Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
I. Aahuneyya-Vagga

Sutta 10

Mahaanaama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Sakkesu viharati Kapilavatthusmi.m Nigrodhaaraame.|| ||

Atha kho Mahaanaamo Sakko yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho Mahaanaamo Sakko Bhagavanta.m etad avoca:|| ||

"Yo so bhante ariyasaavako aagataphalo vi~n~naatasaasano,||
so katamena vihaarena bahula.m viharatii" ti?|| ||

Yo so Mahaanaama ariyasaavako [285] aagataphalo vi~n~naatasaasano,||
so iminaa vihaarena bahula.m viharati:|| ||

2. Idha Mahaanaama ariyasaavako Tathaagata.m anussarati:|| ||

'Iti pi so Bhagavaa araha.m sammaasambuddho vijjaacara.na-sampanno sugato lokaviduu anuttaro purisadammasaarathi Satthaa deva-manussaana.m buddho Bhagavaa' ti.|| ||

Yasmi.m Mahaanaama samaye ariyasaavako Tathaagata.m anussarati,||
nev'assa tasmi.m samaye raagapariyu.t.thita.m citta.m hoti,||
na dosapariyu.t.thita.m citta.m hoti,||
na mohapariyu.t.thita.m citta.m hoti,||
ujugatam ev'assa tasmi.m samaye citta.m hoti Tathaagata.m aarabbha.|| ||

Ujugata-citto kho pana Mahaanaama ariyasaavako labhati atthaveda.m,||
labhati dhammaveda.m,||
labhati dhammuupasa.mhita.m paamujja.m,||
pamuditassa piiti jaayati,||
piiti-manassa kaayo passambhati,||
passaddhakaayo sukha.m vediyati,||
sukhino citta.m samaadhiyati.|| ||

Aya.m vuccati Mahaanaama ariyasaavako:||
visamagataaya pajaaya samapanno viharati,||
savyaapajjhaaya pajaaya avyaapajjho viharati,||
dhammasota.m samaapanno buddhaanussati.m bhaaveti.|| ||

3. Puna ca para.m Mahaanaama ariyasaavako dhamma.m anussarati:|| ||

'Svaakkhaato Bhagavataa dhammo sandi.t.thiko akaaliko ehipassiko opanayiko paccatta.m veditabbo vi~n~nuuhii' ti.|| ||

Yasmi.m Mahaanaama samaye ariyasaavako dhamma.m anussarati,||
nev'assa tasmi.m samaye raagapariyu.t.thita.m citta.m hoti,||
na dosapariyu.t.thita.m citta.m hoti,||
na mohapariyu.t.thita.m citta.m hoti,||
ujugatam ev'assa tasmi.m samaye citta.m hoti dhamma.m aarabbha.|| ||

Ujugata-citto kho pana Mahaanaama ariyasaavako labhati atthaveda.m,||
labhati dhammaveda.m,||
labhati dhammuupasa.mhita.m paamujja.m,||
pamuditassa piiti jaayati,||
piiti-manassa kaayo passambhati,||
passaddhakaayo sukha.m vediyati,||
sukhino citta.m samaadhiyati.|| ||

Aya.m vuccati Mahaanaama ariyasaavako:||
visamagataaya pajaaya samapanno viharati,||
savyaapajjhaaya pajaaya avyaapajjho [286] viharati,||
dhammasota.m samaapanno dhammaanussati.m bhaaveti.|| ||

4. Puna ca para.m Mahaanaama ariyasaavako sa'ngha.m anussarati:|| ||

'Supa.tipanno Bhagavato saavakasa'ngho ujupa.tipanno Bhagavato saavakasa'ngho, ~naayapa.tipanno Bhagavato saavakasa'ngho,||
saamiicipa.tipanno Bhagavato saavakasa'ngho,||
yad ida.m cattaari purisayugaani a.t.tha purisapuggalaa,||
esa Bhagavato saavakasa'ngho aahuneyyo,||
paahuneyyo,||
dakkhi.neyyo||
a~njalikara.niiyo,||
anuttara.m pu~n~nakkhetta.m lokassaa' ti.|| ||

Yasmi.m Mahaanaama samaye ariyasaavako dhamma.m anussarati,||
nev'assa tasmi.m samaye raagapariyu.t.thita.m citta.m hoti,||
na dosapariyu.t.thita.m citta.m hoti,||
na mohapariyu.t.thita.m citta.m hoti,||
ujugatam ev'assa tasmi.m samaye citta.m hoti sa'ngha.m aarabbha.|| ||

Ujugata-citto kho pana Mahaanaama ariyasaavako labhati atthaveda.m,||
labhati dhammaveda.m,||
labhati dhammuupasa.mhita.m paamujja.m,||
pamuditassa piiti jaayati,||
piiti-manassa kaayo passambhati,||
passaddhakaayo sukha.m vediyati,||
sukhino citta.m samaadhiyati.|| ||

Aya.m vuccati Mahaanaama ariyasaavako:||
visamagataaya pajaaya samapanno viharati,||
savyaapajjhaaya pajaaya avyaapajjho viharati,||
dhammasota.m samaapanno sa'nghaanussati.m bhaaveti.|| ||

5. Puna ca para.m Mahaanaama ariyasaavako attano silaani anussarati:|| ||

Akha.n.daani acchiddaani asabalaani akammaasaani bhuujissaani vi~n~nuppasatthaani aparaama.t.thaani samaadhisa.mvattanikaani.|| ||

Yasmi.m Mahaanaama samaye ariyasaavako siila.m anussarati,||
nev'assa tasmi.m samaye raagapariyu.t.thita.m citta.m hoti,||
na dosapariyu.t.thita.m citta.m hoti,||
na mohapariyu.t.thita.m citta.m hoti,||
ujugatam ev'assa tasmi.m samaye citta.m hoti siila.m aarabbha.|| ||

Ujugata-citto kho pana Mahaanaama ariyasaavako labhati atthaveda.m,||
labhati dhammaveda.m,||
labhati dhammuupasa.mhita.m paamujja.m,||
pamuditassa piiti jaayati,||
piiti-manassa kaayo passambhati,||
passaddhakaayo sukha.m vediyati,||
sukhino citta.m samaadhiyati.|| ||

[287] Aya.m vuccati Mahaanaama ariyasaavako:||
visamagataaya pajaaya samapanno viharati,||
savyaapajjhaaya pajaaya avyaapajjho viharati,||
dhammasota.m samaapanno siilaanussati.m bhaaveti.|| ||

6. Puna ca para.m Mahaanaama ariyasaavako attano caaga.m anussarati:|| ||

'Laabhaa vata me,||
suladdha.m vata me,||
yo'ha.m maccheramalapariyu.t.thitaaya pajaaya vigatamalamaccherena cetasaa agaara.m ajjhaavasaami muttacaago payatapaa.nii vossaggarato yaacayogo daanasa.mvibhaagarato' ti.|| ||

Yasmi.m Mahaanaama samaye ariyasaavako caaga.m anussarati,||
nev'assa tasmi.m samaye raagapariyu.t.thita.m citta.m hoti,||
na dosapariyu.t.thita.m citta.m hoti,||
na mohapariyu.t.thita.m citta.m hoti,||
ujugatam ev'assa tasmi.m samaye citta.m hoti caaga.m aarabbha.|| ||

Ujugata-citto kho pana Mahaanaama ariyasaavako labhati atthaveda.m,||
labhati dhammaveda.m,||
labhati dhammuupasa.mhita.m paamujja.m,||
pamuditassa piiti jaayati,||
piiti-manassa kaayo passambhati,||
passaddhakaayo sukha.m vediyati,||
sukhino citta.m samaadhiyati.|| ||

Aya.m vuccati Mahaanaama ariyasaavako:||
visamagataaya pajaaya samapanno viharati,||
savyaapajjhaaya pajaaya avyaapajjho viharati,||
dhammasota.m samaapanno caagaanussati.m bhaaveti.|| ||

7. Puna ca para.m Mahaanaama ariyasaavako devataanussati.m bhaaveti:|| ||

'Santi devaa Caatummahaaraajikaa,||
santi devaa Taavati.msaa,||
santi devaa Yaamaa,||
santi devaa Tusitaa,||
santi devaa Nimmaanaratino,||
santi devaa Paranimmita Vasavattino,||
santi devaa Brahmakaayikaa,||
santi devaa Taduttari.m.|| ||

Yathaaruupaaya saddhaaya samannaagataa taa devataa||
ito cutaa tattha uppannaa,||
mayham pi tathaaruupaa saddhaa sa.mvijjati.|| ||

Yathaaruupena siilena samannaagataa taa devataa||
ito cutaa tattha uppannaa,||
mayham pi tathaaruupa.m siila.m sa.mvijjati.|| ||

Yathaaruupena sutena samannaagataa taa devataa||
ito cutaa tattha uppannaa,||
mayham pi tathaaruupa.m suta.m sa.mvijjati.|| ||

Yathaaruupena caagena samannaagataa taa devataa||
ito cutaa tattha uppannaa,||
mayham pi tathaaruupo caago sa.mvijjati.|| ||

Yathaaruupaaya pa~n~naaya samannaagataa taa devataa||
ito cutaa tattha uppannaa,||
mayham pi tathaaruupaa pa~n~naa sa.mvijjatii' ti.|| ||

Yas- [288] mi.m Mahaanaama samaye ariyasaavako attano ca taasa.m ca devataana.m saddha~n ca||
siila~n ca||
suta~n ca||
caaga~n ca||
pa~n~na~n ca anussarati,||
nev'assa tasmi.m samaye raagapariyu.t.thita.m citta.m hoti,||
na dosapariyu.t.thita.m citta.m hoti,||
na mohapariyu.t.thita.m citta.m hoti,||
ujugatam ev'assa tasmi.m samaye citta.m hoti taa devataa aarabbha.|| ||

Ujugata-citto kho pana Mahaanaama ariyasaavako labhati atthaveda.m,||
labhati dhammaveda.m,||
labhati dhammuupasa.mhita.m paamujja.m,||
pamuditassa piiti jaayati,||
piiti-manassa kaayo passambhati,||
passaddhakaayo sukha.m vediyati,||
sukhino citta.m samaadhiyati.|| ||

Aya.m vuccati Mahaanaama ariyasaavako:||
visamagataaya pajaaya samapanno viharati,||
savyaapajjhaaya pajaaya avyaapajjho viharati,||
dhammasota.m samaapanno devataanussati.m bhaaveti.|| ||

Yo so Mahaanaama ariyasaavako aagataphalo vi~n~naatasaasano,||
so iminaa vihaarena bahula.m viharatii" ti.|| ||

Aahuneyyavaggo pa.thamo|| ||

 


Contact:
E-mail
Copyright Statement