Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
Pa~ncaka-Nipaata
25. Duccarita Vagga

Sutta 249

Siivathikaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.

Bhagavaa etad avoca:|| ||

"Pa~nc'ime bhikkhave aadiinavaa siivathikaaya.|| ||

Katame pa~nca?|| ||

Asuci,||
duggandhaa,||
sappa.tibhayaa,||
vaa.laana.m amanussaana.m aavaaso,||
bahuno janassa aarodanaa.|| ||

Ime kho bhikkhave pa~nca aadiinavaa siivathikaaya.|| ||

 

 

Evam eva kho bhikkhave pa~ncime aadiinavaa siivathikuupame puggale.|| ||

Katame pa~nca?|| ||

[269] Idha, bhikkhave, ekacco puggalo||
asucinaa kaayakammena samannaagato hoti,||
asucinaa vaciikammena samannagato hoti,||
asucinaa manokammena samannaagato, hoti,||
idam assa asucitaaya vadaami.|| ||

Seyyathaa pi saa bhikkhave, siivathikaa asuci,||
tathuupamaaha.m bhikkhave ima.m puggala.m vadaami.|| ||

 

 

Tassa asucinaa kaayakammena samannaagatassa||
asucinaa vaciikammena samannaagatassa||
asucinaa manokammena samannaagatassa||
paapako kittisaddo abbhuggacchati,||
idam assa duggandhataaya vadaami.|| ||

Seyyathaa pi saa bhikkhave siivathikaa duggandhaa,||
tathuupamaaha.m bhikkhave ima.m puggala.m vadaami.|| ||

 

 

Tam ena.m asucinaa kaayakammena samannaagata.m||
asucinaa vaciikammena samannaagata.m||
asucinaa manokammena samannaagata.m||
pesalaa sabrahmacaari aarakaa parivajjenti||
idam assa sappa.tibhayasmi.m vadaami.|| ||

Seyyathaa pi saa bhikkhave siivathikaa sappa.tibhayaa,||
tathuupamaaha.m bhikkhave ima.m puggala.m vadaami.|| ||

 

 

So asucinaa kaayakammena samannaagato||
asucinaa vaciikammena samannaagato||
asucinaa manokammena samannaagato||
sabhaagehi puggalehi saddhi.m sa.mvasati||
idam assa va.laavaasasmi.m vadaami.|| ||

Seyyathaa pi saa bhikkhave siivathikaa vaa.laana.m amanussaana.m aavaaso,||
tathuupamaaha.m bhikkhave ima.m puggala.m vadaami.|| ||

 

 

Tam ena.m asucinaa kaayakammena samannaagata.m||
asucinaa vaciikammena samannaagata.m||
asucinaa manokammena samannaagata.m||
pesalaa sabrahmacaari disvaa khiiyanadhamma.m aapajjanti:|| ||

'Aho vata no dukkha.m ye maya.m evaruupehi puggalehi saddhi.m sa.mvasaamaa' ti,|| ||

idam assa aarodanaaya vadaami.|| ||

Seyyathaa pi saa bhikkhave siivathikaa bahuno janassa aarodanaa,||
tathuupamaaha.m bhikkhave ima.m puggala.m vadaami.|| ||

Ime kho bhikkhave pa~nca aadiinavaa siivathikuupame puggale' ti.|| ||


Contact:
E-mail
Copyright Statement