Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
II: Saaraa.niiya-Vagga

Sutta 17

Kusala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Atha kho Bhagavaa saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa'nkamitvaa pa~n~natte aasane nisiidi.|| ||

Aayasmaa pi kho Saariputto saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Aayasmaa pi kho Mahaa Moggallaano saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa.mkamitvaa Bhagavanta.m [299] abhivaadetvaa eka-m-anta.m nisiidii.|| ||

Aayasmaa pi kho mahaakaccaayano sayanhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidii.|| ||

Aayasmaa pi kho Mahaako.t.thito saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisidi.|| ||

Aayasmaa pi kho Mahaa Cundo saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidii.|| ||

Aayasmaa pi kho mahaakappino saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Aayasmaa pi kho Anuruddho saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidii.|| ||

Aayasmaapi kho revato saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkamii.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Aayasmaapi kho Aanando saaya.nhasamaya.m patisallaanaa vu.t.thito yenupa.t.thaanasaalaa ten'upasa'nkami.|| ||

Upasa.mkamitvaa Bhagavanta.m abhivaadetvaa eka-m-anta.m nisiidii.|| ||

Atha kho Bhagavaa bahudeva ratti.m nisajjaaya viitinaametvaa u.t.thaay aasanaa vihaara.m paavisi.|| ||

Te pi kho aayasmanto acirapakkantassa Bhagavato u.t.thaay aasanaa yathaavihaara.m agama.msu.|| ||

Ye pana tattha bhikkhuu navaa acirapabbajitaa aadhunaagataa ima.m dhamma-vinaya.m, te yaava suriyuggamanaa kaakacchamaanaa supi.msu.|| ||

Addasaa kho Bhagavaa dibbena cakkhunaa visuddhena atikkantamaanusakena te bhikkhuu yaava suriyuggamanaa kaakacchamaane supante.|| ||

Disvaa yenupa.t.thaanasaalaa ten'upasa'nkamii.|| ||

Upasa'nkamitvaa pa~n~natte aasane nisiidi.|| ||

Nisajja kho Bhagavaa te bhikkhuu aamantesi:|| ||

"Kaha.m nu kho bhikkhave Saariputto,||
kaha.m Mahaa Moggallaano,||
kaha.m Mahaa Kassapo,||
kaha.m Mahaa Kaccaayano,||
kaha.m Mahaa Ko.t.thito,||
kaha.m Mahaa Cundo,||
kaha.m Mahaa Kappino,||
kaha.m Anuruddho,||
kaha.m Revato,||
kaha.m Aanando,||
kaha.m nu kho te bhikkhave theraa saavakaa gataa" ti?|| ||

Te pi kho bhante aayasmanto acirapakkantassa Bhagavato u.t.thaay aasanaa yathaavihaara.m agama.msuuti.|| ||

Kena no tumhe hikkhave theraa bhikkhuu gataa, ti navaa yaava suriyassuggamanaa kaakacchamaanaa supatha.|| ||

 


 

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Raajaa khattiyo muddhaavasitto yaavadattha.m [300] seyyasukha.m phassasukha.m middhasukha.m anuyutto viharanto yaavajiiva.m rajja.m kaarento janapadassa vaa piyo manaapo' ti?|| ||

"No h'eta.m bhante".|| ||

"Saadhu bhikkhave, mayaa pi kho eta.m bhikkhave n'eva di.t.tha.m na suta.m:|| ||

'Raajaa khattiyo muddhaavasitto yaavadattha.m seyyasukha.m phassasukha.m middhasukha.m anuyutto viharanto yaavajiva.m rajja.m kaarento janapadassa vaa piyo manaapo' ti.|| ||

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Ra.t.thiko yaavadattha.m seyyasukha.m phassasukha.m middhasukha.m anuyutto viharanto yaavajiva.m ra.t.tha.m kaarento piyo manaapo' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave n'eva di.t.tha.m na suta.m vaa:|| ||

'Ra.t.thiko yaavadattha.m seyyasukha.m phassasukha.m middhasukha.m anuyutto viharanto yaavajiiva.m ra.t.thkatta.m kaarento ra.t.thakassa vaa piyo manaapo' ti?|| ||

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Pettaniko yaavadattha.m seyyasukha.m phassasukha.m middhasukha.m anuyutto viharanto yaavajiva.m pettanika.m kaarento piyo manaapo' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave n'eva di.t.tha.m na suta.m vaa:|| ||

'Pettaniko yaavadattha.m seyyasukha.m phassasukha.m middhasukha.m anuyutto viharanto yaavajiiva.m pettanikatta.m kaarento pettanikassa vaa piyo manaapo' ti?|| ||

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Senaaya yaavadattha.m seyyasukha.m phassasukha.m middhasukha.m anuyutto viharanto yaavajiva.m senaapatikatta.m kaarento senaapatikassa piyo manaapo' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave n'eva di.t.tha.m na suta.m vaa:|| ||

'Senaaya yaavadattha.m seyyasukha.m phassasukha.m middhasukha.m anuyutto viharanto yaavajiiva.m snopatikatta.m kaarento senaapatikassa vaa piyo manaapo' ti?|| ||

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Senaapatiko yaavadattha.m seyyasukha.m phassasukha.m middhasukha.m anuyutto viharanto yaavajiva.m senaapatikatta.m kaarento senaapatikassa piyo manaapo' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave n'eva di.t.tha.m na suta.m vaa:|| ||

'Senaapatiko yaavadattha.m seyyasukha.m phassasukha.m middhasukha.m anuyutto viharanto yaavajiiva.m snopatikatta.m kaarento senaapatikassa vaa piyo manaapo' ti?|| ||

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Gaamagaama.niko yaavadattha.m seyyasukha.m phassasukha.m middhasukha.m anuyutto viharanto yaavajiva.m gaamagaama.nikatta.m kaarento gaamagaama.nikassa vaa piyo manaapo' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave n'eva di.t.tha.m na suta.m vaa:|| ||

'Gaamagaama.niko yaavadattha.m seyyasukha.m phassasukha.m middhasukha.m anuyutto viharanto yaavajiiva.m gaamagaamanikatta.m kaarento gaamagaamanikassa vaa piyo manaapo' ti?|| ||

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Puugagaama.niko yaavadattha.m seyyasukha.m phassasukha.m middhasukha.m anuyutto viharanto yaavajiva.m puugagaama.nikatta.m kaarento puugassa vaa piyo manaapo' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave n'eva di.t.tha.m na suta.m vaa:|| ||

'Pugagaama.niko yaavadattha.m seyyasukha.m phassasukha.m middhasukha.m anuyutto viharanto yaavajiiva.m pugagaama.nikatta.m kaarento puugassa vaa piyo manaapo" ti.|| ||

Ta.m ki.m ma~n~natha bhikkhave api nu tumhehi di.t.tha.m vaa suta.m vaa:|| ||

'Sama.no vaa braahma.no vaa yaavadattha.m seyyasukha.m phassasukha.m middhasukha.m anuyutto indriyesu aguttadvaaro bhojane amatta~n~nu jaagariya.m ananuyutto avipassako kusalaana.m dhammaana.m pubbarattaapararatta.m bodhapakkhiyaana.m dhammaana.m bhaavanaanuyoga.m ananuyutto aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharanto' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave n'eva di.t.tha.m na [301] suta.m|| ||

"Sama.no vaa braahma.no vaa yaavadattha.m seyyasukha.m phassasukha.m middhasukha.m anuyutto indriyesu aguttadvaaro bhojane amatta~n~nuu jaagariya.m ananuyutto avipassako kusalaana.m dhammaana.m pubbarattaapararatta.m bodhapakkhiyaana.m1 dhammaana.m bhaavanaanuyoga.m ananuyutto aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharanto' ti.|| ||

Tasmaa ti ha bhikkhave eva.m sikkhitabba.m:|| ||

"Indriyesu guttadvaaraa bhavissaama bhojane matta~n~nuno jaagariya.m anuyuttaa vipassakaa kusalaana.m dhammaana.m pubbarattaapararatta.m bodhapakkhiyaana.m1 dhammaana.m bhaavanaanuyoga.m anuyuttaa viharissaamaa" ti.|| ||

Eva.m hi vo bhikkhave sikkhitabban" ti.|| ||

 


Contact:
E-mail
Copyright Statement