Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XX. Braahma.na Vaggo

Sutta 197

Vassantaraaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave, vassassa antaraayaa,||
ya.m nemittaa na jaananti,||
yattha nemittaana.m cakkhu.m na kamati.|| ||

Katame pa~nca?|| ||

2. Upari bhikkhave, aakaase tejodhaatu pakuppati,||
tena uppannaa meghaa pa.tivigacchanti.|| ||

Aya.m bhikkhave, pa.thamo vassassa antaraayo||
ya.m nemittaa na jaananti,||
yattha nemittaana.m cakkhu.m na kamati.|| ||

3. Puna ca para.m bhikkhave, upari aakaase vaayodhaatu pakuppati,||
tena uppannaa meghaa pa.tivigacchanti.|| ||

Aya.m bhikkhave, dutiyo vassassa antaraayo||
ya.m nemittaa na jaananti,||
yattha nemittaana.m cakkhu.m na kamati.|| ||

4. Puna ca para.m bhikkhave, Raahu Asurindo paa.ninaa udaka.m pa.ticchitvaa mahaasamudde cha.d.deti.|| ||

Aya.m bhikkhave, tatiyo vassassa antaraayo||
ya.m nemittaa na jaananti,||
yattha nemittaana.m cakkhu.m na kamati.|| ||

5. Puna ca para.m bhikkhave, vassavalaahakaa devaa pamattaa honti.|| ||

Aya.m bhikkhave, catuttho vassassa antaraayo||
ya.m nemittaa na jaananti,||
yattha nemittaana.m cakkhu.m na kamati.|| ||

6. Puna ca para.m bhikkhave, manussaa adhammikaa honti.|| ||

Aya.m bhikkhave, pa~ncamo vassassa antaraayo||
ya.m nemittaa na jaananti,||
yattha nemittaana.m cakkhu.m na kamati.|| ||

Ime kho bhikkhave, pa~nca vassassa antaraayaa,||
ya.m nemittaa na jaananti,||
yattha nemittaana.m cakkhu.m na kamatii" ti.|| ||

 


Contact:
E-mail
Copyright Statement