Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
II: Saaraa.niiya-Vagga

Sutta 18

Macchika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Kosalesu caarika.m carati mahataa bhikkhu sa'nghena saddhi.m.|| ||

Addasaa kho Bhagavaa addhaana-magga-pa.tipanno a~n~natarasmi.m padese macchika.m macchabandha.m macche vadhitvaa vadhitvaa vikki.namaana.m,||
disvaa maggaa ukkamma a~n~natarasmi.m rukkhamuule pa~n~natte aasane nisiidi.|| ||

Nisajja kho Bhagavaa bhikkhuu aamantesi:|| ||

2. "Passatha, no tumhe bhikkhave amu.m macchika.m macchabandha.m macche vadhitvaa vadhitvaa vikki.namaanan" ti?|| ||

"Eva.m bhante."|| ||

"Ta.m ki.m ma~n~natha bhikkhave||
api nu tumhehi||
di.t.tha.m vaa||
suta.m vaa:|| ||

'Macchiko macchabandho macche vadhitvaa [302] vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayiivaa||
yaanayaayii vaa||
bhoga-bhogii vaa||
mahanta.m vaa||
bogakkhandha.m ajjhaavasanto' ti?|| ||

No h'eta.m bhante.|| ||

Saadhu bhikkhave, mayaa pi kho eta.m bhikkhave||
n'eva di.t.tha.m,||
na suta.m:|| ||

'Macchiko macchabandho macche vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti.|| ||

Ta.m kissa hetu?|| ||

Te hi so bhikkhave macche vajjhe vadhaay'upaniite paapakena manasaanupekkhati,||
tasmaa so n'eva hatthiyaayii hoti,||
na assayaayii,||
na rathayaayii,||
na yaanayaayii,||
na bhogabhogii,||
na mahanta.m bhogakkhandha.m ajjhaavasati.|| ||

Ta.m ki.m ma~n~natha bhikkhave api nu tumhehi||
di.t.tha.m vaa||
suta.m vaa:|| ||

'Goghaatako gaavo vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti|| ||

"No h'eta.m bhante"|| ||

"Saadhu bhikkhave, mayaa pi kho eta.m bhikkhave||
n'eva di.t.tha.m,||
na suta.m:|| ||

'Goghaatako gaavo vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti|| ||

Ta.m kissa hetu?|| ||

Te hi so bhikkhave gaavo vajjhe vadhaay'upaniite paapakena manasaanupekkhati,||
tasmaa so n'eva hatthiyaayii hoti,||
na assayaayii,||
na rathayaayii,||
na yaanayaayii,||
na bhogabhogii,||
na mahanta.m bhogakkhandha.m ajjhaavasati.|| ||

Ta.m ki.m ma~n~natha bhikkhave api nu tumhehi||
di.t.tha.m [303] vaa||
suta.m vaa:|| ||

'Orabbhiko orambhe vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti?|| ||

"No h'eta.m bhante"|| ||

Saadhu bhikkhave, mayaa pi kho eta.m bhikkhave n'eva di.t.tha.m, na suta.m:|| ||

'Orabbhiko orambhe vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti.|| ||

Ta.m kissa hetu?|| ||

Te hi so bhikkhave orambhe vajjhe vadhaay'upaniite paapakena manasaanupekkhati,||
tasmaa so n'eva hatthiyaayii hoti,||
na assayaayii,||
na rathayaayii,||
na yaanayaayii,||
na bhogabhogii,||
na mahanta.m bhogakkhandha.m ajjhaavasati.|| ||

Ta.m ki.m ma~n~natha bhikkhave api nu tumhehi||
di.t.tha.m vaa||
suta.m vaa:|| ||

'Suukariko suukare vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti?|| ||

"No h'eta.m bhante"|| ||

Saadhu bhikkhave, mayaa pi kho eta.m bhikkhave n'eva di.t.tha.m, na suta.m:|| ||

'Suukariko suukare vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti|| ||

Ta.m kissa hetu?|| ||

Te hi so bhikkhave suukare vajjhe vadhaay'upaniite paapakena manasaanupekkhati,||
tasmaa so n'eva hatthiyaayii hoti,||
na assayaayii,||
na rathayaayii,||
na yaanayaayii,||
na bhogabhogii,||
na mahanta.m bhogakkhandha.m ajjhaavasati.|| ||

Ta.m ki.m ma~n~natha bhikkhave api nu tumhehi||
di.t.tha.m vaa||
suta.m vaa:|| ||

'Saakuntiko saakunte vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti?|| ||

"No h'eta.m bhante"|| ||

Saadhu bhikkhave, mayaa pi kho eta.m bhikkhave||
n'eva di.t.tha.m,||
na suta.m:|| ||

'Saakuntiko saakunte vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti.|| ||

Ta.m kissa hetu?|| ||

Te hi so bhikkhave saakunte vajjhe vadhaay'upaniite paapakena manasaanupekkhati,||
tasmaa so n'eva hatthiyaayii hoti,||
na assayaayii,||
na rathayaayii,||
na yaanayaayii,||
na bhogabhogii,||
na mahanta.m bhogakkhandha.m ajjhaavasati.|| ||

Ta.m ki.m ma~n~natha bhikkhave api nu tumhehi||
di.t.tha.m vaa||
suta.m vaa:|| ||

'Maagaviko mage vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti?|| ||

"No h'eta.m bhante"|| ||

Saadhu bhikkhave, mayaa pi kho eta.m bhikkhave||
n'eva di.t.tha.m,||
na suta.m:|| ||

'Maagaviko mage vadhitvaa vadhitvaa vadhitvaa vikki.namaano tena kammena tena aajivena||
hatthiyaayii vaa||
assayaayii vaa||
rathayaayii vaa||
yaanayaayii vaa||
bhogabhogiivaa||
mahanta.m vaa||
bhogakkhandha.m ajajhaavasanto' ti.|| ||

Ta.m kissa hetu?|| ||

Te hi so bhikkhave mage vajjhe vadhaay'upaniite paapakena manasaanupekkhati,||
tasmaa so n'eva hatthiyaayii hoti,||
na assayaayii,||
na rathayaayii,||
na yaanayaayii,||
na bhogabhogii,||
na mahanta.m bhogakkhandha.m ajjhaavasati.|| ||

Te hi so bhikkhave tiracchaanagate paa.ne vajjhe vadhaay'upaniite paapakena manasaanupekkhamaano||
n'eva hatthiyaayii bhavissati,||
na assayaayii,||
na rathayaayii,||
na yaanayaayii,||
na bhogabhogii,||
na mahanta.m bhogakkhandha.m ajjhaavasissati.|| ||

Ko pana vaado ya.m manussabhuta.m vajjha.m vadhaay'upaniita.m paapakena manasaanupekkhatii,||
ta.m hi'ssa bhikkhave hoti diigha-ratta.m ahitaaya dukkhaaya,||
kaayassa bhedaa param mara.naa apaaya.m duggati.m vinipaata.m niraya.m upapajjatii" ti.|| ||

 


Contact:
E-mail
Copyright Statement