Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
Pa~ncaka-Nipaata Kimbila Vagga

Sutta 206

U-N-A-B-R-I-D-G-E-D

Vinibandha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][bd] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Pa~nc'ime bhikkhave, cetaso vinibandhaa.|| ||

Katame pa~nca?|| ||

Idha, bhikkhave, bhikkhu kaamesu aviitaraago hoti,||
avigatacchando avigatapemo avigatapipaaso avigatapari.laaho avigatata.nho.|| ||

Yo so bhikkhave, bhikkhu kaamesu avigataraago hoti||
avigatacchando avigatapemo avigatapipaaso avigatapari.laaho avigatata.nho,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m pa.thamo cetaso vinibandho.|| ||

 


 

Puna ca para.m bhikkhave, bhikkhu kaaye avigataraago hoti,||
avigatacchando avigatapemo avigatapipaaso avigatapari.laaho avigatata.nho.|| ||

Yo so bhikkhave, bhikkhu kaayesu avigataraago hoti,||
avigatacchando avigatapemo avigatapipaaso avigatapari.laaho avigatata.nho,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m dutiyo cetaso vinibandho.|| ||

 


 

Puna ca para.m bhikkhave, bhikkhu ruupe avigataraago hoti,||
avigatacchando avigatapemo avigatapipaaso avigatapari.laaho avigatata.nho.|| ||

Yo so bhikkhave, bhikkhu ruupesu avigataraago hoti,||
avigatacchando avigatapemo avigatapipaaso avigatapari.laaho avigatata.nho,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m tatiyo cetaso vinibandho.|| ||

 


 

Puna ca para.m bhikkhave bhikkhu yaavadattha.m udaraavadehaka.m bhu~njitvaa seyyasukha.m passasukha.m middhasukha.m anuyutto viharati.|| ||

Yo so bhikkhave, bhikkhu yaavadattha.m udaraavadehaka.m bhu~njitvaa seyyasukha.m passasukha.m middhasukha.m anuyutto viharati||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m catuttho cetaso vinibandho.|| ||

 


 

A~n~natara.m devanikaaya.m [250] pa.nidhaaya brahmacariya.m carati:|| ||

'Iminaaha.m siilena vaa vatena vaa tapena vaa brahmacariyena vaa devo vaa bhavissaami deva~n~nataro vaa' ti|| ||

Yo so bhikkhave, bhikkhu a~n~natara.m devanikaaya.m pa.nidhaaya brahmacariya.m carati,|| ||

'Iminaaha.m siilena vaa vatena vaa tapena vaa brahmacariyena vaa devo vaa bhavissaami deva~n~nataro vaa' ti,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m pa~ncamo cetaso vinibandho.|| ||

Ime kho bhikkhave, pa~nca cetaso vinibandhaati.|| ||


Contact:
E-mail
Copyright Statement