Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
II: Saaraa.niiya-Vagga

Sutta 14

Bhaddaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Saariputto Saavatthiya.m viharati.|| ||

Tatra kho Saariputto bhikkhu aamantesi:|| ||

"Aavuso bhikkhavo" ti.|| ||

"Aavuso" ti te bhikkhuu aayasmato [293] Saariputtassa paccassosu.m.|| ||

Aayasmaa Saariputto etad avoca:|| ||

2. "Tathaa tathaa aavuso bhikkhu vihaara.m kappeti,||
yathaa yathaa'ssa vihaara.m kappayato na bhaddaka.m mara.na.m hoti,||
na bhaddikaa kaalakiriyaa.|| ||

3. Katha~n c'aavuso bhikkhu tathaa tathaa vihaara.m kappeti,||
yathaa yathaa'ssa vihaara.m kappayato,||
na bhaddaka.m mara.na.m hoti,||
na bhaddikaa kaalakiriyaa?|| ||

Idh'aavuso bhikkhu kammaaraamo hoti||
kammarato kammaaraamata.m anuyutto,||
bhassaaraamo hoti||
bhassarato bhassaaraamata.m anuyutto,||
niddaaraamo hoti||
niddaarato niddaaraamata.m anuyutto,||
sa'nga.nikaaraamo hoti||
sa'nga.nikaarato sa'nga.nikaaraamata.m anuyutto,||
sa.msaggaaraamo hoti||
sa.msaggarato sa.msaggaaraamata.m anuyutto,||
papa~ncaaraamo hoti||
papa~ncarato papa~ncaaraamata.m anuyutetaa.|| ||

Eva.m kho aavuso bhikkhu tathaa tathaa vihaara.m kappeti,||
yathaa yathaa'ssa vihaara.m kappayato||
na bhaddaka.m mara.na.m hoti||
na bhaddikaa kaalakiriyaa.|| ||

Aya.m vuccat'aavuso bhikkhuu sakkaayaabhirato,||
na pahaasi sakkaaya.m sammaa dukkhassa antakiriyaaya.|| ||

 


 

4. Tathaa tathaavuso bhikkhu vihaara.m kappeti,||
yathaa yathaa'ssa vihaara.m kappayato||
bhaddaka.m mara.na.m hoti,||
bhaddikaa kaalakiriyaa.|| ||

Katha~n c'aavuso bhikkhu tathaa tathaa vihaara.m kappeti,||
yathaa yathaassa vihaara.m kappayato||
bhaddaka.m mara.na.m hoti||
bhaddikaa kaalakiriyaa?|| ||

Idh'aavuso bhikkhu na kammaaraamo hoti||
na kammarato||
na kammaaraamata.m anuyutto,||
na bhassaaramo hoti||
na bhassarato||
na bhassaaramata.m anuyutto,||
na niddaaraamo hoti,||
na niddaarato||
na niddaaraamata.m anuyutto,||
na sa'nga.nikaaraamo hoti||
na sa'nga.nikaarato||
na sa'nga.nikaaraamata.m anuyutto,||
na sa.msaggaaraamo hoti||
na sa.msaggarato||
na sa.msaggaaraamata.m anuyutto,||
na papa~nvaaraamo hoti||
na papa~nvarato||
na papa~nvaaraamata.m anuyutto.|| ||

Eva.m kho aavuso bhikkhu [294] tathaa tathaassa vihaara.m kappeti yathaa yathaa'ssa vihaara.m kappayato||
bhaddaka.m mara.na.m hoti||
bhaddikaa kaalakiriyaa.|| ||

Aya.m vuccataavuso bhikkhu nibbaanaabhirato pahaasi sakkaaya.m sammaadukkhassa antakiriyaayaa" ti.|| ||

Yo papa~nca.m anuyutto papa~ncaabhirato mago||
Viraadhayii so nibbaana.m yogakkhema.m anuttara.m.|| ||

Yo ca papa~nca.m hitvaana nippapa~ncapade rato||
Aaraadhayii so nibbaana.m yogakkhema.m anuttaran ti.|| ||

 


Contact:
E-mail
Copyright Statement