Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
II: Saaraa.niiya-Vagga

Sutta 13

Nissaara.niiya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Cha yimaa bhikkhave nissaara.niiyaa dhaatuyo.|| ||

Katamaa cha?|| ||

Idha, bhikkhave, bhikkhu eva.m vadeyya "mettaa hi kho me ceto vimutti bhaavitaa bahuliikataa yaaniikataa vatthukataa anu.t.thitaa paricitaa susamaaraddhaa,||
atha ca pana me vyaapaado citta.m pariyaadaaya ti.t.thatii" ti.|| ||

So maa hevantissa vacaniiyo:||
"maayasmaa eva.m avaca,||
maa Bhagavanta.m abbhaacikkhi.|| ||

Na hi saadhu Bhagavato abbhakkhaana.m.|| ||

Na hi Bhagavaa eva.m vadeyya.|| ||

A.t.thaaname ta.m aavuso anavakaaso ya.m mettaaya ceto-vimuttiyaa bhaavitaaya bahuliikataaya yaaniikataaya vatthukataaya anu.t.thitaaya paricitaaya susamaaraddhaaya,||
atha ca [291] panassa khyaapaado citta.m pariyaadaaya .thassatiiti n'eta.m .thaana.m vijjati,||
nissara.na.m h'eta.m aavuso vyaapaadassa yad ida.m mettaaceto-vimutti" ti.|| ||

(2) Idha pana bhikkhave bhikkhuu eva.m vadeyya: " karu.naa hi kho me ceto-vimutti bhaavitaa bahuliikataa yaaniikataa vatthukataa anu.t.thitaa paricitaa susamaaraddhaa,||
atha va pana me vihesaa citta.m pariyaadaaya ti.t.thatii" ti.|| ||

So maa hevantissa vacaniiyo:||
"maa aayasmaa eva.m avaca.|| ||

Maa Bhagavanta.m abbhaacikkhi,||
na hi saadhu Bhagavato abbhakkhaana.m,||
na hi Bhagavaa eva.m vadeyya.|| ||

A.t.thaaname ta.m aavuso anavakaaso ya.m karu.naaya ceto-vimuttiyaa bhaavitaaya bahuliikataaya yaaniikataaya vatthukataaya anu.t.thitaaya paricitaaya susamaaraddhaaya,||
atha ca panassa vihesaa citta.m pariyaadaaya .thassati,||
ti n'eta.m .thaana.m vijjati,||
nissara.na.m h'eta.m aavuso vihesaa,||
yad ida.m karu.naa ceto-vimutti" ti.|| ||

(3) Idha pana bhikkhave bhikkhu eva.m vadeyya:||
"muditaa hi kho me ceto-vimutti bhaavitaa bahuliikataa yaaniikataa vatthukataa anu.t.thitaa paricitaa susamaaraddhaa,||
atha ca pana me arati citta.m pariyaadaaya ti.t.thatii" ti.|| ||

So maa hevantissa vacaniiyo,||
"maa aayasmaa eva.m avaca,||
maa Bhagavanta.m abbhaacikkhi,||
na hi saadhu Bhagavato abbhakkhaana.m,||
na hi Bhagavaa eva.m vadeyya.|| ||

A.t.thaaname ta.m aavuso anavakaaso ya.m muditaaya ceto-vimuttiyaa bhaavitaaya bahuliikataaya yaaniikataaya vatthukataaya anu.t.thiitaaya paricitaaya susamaaraddhaaya,||
atha ca panassa arati citta.m pariyaadaaya .thassati,||
ti n'eta.m .thaana.m vijjati.|| ||

Nissara.na.m h'eta.m aavuso aratiyaa yad ida.m muditaa ceto-vimutti" ti.|| ||

(4) Idha pana bhikkhu eva.m vadeyya: "upekkhaa hi kho me ceto-vimutti bhaavitaa bahuliikataa yaaniikataa vatthukataa anu.t.thitaa paricitaa susamaaraddhaa,||
atha ca pana me raago citta.m pariyaadaaya ti.t.thatii"tii.|| ||

So maa hevantissa vacaniiyo:||
"maa aayasmaa eva.m avaca,||
maa Bhagavanta.m abbhaacikkhi,||
na hi saadhu Bhagavato abbhakkhaana.m,||
na hi Bhagavaa eva.m vadeyya.|| ||

A.t.thaaname ta.m aavuso anavakaaso ya.m upekkhaaya ceto-vimuttiyaa bhaavitaaya bahuliikataaya yaaniikataaya vatthukataaya anu.t.thitaaya paricitaaya [292] susamaaraddhaaya,||
atha ca panassa raago citta.m pariyaadaaya .thassatii,||
tii n'eta.m .thaana.m vijjati.|| ||

Nissara.na.m h'eta.m aavuso raagassa yad ida.m upekkhaacetovimuttii"tii.|| ||

(5) Idha pana bhikkhave bhikkhuu eva.m vadeyya.|| ||

" Animittaa hi kho me ceto-vimutti bhaavitaa bahuliikataa yaaniikataa vatthukataa anu.t.thitaa paricitaa susamaaraddhaa,||
atha ca pana me nimittaanusaarii vi~n~naa.na.m hotii" ti.|| ||

So maa hevantissa vacaniiyo:||
"maa aayasmaa eva.m avaca maa Bhagavanta.m abbhaavikkhi.|| ||

Na hi saadhu Bhagavato abbhakkhaana.m,||
na hi Bhagavaa eva.m vadeyya.|| ||

A.t.thaaname ta.m aavuso anavakaaso ya.m animittaaya ceto-vimuttiyaa bhaavitaaya bahuliikataaya yaaniikataaya vatthukataaya anu.t.thitaaya paricitaaya susamaaraddhaaya,||
atha ca panassa nimittaanusaarii vi~n~naa.na.m bhavissatii,||
tii n'eta.m .thaana.m vijjati.|| ||

Nissara.na.m h'eta.m aavuso sabbanimittaana.m yad ida.m animittaa cetovimuttii" ti.|| ||

(6) Idha pana bhikkhave bhikkhuu eva.m vadeyya:||
"asmiiti kho me vigata.m,||
ayamaham asmiti ca na samanupassaami,||
atha ca pana me vicikicchaakatha.mkathaasalla.m citta.m pariyaadaaya ti.t.thatii" ti.|| ||

So maa hevantiissa vacaniiyo:||
"maa aayasmaa eva.m avaca,||
maa Bhagavanta.m abbhaacikkhi,||
na hi saadhu Bhagavato abbhakkhaana.m,||
na hi Bhagavaa eva.m vadeyya.|| ||

A.t.thaana me ta.m aavuso anavakaaso ya.m asmiiti vigate ayamahamasmiiti ca na samanupassato,||
atha ca panassa vicikicchaakatha.mkathaasalla.m citta.m pariyaadaaya .thassatii,||
ti n'eta.m .thaana.m vijjati.|| ||

Nissara.na.m h'eta.m aavuso vicikicchaakatha.m kathaasallassa yad ida.m asmiitimaanasamuugghaato" ti.|| ||

Ime kho bhikkhave cha nissaara.niiyaa dhaatuyo'ti.|| ||

 


Contact:
E-mail
Copyright Statement