Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
XX. Braahma.na Vaggo

Sutta 200

Nissaara.niiya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~ncimaa bhikkhave, nissaara.niiyaa dhaatuyo.|| ||

Katamaa pa~nca:|| ||

Idha, bhikkhave, bhikkhuno kaame manasikaroto kaamesu citta.m na pakkhandati.|| ||

Nappasiidati,||
na sa.mti.t.thati,||
na vimuccati.|| ||

Nekkhamma.m kho panassa manasikaroto nekkhamme citta.m pakkhandati,||
pasiidati,||
santi.t.thati,||
vimuccati.|| ||

Tassa ta.m citta.m sugata.m subhaavita.m suvu.t.thita.m suvimutta.m suvisa.myutta.m kaamehi.|| ||

Ye ca kaamapaccayaa uppajjanti aasavaa vighaatapari.laahaa,||
mutto so tehi.|| ||

Na so ta.m vedana.m vediyati.|| ||

Idam akkhaata.m kaamaana.m nissara.na.m.|| ||

 

 

Puna ca para.m bhikkhave,||
bhikkhuno vyaapaada.m manasikaroto vyaapaade citta.m na pakkhandati,||
nappasiidati,||
na santi.t.thati,||
na vimuccati.|| ||

Avyaapaada.m kho panassa manasikaroto avyaapaade citta.m pakkhandati,||
pasiidati,||
santi.t.thati,||
vimuccati.|| ||

Tassa ta.m citta.m sugata.m subhaavita.m suvu.t.thita.m suvimutta.m suvisa.myutta.m vyaapaadena.|| ||

Ye ca vyaapaadapaccayaa uppajjanti aasavaa vighaatapari.laahaa,||
mutto so tehi.|| ||

Na so ta.m vedana.m vediyati.|| ||

Idam akkhaata.m vyaapaadassa nissara.na.m.|| ||

 

 

Puna ca para.m bhikkhave,||
bhikkhuno vihesa.m manasikaroto vihesaaya citta.m na pakkhandati,||
nappasiidati,||
na santi.t.thati,||
na vimuccati.|| ||

Avihesa.m kho panassa manasikaroto avihesaaya citta.m pakkhandati,||
pasiidati,||
santi.t.thati,||
vimuccati.|| ||

Tassa ta.m citta.m sugata.m subhaavita.m suvu.t.thita.m suvimutta.m suvisa.myutta.m vihesaaya.|| ||

Ye ca vihesaapaccayaa uppajjanti aasavaa vighaatapari.laahaa,||
mutto so tehi.|| ||

Na so ta.m vedana.m vediyati.|| ||

Idam akkhaata.m vihesaaya nissara.na.m.|| ||

 

 

[246] Puna ca para.m bhikkhave,||
bhikkhuno ruupa.m manasikaroto ruupe citta.m na|| ||

Pakkhandati,||
nappasiidati,||
na santi.t.thati,||
na vimuccati.|| ||

Aruupa.m kho panassa manasikaroto aruupe citta.m pakkhandati,||
pasiidati,||
santi.t.thati,||
vimuccati.|| ||

Tassa ta.m citta.m sugata.m subhaavita.m suvu.t.thita.m suvimutta.m suvisa.myutta.m ruupehi.|| ||

Ye ca|| ||

Ruupapaccayaa uppajjanti aasavaa vighaatapari.laahaa,||
mutto so tehi.|| ||

Na so ta.m vedana.m vediyati.|| ||

Idam akkhaata.m ruupaana.m nissara.na.m.|| ||

 

 

Puna ca para.m bhikkhave,||
bhikkhuno sakkaaya.m manasikaroto sakkaaye citta.m na pakkhandati,||
nappasiidati,||
na santi.t.thati,||
na vimuccati.|| ||

Sakkaayanirodha.m kho panassa manasikaroto sakkaayanirodhe citta.m pakkhandati,||
pasiidati,||
santi.t.thati,||
vimuccati.|| ||

Tassa ta.m citta.m sugata.m subhaavita.m suvu.t.thita.m suvimutta.m suvisa.myutta.m sakkaayena.|| ||

Ye ca sakkaayapaccayaa uppajjanti aasavaa vighaatapari.laahaa,||
mutto so tehi.|| ||

Na so ta.m vedana.m vediyati.|| ||

Idamakkhaata.m sakkaayassa nissara.na.m.|| ||

 

 

Tassa kaama-nandi pi naanuseti,||
vyaapaada-nandi pi naanuseti,||
vihesaa-nandi pi naanuseti,||
ruupa-nandi pi naanuseti,||
sakkaaya-nandi pi naanuseti.|| ||

So kaama-nandiyaa pi ananusayaa,||
vyaapaada-nandiyaa pi ananusayaa||
vihesaa-nandiyaa pi ananusayaa,||
ruupa-nandiyaa pi ananusayaa,||
sakkaaya-nandiyaa pi ananusayaa.|| ||

Aya.m vuccati bhikkhave,||
bhikkhu niranusayo acchecchi ta.nha.m,||
vaavattayi sa.myojana.m,||
sammaa maanaabhisamayaa antam akaasi dukkhassa.|| ||

Imaa kho bhikkhave,||
pa~nca nissaara.niiyaa dhaatuyo" ti.|| ||


Contact:
E-mail
Copyright Statement