dakkhi.najaa.numa.n.dala.m pa.thaviya.m nihantvaa yena Bhagavaa ten'a~njali.m pa.naametvaa tikkhattu.m udaana.m udaanesi:|| ||

"Namo tassa Bhagavato arahato sammaasambuddhassa.|| ||

Namo tassa Bhagavato arahato sammaasambuddhassa.|| ||

Namo tassa Bhagavato arahato sammaasambuddhassaa.|| ||

Abhikkanta.m bho Pi'ngiyaanii, abhikkanta.m bho Pi'ngiyaanii.|| ||

Seyyathaa pi bho Pi'ngiyaanii,||
nikkujjita.m vaa ukkujjeyya,||
pa.ticchanna.m vaa vivareyya,||
muulhassa vaa magga.m aacikkheyya,||
[239] andhakaare vaa telapajjota.m dhaareyya||
'cakkhumanto ruupaani dakkhintii' ti,||
evam eva.m bhotaa Pi'ngiyaaninaa aneka-pariyaayena dhammo pakaasito.|| ||

Esaaha.m bho Pi'ngiyaanii ta.m bhavanta.m Gotama.m sara.na.m gacchaami,||
dhamma.m ca||
bhikkhusa.mgha~n ca.|| ||

Upaasaka.m ma.m bhava.m Pi'ngiyaanii dhaaretu ajja-t-agge paa.nupeta.m sara.na.m gatan" ti.|| ||


Contact:
E-mail
Copyright Statement