Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
III: Anuttariya-Vagga

Sutta 28

Dutiya Samaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m sambulaa theraa bhikkhu Baaraa.nasiya.m viharanti Isipatane Migadaaye.|| ||

Atha kho tesa.m theraana.m bhikkhuna.m pacchaabhatta.m pi.n.dapaatapa.tikkantaana.m ma.n.dalamaale sannisinnaana.m sannipatitaana.m ayam antaraakathaa udapaadi:|| ||

"Ko nu kho aavuso samayo manobhaavaniiyassa bhikkhuno dassanaaya upasa'nkamitun" ti?|| ||

2. Eva.m vutte a~n~nataro bhikkhu te bhikkhu etad avoca:|| ||

"Yasmi.m aavuso samaye manobhaavaniiyo bhikkhuu pacchaabhatta.m pi.n.dapaatapa.tikkanto paade pakkhaaletvaa nisinno hoti,||
palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa,||
so samayo manobhaavaniiyassa bhikkhuuno dassanaaya upasa'nkamitun" ti.|| ||

3. Eva.m vutte a~n~nataro bhikkhuu ta.m bhikkhu.m etad avoca:|| ||

"Na kho aavuso so samayo manobhaavaniiyassa bhikkhuno dassanaaya upasa'nkamitu.m.|| ||

Yasmi.m aavuso samaye manobhaavaniiyo bhikkhu pacchaabhatta.m pi.n.dapaatapa.tikkanto paade pakkhaaletvaa nisinno hoti palla'nka.m aabhuujitvaa uju.m kaaya.m pa.niidhaaya parimukha.m sati.m upa.t.thapetvaa,||
caarittakilamatho pi'ssa tasmi.m samaye appa.tippassaddho hoti,||
bhattakilamatho pi'ssa tasmi.m samaye appa.tippassaddho hoti.|| ||

Tasmaa na kho so asamayo manobhaavaniiyassa bhikkhuno dassanaaya upasa'nkamitu.m.|| ||

Yasmi.m aavuso samaye manobhaavaniiyo bhikkhuu saaya.nhasamaya.m patisallaanaa vu.t.thito vihaarapacchaayaaya.m nisinno hoti palla'nka.m aabhuujitvaa uju.m kaaya.m pa.nidhaaya parimukha.m sati.m upa.t.thapetvaa,||
so samayo manobhaavaniiyassa bhikkhuno dassanaaya upasa'nkamitun" ti.|| ||

4. Eva.m vutte a~n~nataro bhikkhu ta.m bhikkhu.m etad avoca:|| ||

"Na kho aavuso so samayo manobhaavaniiyassa bhikkhuno dassanaaya upasa'nkamitu.m.|| ||

Yasmi.m aavuso samaye [321] manobhaavaniiyo bhikkhu saayanahasamaya.m patisallaanaa vu.t.thito vihaarapacchaayaaya.m nisinno hoti palla'nka.m aabhuujitvaa uju.m kaaya.m pa.nidhaaya parimukha.m sati.m upa.t.thapetvaa, yad ev'assa divaa samaadhi nimitta.m manasikata.m hoti,||
tad ev'assa tasmi.m samaye samudaacarati.|| ||

Tasmaa na kho so samayo manobhaavaniiyassa bhikkhuno dassanaaya upasa'nkamitu.m.|| ||

Yasmi.m aavuso samaye manobhaavaniiyo bhikkhu rattiyaa paccuusasamaya.m paccu.t.thaaya nisinno hoti palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa,||
so samayo manobhaavaniiyassa bhikkhuno dassanaaya upasa'nkamitun" ti.|| ||

5. Eva.m vutte a~n~nataro bhikkhu ta.m bhikkhu.m etad avoca:|| ||

"Na kho aavuso so samayo manobhaavaniiyassa bhikkhuno dassanaaya upasa'nkamitu.m.|| ||

Yasmi.m aavuso samaye manobhaavaniiyo bhikkhu rattiyaa paccuusasamaya.m paccu.t.thaaya nisinno hoti palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa,||
oja.t.thaayi'ssa tasmi.m samaye kaayo hoti||
phaasu'ssa hoti buddhaana.m saasana.m manasikaatu.m.|| ||

Tasmaa so samayo manobhaavaniiyassa bhikkhuno dassanaaya upasa'nkamitun" ti.|| ||

 


 

6. Eva.m vutte aayasmaa Mahaa Kaccaano there bhikkhuu etad avoca:|| ||

"Sammukhaa me ta.m aavuso Bhagavato suta.m,||
sammukhaa pa.tiggahiita.m:|| ||

'Cha yime bhikkhu samayaa manobhaavaniiyassa bhikkhuno dassanaaya upasa.mkamitu.m.|| ||

Katame cha?|| ||

7. Idha bhikkhu yasmi.m samaye bhikkhu kaamaraaga-pariyu.t.thitena cetasaa viharati,||
kaamaraaga-paretena,||
uppannassa ca kaamaraagassa nissara.na.m yathaabhuuta.m na ppajaanaati,||
tasmi.m samaye manobhaavaniiyo bhikkhuu upasa'nkamitvaa evam assa vacaniiyo:|| ||

"Aha.m kho aavuso kaamaraaga-pariyu.t.thitena cetasaa viharaami||
kaamaraaga-paretena,||
uppannassa ca kaamaraagassa nissara.na.m yathaabhuuta.m na ppajaanaami.|| ||

Saadhu vata me aayasmaa kaamaraagassa pahaanaaya dhamma.m desetuu" ti.|| ||

Tassa manobhaavaniiyo bhikkhu kaamaraagassa pahaanaaya dhamma.m deseti.|| ||

Aya.m bhikkhu pa.thamo samayo manobhaavaniiyassa bhikkhuno dassanaaya upasa'nkamitu.m.|| ||

8. Puna ca para.m bhikkhuu, yasmi.m samaye bhikkhu vyaapaada-pariyu.t.thitena cetasaa viharati,||
vyaapaada-paretena,||
uppannassa ca vyaapaadassa nissara.na.m yathaabhuuta.m na ppajaanaati,||
tasmi.m samaye manobhaavaniiyo bhikkhu upasa'nkamitvaa evam assa vacaniiyo:|| ||

"Aha.m kho aavuso vyaapaada-pariyu.t.thitena cetasaa viharaami||
vyaapaada-paretena,||
uppannassa ca vyaapaadassa nissara.na.m yathaabhuuta.m na ppajaanaami.|| ||

Saadhu vata me aayasmaa vyaapaadassa pahaanaaya dhamma.m desetuu" ti.|| ||

Tassa manobhaavaniiyo bhikkhuu vyaapaadassa pahaanaaya dhamma.m deseti.|| ||

Aya.m bhikkhu dutiyo samayo manobhaavaniiyassa bhikkhuno dassanaaya upasakamitu.m.|| ||

9. Puna ca para.m bhikkhu, yasmi.m samaye bhikkhu thina-middha-pariyu.t.thitena cetasaa viharati||
thina-middha-paretena,||
uppannassa ca thiina-middhassa nissara.na.m yathaabhuuta.m nappajaanaati,||
tasmi.m samaye manobhaavaniiyo bhikkhu upasa'nkamitvaa evam assa vacaniiyo:|| ||

"Aha.m kho aavuso thiina-middha-pariyu.t.thitena cetasaa viharaami||
thiina-middha-paretena||
uppanassa ca thiina-middhassa nissara.na.m yathaabhuuta.m nappajaanaami.|| ||

Saadhu vata me aayasmaa thiina-middhassa pahaanaaya dhamma.m desetuu" ti.|| ||

Tassa manobhaavaniiyo bhikkhu thiina-middhassa pahaanaaya dhamma.m deseti.|| ||

Aya.m bhikakhuu tatiyo samayo manobhaavaniiyassa bhikkhuno dassanaaya upasa'nkamitu.m.|| ||

10. Puna ca para.m bhikkhu, yasmi.m samaye bhikkhu uddhacca-kukkucca-pariyu.t.thitena cetasaa viharati||
uddhacca-kukkucca-paretena,||
uppannassa ca uddhaccakukkucassa nissara.na.m yathaabhuuta.m nappajaanaati,||
tasmi.m samaye manobhaavaniiyo bhikkhu upasa'nkamitvaa evam assa vacaniiyo:|| ||

"Aha.m kho aavuso uddhacca-kukkucca-pariyu.t.thitena cetasaa viharaami||
uddhacca-kukkucca-paretena||
uppanassa ca uddhacca-kukkuccassa nissara.na.m yathaabhuuta.m na ppajaanaami.|| ||

Saadhu vata me aayasmaa uddhacca-kukkuccassa pahaanaaya dhamma.m desetuu" ti.|| ||

Tassa manobhaavaniiyo bhikkhu uddhacca-kukkuccassa pahaanaaya dhamma.m deseti.|| ||

Aya.m bhikakhuu catuttho samayo manobhaavaniiyassa bhikkhuno dassanaaya upasa'nkamitu.m.|| ||

11. Puna ca para.m bhikkhu, yasmi.m samaye bhikkhu vicikicchaa-pariyu.t.thitena cetasaa viharati,||
vicikicchaa-paretena,||
uuppannaaya ca vicikicchaaya nissara.na.m yathaabhuuta.m na ppajaanaati,||
tasmi.m samaye manobhaavaniiyo bhikkhu upasa'nkamitvaa evam assa vacaniiyo:|| ||

"Aha.m kho aavuso vicikicchaa-pariyu.t.thitena cetasaa viharaami, vicikicchaa-paretena||
uppannaaya ca vicikicchaaya nissara.na.m yathaabhuuta.m na ppajaanaami.|| ||

Saadhu vata me aayasmaa vicikicchaaya pahaanaaya dhamma.m desetuu" ti.|| ||

Tassa manobhaavaniiyo bhikkhuu vicikicchaaya pahaanaaya dhamma.m deseti.|| ||

Aya.m bhikkhu pa~ncamo samayo manobhaavaniiyassa bhikkhuno dassanaaya upasa'nkamitu.m.|| ||

12. Puna ca para.m bhikkhu, yasmi.m samaye bhikkhu yan nimitta.m aagamma ya.m nimitta.m manasikaroto anantaraa aasavaana.m khayo hoti,||
ta.m nimitta.m na jaanaati,||
na passati,||
tasmi.m samaye manobhaavaniiyo bhikkhu upasa'nkamitvaa evam assa vacaniiyo:|| ||

"Aha.m kho aavuso ya.m nimitta.m aagamma ya.m nimitta.m manasikaroto anantaraa aasavaana.m khayo hoti,||
ta.m nimitta.m na jaanaami,||
na passaami.|| ||

Saadhu vata me aayasmaa aasavaana.m khayaaya dhamma.m desetuu" ti.|| ||

Tassa manobhaavaniiyo bhikkhu aasavaana.m khayaaya dhamma.m deseti.|| ||

Aya.m bhikakhu cha.t.tho samayo manobhaavaniiyassa bhikkhuno dassanaaya upasa'nkamitu.m.|| ||

Ime kho bhikkhu cha samayaa manobhaavaniiyassa bhikkhuno dassanaaya upasa'nkamitun' ti.|| ||

Sammukhaa me ta.m aavuso Bhagavato suta.m,||
sammukhaa pa.tiggahiita.m:||
ime kho bhikkhu, cha samayaa manobhaavaniiyassa bhikkhuno dassanaaya upasa'nkamitun" ti.|| ||

 


Contact:
E-mail
Copyright Statement