Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
III: Anuttariya-Vagga

Sutta 22

Aparihaaniiya-Dhamma Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Cha yime bhikkhave aparihaaniye dhamme desissaami.|| ||

Ta.m su.naatha||
saadhuka.m manasikarotha||
bhaasissaami" ti|| ||

"Eva.m bhante' ti||
kho te bhikkhu Bhagavato paccassosu.m.|| ||

Bhagavaa etad avoca:|| ||

"Katame ca te bhikkhave cha aparihaaniyaa dhammaa?|| ||

Na kammaaraamataa,||
na bhassaaraamataa,||
na niddaaraamataa,||
na sa'nga.nikaaraamataa,||
sovacassataa,||
kalyaa.namittataa.|| ||

Ime kho bhikkhave cha aparihaaniyaa dhammaa.|| ||

Ye hi keci, bhikkhave, atiitam addhaana.m||
na parihaayi.msu kusalehi dhammehi,||
sabbe te imeh'eva chahi dhammehi||
na parihaayi.msu kusalehi dhammehi.|| ||

Ye hi keci, bhikkhave, anaagatam addhaana.m||
na parihaayissanti kusalehi dhammehi,||
sabbe te imeh'eva chahi dhammehi||
na parihaayissanti kusalehi dhammehi.|| ||

Ye hi keci bhikkhave etarahi||
na parihaayanti kusalehi dhammehi,||
sabbe te imeh'eva chahi dhammehi||
na parihaayanti kusalehi dhammehii," ti.|| ||

 


Contact:
E-mail
Copyright Statement