Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
Pa~ncaka-Nipaata Kimbila Vagga

Sutta 205

Cetokhila Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][bd] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Pa~nc'ime bhikkhave, cetokhilaa.|| ||

Katame pa~nca?|| ||

2. Idha, bhikkhave,, bhikkhu Satthari ka'nkhati vicikicchati [249] naadhimuccati na sampasiidati.|| ||

Yo so bhikkhave, bhikkhu Satthari ka'nkhati vicikicchati naadhimuccati na sampasiidati,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m pa.thamo cetokhilo.|| ||

Puna ca para.m bhikkhave, bhikkhu dhamme ka'nkhati vicikicchati naadhimuccati na sampasiidati.|| ||

Yo so bhikkhave, bhikkhu dhamme ka'nkhati vicikicchati naadhimuccati na sampasiidati,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m dutiyo cetokhilo.|| ||

Sa'nghe ka'nkhati vicikicchati naadhimuccati na sampasiidati.|| ||

Yo so bhikkhave, bhikkhu sa'nghe ka'nkhati vicikicchati naadhimuccati na sampasiidati,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m tatiyo cetokhilo.|| ||

Sikkhaaya ka'nkhati vicikicchati naadhimuccati na sampasiidati.|| ||

Yo so bhikkhave bhikkhu sikkhaaya ka'nkhati vicikicchati naadhimuccati na sampasiidati,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m catuttho cetokhilo.|| ||

Sabrahmacaariisu kupito hoti anattamano aahatacitto khilajaato.|| ||

Yo so bhikkhave, bhikkhu sabrahmacaariisu kupito hoti anattamano aahatacitto khilajaato,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m pa~ncamo cetokhilo.|| ||

Ime kho bhikkhave, pa~nca cetokhilaati.|| ||


Contact:
E-mail
Copyright Statement