Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
III: Anuttariya-Vagga

Sutta 23

Bhaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Bhayan ti bhikkhave kaamaanam eta.m adhivacana.m,||
dukkhan ti bhikkhave kaamaanam eta.m adhivacana.m,||
rogo ti bhikkhave kaamaanam eta.m adhivacana.m,||
ga.n.do ti bhik- [311] khave kaamaanam eta.m adhivacana.m,||
sa'ngo ti bhikkhave kaamaanam eta.m adhivacana.m||
pa'nko ti bhikkhave kaamaanam eta.m adhivacana.m.|| ||

3. Kasmaa ca bhikkhave bhayan ti kaamaanam eta.m adhivacana.m?|| ||

Kaamaraagarattaaya.m bhikkhave chandaraagavinibaddho di.t.thadhammikaa pi bhayaa na parimuccati,||
samparaayikaa pi bhayaa na parimuccati.|| ||

Tasmaa bhayan ti kaamaanam eta.m adhivacana.m.|| ||

4. Kasmaa ca bhikkhave dukkhan ti kaamaanam eta.m adhivacana.m?|| ||

Kaamaraagarattaaya.m bhikkhave chandaraagavinibaddho di.t.thadhammikaa pi dukkhaa na parimuccati,||
samparaayikaa pi dukkhaa na parimuccati.|| ||

Tasmaa dukkhan ti kaamaanam eta.m adhivacana.m.|| ||

5. Kasmaa ca bhikkhave rogo ti kaamaanam eta.m adhivacana.m?|| ||

Kaamaraagarattaaya.m bhikkhave chandaraagavinibaddho di.t.thadhammikaa pi rogaa na parimuccati,||
samparaayikaa pi rogaa na parimuccati.|| ||

Tasmaa bhayan ti rogo eta.m adhivacana.m.|| ||

6. Kasmaa ca bhikkhave ga.n.do ti kaamaanam eta.m adhivacana.m?|| ||

Kaamaraagarattaaya.m bhikkhave chandaraagavinibaddho di.t.thadhammikaa pi ga.n.daa na parimuccati,||
samparaayikaa pi ga.n.daa na parimuccati.|| ||

Tasmaa bhayan ti ga.n.do eta.m adhivacana.m.|| ||

7. Kasmaa ca bhikkhave sa'ngo ti kaamaanam eta.m adhivacana.m?|| ||

Kaamaraagarattaaya.m bhikkhave chandaraagavinibaddho di.t.thadhammikaa pi sa'ngaa na parimuccati,||
samparaayikaa pi sa'ngaa na parimuccati.|| ||

Tasmaa sa'ngo ti kaamaanam eta.m adhivacana.m.|| ||

8. Kasmaa ca bhikkhave pa'nko ti kaamaanam eta.m adhivacana.m?|| ||

Kaamaraagarattaaya.m bhikkhave chandaraagavinibaddho di.t.thadhammikaa pi pa'nkaa na parimuccati,||
samparaayikaa pi pa'nkaa na parimuccati.|| ||

Tasmaa pa'nko ti kaamaaname ta.m adhivacananti.|| ||

Bhaya.m dukkha.m rogo ga.n.do sa'ngo pa'nko ubhaya.m||
Ete kaamaa pavuccanti, yattha satto puthujjano.|| ||

Upaadaane bhaya.m disvaa jaatimara.nasambhave||
Anupaadaa vimuccanti jaatimara.na sa'nkhaye.|| ||

Te khemappattaa sukhino di.t.thadhammaabhinibbutaa||
Sabbaverabhayaatiitaa sabbadukkha.m upaccagun ti.|| ||

 


Contact:
E-mail
Copyright Statement