Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
III: Anuttariya-Vagga

Sutta 29

Udaayi Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha kho Bhagavaa aayasmanta.m Udaayi.m aamantesi:|| ||

"Kati nu kho Udaayi, anussati.t.thaanaan" ti?|| ||

Eva.m vutte aayasmaa Udaayi tu.nhii ahosi.|| ||

Dutiyam pi kho Bhagavaa aayasmanta.m Udaayi.m aamantesi:|| ||

"Kati nu kho Udaayi, anussati.t.thaanaanii" ti?|| ||

Dutiyam pi kho aayasmaa Udaayi tu.nhii ahosi.|| ||

Tatiyam pi kho Bhagavaa aayasmanta.m Udaayi.m aamantesi:|| ||

"Kati nu kho Udaayi, anussati.t.thaanaanii" ti?|| ||

Tatiyam pi kho aayasmaa Udaayi tu.nhii ahosi.|| ||

Atha kho aayasmaa Aanando aayasmanta.m Udaayi.m etad avoca:|| ||

"Satthaa ta.m aavuso Udaayi, aamantetii" ti.|| ||

"Su.nomaha.m aavuso Aananda, Bhagavato.|| ||

[323] "Idha bhante bhikkhu aneka-vihita.m pubbenivaasa.m anussarati, seyyathiida.m:||
ekam pi jaati.m dve pi jaatiyo tisso pi jaatiyo catasso pi jaatiyo pa~nca pi jaatiyo||
dasa pi jaatiyo viisam pi jaatiyo ti.msam pi jaatiyo cattaariisam pi jaatiyo pa~n~naasam pi jaatiyo||
jaati-satam pi jaati-sahassam pi jaati-sata-sahassam pi||
aneke pi sa.mva.t.takappe aneke pi viva.t.takappe aneke pi sa.mva.t.ta-viva.t.takappe:|| ||

'Amutraasi.m eva.m naamo eva.m gotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto amutra upapaadi.m tatraapaasi.m eva.m-naamo eva.m-gotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto idhuupapanno' ti.|| ||

Iti saakaara.m sa-uddesa.m aneka-vihita.m pubbenivaasa.m anussareyyan" ti.|| ||

Atha kho Bhagavaa aayasmanta.m Aananda.m aamantesi:|| ||

"A~n~naasi.m kho aha.m Aananda,||
'n'evaaya.m Udaayi moghapuriso adhiicittam anuyutto viharatii' ti.|| ||

Kati nuu kho Aananda, anussati.t.thaanaanii" ti?|| ||

"Pa~nca bhante anussati.t.thaanaani.|| ||

Katamaani pa~nca?|| ||

2. Idha bhante, bhikkhu vivicc'eva kaamehi||
vivicca akusalehi dhammehi||
savitakka.m||
savicaara.m||
vivekaja.m piiti-sukha.m||
pa.thama.m-jhaana.m upasampajja viharati.|| ||

Citakka vicaaraana.m vupasamaa||
ajjhatta.m sampasaadana.m||
cetaso ekodibhaava.m||
avitakka.m||
avicaara.m||
samaadhija.m piiti-sukha.m||
dutiya.m-jhaana.m upasampajja viharati.|| ||

Pitiyaa ca viraagaa||
upekkhako ca viharati||
sato ca sampajaano,||
sukha~n ca kaayena pa.tisa.mvedeti,||
ya.m ta.m ariyaa aacikkhanti||
'upekkhako satimaa sukhavihaari' ti,||
tatiya.m-jhaana.m upasampajja viharati.|| ||

Ida.m bhante anussati.t.thaana.m||
eva.m bhaavita.m||
eva.m bahuuliikata.m||
di.t.tha-dhamma-sukhavihaaraaya sa.mvattati.|| ||

3. Puna ca para.m bhante,||
bhikkhu aalokasa~n~na.m manasikaroti,||
divaasa~n~na.m adhi.t.thaati.|| ||

Yathaa divaa||
tathaa ratti.m,||
yathaa ratti.m||
tathaa divaa.|| ||

Iti viva.tena cetasaa apariyonaddhena sappabhaasa.m citata.m bhaaveti.|| ||

Ida.m bhante anussati.t.thaana.m||
eva.m bhaavita.m||
eva.m bahuliikata.m||
~naa.nadassana pa.tilaabhaaya sa.mvattati.|| ||

4. Puna ca para.m bhante,||
bhikkhu imam eva kaaya.m uddha.m paadatalaa adhokesamatthakaa tacapariyanta.m puura.m naanappakaarassa asucino paccavekkhati:|| ||

'Atthi imasmi.m kaaye kesaa,||
lomaa,||
nakhaa,||
dantaa,||
taco,||
ma.msa.m,||
nahaaru,||
a.t.thii,||
a.t.thimi~nja.m,||
vakka.m,||
hadaya.m,||
yakana.m,||
kilomaka.m,||
pihaka.m,||
papphaasa.m,||
anta.m,||
antagu.na.m,||
udariya.m,||
kariisa.m,||
pitta.m,||
semha.m,||
pubbo,||
lohita.m,||
sedo,||
medo,||
assu,||
vasaa,||
khe.lo,||
si'nghaanikaa,||
lasikaa,||
muttan' ti.|| ||

Ida.m bhante anussati.t.thaana.m,||
eva.m bhaavita.m,||
eva.m bahuulikata.m,||
kaamaraagassa pahaanaaya sa.mvattati.|| ||

5. Puna ca para.m bhante bhikkhu seyyathaa pi passeyya sariira.m siivathikaaya cha.d.dita.m ekaahamata.m vaa dviihamata.m [324] vaa tiihamata.m vaa uddhumaataka.m viniilaka.m vipubbakajaata.m.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyathaa pi vaa pana passeyya sariira.m sivathikaaya cha.d.dita.m kaakehi vaa||
khajjamaana.m kulalehi vaa||
khajjamaana.m gijjhehi vaa||
khajjamaana.m suvaanehi vaa||
khajjamaana.m sigaalehi vaa||
khajjamaana.m vividhehi vaa||
paa.nakajaatehi khajjamaana.m.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyathaa pi vaa pana passeyya sariira.m siivathikaaya cha.d.dita.m a.t.thisa'nkhalika.m sama.msalohita.m nahaarusambandha.m.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyathaa pi vaa pana passeyya sariira.m sivathikaaya cha.d.dita.m a.t.thikasa'nkhalika.m nimma.msalohita makkhitta.m nahaarusambandha.m.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyathaa pi vaa pana passeyya sariira.m siivathikaaya cha.d.dita.m a.t.thiikasa'nkhalika.m apagatama.msalohita.m nahaarusambandha.m.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyataa pi vaa pana passeyya sariira.m sivathikaaya cha.d.dita.m a.t.thitaani apagatasambandhaani disaa vidisaasu vikkhittaani:||
a~n~nena hattha.t.thika.m||
a~n~nena paada.t.thika.m||
a~n~nena ja'ngha.t.thika.m||
a~n~nena ura.t.thika.m||
a~n~nena ka.ta.t.thika.m pi.t.thika.n.taka.m||
a~n~nena siisaka.taaha.m.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyathaa pi vaa pana passeyya sariira.m siivathikaaya cha.d.dita.m,||
a.t.thikaani setaani sa'nkhava.n.nupanihaani.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyathaa pi vaa pana passeyya sariira.m siivathikaaya cha.dicita.m a.t.thikaani pu~njakitaani.|| ||

So imam eva kaaya.m eva.m upasa.mharati:|| ||

'Ayam pi kho kaayo eva.m dhammo eva.m bhaavii eta.m anatiito' ti.|| ||

Seyyathaa pi vaa pana passeyya sariira.m sivathikaaya cha.dcita.m,||
a.t.thikaani terovassikaani puutiiti cu.n.nakajaataani.|| ||

So imam eva kaaya.m eva.m upasa.mharati:|| ||

[325] 'Ayam pi kho kaayo eva.m dhammo eva.m bhaavii eta.m anatiito' ti.|| ||

Idam bhante anussati.t.thaana.m||
eva.m bhaavita.m||
eva.m bahuliikata.m||
asmimaana samuugghaataaya sa.mvattatii.|| ||

6. Puna ca para.m bhante bhikkhu sukhassa ca pahaanaa||
dukkhassa ca pahaanaa||
pubb'eva somanassa-domanassaana.m attha'ngamaa||
adukkha.m asuka.m upekkhaa-sati-paarisuddhi.m||
catuttha.m-jhaana.m upasampajja viharati.|| ||

Ida.m bhante anussati.t.thaana.m||
eva.m bhaavita.m||
eva.m bahuliikata.m||
anekadhaatu pa.tivedhaaya sa.mvattatii.|| ||

Imaani kho bhante pa~nca anussati.t.thaanaaniiti.|| ||

7. Saadhu saadhu Aananda.|| ||

Tena hi tva.m Aananda idam pi cha.t.tha.m anussati.t.thaana.m dhaarehi:|| ||

Idh'Aananda bhikkhu sato'va abhikkamati,||
sato'va pa.tikkamati,||
sato'va ti.t.thati,||
sato'va nisiidati,||
sato'va seyya.m kappeti,||
sato'va kamma.m adhi.t.thaati.|| ||

Ida.m Aananda anussati.t.thaana.m||
eva.m bhaavita.m||
eva.m bahuliikata.m||
satisampaja~n~naaya sa.mvattatii" ti.|| ||

 


Contact:
E-mail
Copyright Statement