Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | Mobile (āīūŋńñţđņļ) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
III: Anuttariya-Vagga

Sutta 30

Anuttariya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Cha imaani bhikkhave anuttariyaani.|| ||

Katamaani cha?|| ||

3. Dassanaanuttariya.m,||
sava.naanuttariiya.m,||
laabhaanuttariya.m,||
sikkhaanuttariya.m,||
paaricariyaanuttariya.m,||
anussataanuttariya.m.|| ||

4. Katama~n ca bhikkhave dassanaanuttariiya.m?|| ||

Idha bhikkhave ekacco||
hatthi-ratanam pi dassanaaya gacchati;||
assa-ratanam pi danaaya gacchati;||
ma.ni-ratanam pi danaaya gacchati;||
uccaavaca.m vaa pana dassanaaya gacchati;||
sama.na.m vaa||
braahma.na.m vaa||
micchaadi.t.thika.m||
micchaapa.tipanna.m dassanaaya gacchati.|| ||

Atth'eta.m bhikkhave dassana.m?|| ||

N'eta.m natthii ti vadaami.|| ||

Ta~n ca kho eta.m bhikkhave dassana.m hiina.m gamma.m||
pothujjanika.m,||
anariya.m,||
anatthasa.mhita.m,||
na nibbidaaya,||
na viraagaaya,||
na nirodhaaya,||
na upasamaaya,||
na abhi~n~naaya,||
na sambodhaaya,||
na [326] nibbaanaaya sa.mvattatii.|| ||

Yo ca kho bhikkhave Tathaagata.m vaa||
Tathaagatasaavaka.m vaa dassanaaya gacchati||
nivi.t.thasaddho,||
nivi.t.thapemo,||
ekantagato,||
abhippasanno:||
etad aanuttariya.m bhikkhave dassanaana.m sattaana.m visuddhiyaa soka-pariddavaana.m samatikkamaaya dukkha-domanassaana.m attha'ngamaaya ~naayassa adhigamaaya nibbaanassa sacchikiriyaaya,||
yad ida.m Tathaagata.m vaa||
Tathaagatasaavaka.m vaa dassanaaya gacchati||
nivi.t.tasaddho,||
nivi.t.thapemo,||
ekantagato,||
abhippasanno.|| ||

Ida.m vuccati bhikkhave dassanaanuttariya.m.|| ||

Iti dassanaanuttariya.m.|| ||

5. Sava.naanutatariya~n ca katha.m hoti?|| ||

Idha bhikkhave ekacco||
bherisaddam pi sava.naaya gacchati;||
vii.naaddam pi va.naaya gacchati;||
giitaddam pi va.naaya gacchati;||
uccaavaca.m vaa pana sava.naaya gacchati;||
sama.nassa vaa,||
braahma.nassa vaa,||
micchaadi.t.thikassa,||
micchaapa.tipannassa,||
dhammasava.naaya gacchati.|| ||

Atth'eta.m bhikkhave sava.na.m?|| ||

N'eta.m natthii ti vadaami.|| ||

Ta~n ca kho eta.m bhikkhave sava.na.m hiina.m gamma.m||
pothujjanika.m,||
anariya.m,||
anatthasa.mhita.m,||
na nibbidaaya,||
na viraagaaya,||
na nirodhaaya,||
na upasamaaya,||
na abhi~n~naaya,||
na sambodhaaya,||
na nibbaanaaya sa.mvattatii.|| ||

Yo ca kho bhikkhave Tathaagatassa vaa||
Tathaagatasaavakassa vaa||
dhammasava.naaya gacchati||
nivi.t.thasaddho||
nivi.t.thapemo||
ekantagato||
abhippasanno:||
etad aanuttariya.m bhikkhave sava.naana.m sattaana.m visuddhiyaa soka-pariddavaana.m samatikkamaaya dukkha-domanassaana.m attha'ngamaaya ~naayassa adhigamaaya nibbaanassa sacchikiriyaaya,||
yad ida.m Tathaagatassa vaa||
Tathaagatasaavakassa vaa||
dhammasava.naaya gacchati||
nivi.t.thasaddho||
nivi.t.thapemo||
ekantagato||
abhippasanno.|| ||

Ida.m vuccati bhikkhave sava.naanuttariya.m.|| ||

Iti dassanaanuttariya.m, iti sava.naanuttariya.m.|| ||

6. Laabhaanuttariya.m ca katha.m hoti?|| ||

Idha bhikkhave ekacco puttalaabham pi labhati,||
daaralaabham pi labhati,||
dhanalaabham pi labhati,||
uccaavaca.m vaa [327] pana laabha.m labhati||
sama.ne vaa||
braahma.ne vaa||
micchadi.t.thike micchaapa.tipanne saddha.m pa.tilabhati.|| ||

Atth'eso bhikkhave laabho?|| ||

N'eso n'atthii ti vadaami.|| ||

So ca kho eso bhikkhave laabho hiino gammo||
pothujjaniko,||
anariyo,||
anatthasa.mhito,||
na nibbidaaya,||
na viraagaaya,||
na nirodhaaya,||
na upasamaaya,||
na abhi~n~naaya,||
na sambodhaaya,||
na nibbaanaaya sa.mvattatii.|| ||

Yo ca kho bhikkhave Tathaagate vaa||
Tathaagatasaavake vaa||
saddha.m pa.tilabhati||
nivi.t.tasaddho||
nivi.t.thapemo||
ekantagato||
abhippasanno:||
etad aanuttariya.m bhikkhave laabhaana.m sattaana.m visuddhiyaa soka-pariddavaana.m samatikkamaaya dukkha-domanassaana.m attha'ngamaaya ~naayassa adhigamaaya nibbaanassa sacchikiriyaaya,||
yad ida.m Tathaagate vaa||
Tathaagatasaavake vaa||
saddha.m pa.tilabhati||
nivi.t.thasaddho||
nivi.t.thapemo||
ekantagato||
abhippasanno.|| ||

Ida.m vuccati bhikkhave laabhaanuttariya.m.|| ||

Iti dassanaanuttariya.m, sava.naanuttariya.m, laabhaanuttariya.m.|| ||

7. Sikkhaanuttariya.m ca katha.m hoti?|| ||

Idha bhikkhave ekacvo hatthismim pi sikkhati,||
assasmim pi sikkhati,||
rathasmim pi sikkhati,||
dhanusmim pi sikkhati,||
tharusmim pi sikkhati,||
uccaavaca.m vaa pana sikkhati||
sama.nassa vaa||
braahma.nassa vaa||
micchaadi.t.thikassa micchaapa.tipannassa sikkhati.|| ||

Atth'esaa bhikkhave sikkhaa?|| ||

N'esaa n'atthii ti vadaami.|| ||

Saa ca kho esaa bhikkhave sikkhaa hiinaa gammaa pothujjanikaa anariyaa anatthasa.mhitaa,||
na nibbidaaya,||
na viraagaaya,||
na nirodhaaya,||
na upasamaaya,||
na abhi~n~naaya,||
na sambodhaaya,||
na nibbaanaaya sa.mvattati.|| ||

Yo ca kho bhikkhave Tathaagata-ppavedite dhamma-vinaye adhisiilam pi sikkhati,||
adhicittam pi sikkhati,||
adhipa~n~nam pi sikkhati,||
nivi.t.thasaddho||
nivi.t.thapemo||
ekantagato||
abhippasanno:||
etad aanuttariya.m bhikkhave sikkhaana.m||
sattaana.m visuddhiyaa soka-pariddavaana.m samatikkamaaya dukkhadomanassaana.m attha'ngamaaya ~naayassa adhigamaaya nibbaanassa [328] sacchikiriyaaya,||
yad ida.m Tathaagata-ppavedite dhamma-vinaye||
adhisiilam pi||
adhicittam pi sikkhati,||
adhipa~n~nam pi sikkhati,||
nivi.t.thasaddho||
nivi.t.thapemo||
ekantagato||
abhippasanno.|| ||

Ida.m vuccati bhikkhave sikkhaanuttariya.m.|| ||

Iti danaanuttariya.m, sava.naanuttariya.m, laabhaanuttariya.m, sikkhaanuttariya.m.|| ||

8. Paaricariyaanuttariya~n ca katha.m hoti?|| ||

Idha, bhikkhave, ekacco khattiyam pi paricarati,||
braahma.nam pi paricarati,||
gahapatim pi parivarati,||
uccaavaca.m vaa pana paricarati||
sama.na.m vaa||
braahma.na.m vaa||
micchaadi.t.thika.m micchaapa.tipanna.m paricarati.|| ||

Atth'esaa bhikkhave paaricariyaa?|| ||

N'esaa n'atthii ti vadaami.|| ||

Saa ca kho esaa bhikkhave paaricariyaa hiinaa gammaa pothujjanikaa anariyaa anatthasa.mhitaa,||
na nibbidaaya||
na viraagaaya||
na nirodhaaya||
na upasamaaya||
na abhi~n~naaya||
na sambodhaaya||
na nibbaanaaya sa.mvattati.|| ||

Yo ca kho bhikkhave Tathaagata.m vaa||
Tathaagatasaavaka.m vaa paricarati||
nivi.t.thasaddho||
nivi.t.thapemo||
ekantagato||
abhippasanno:||
etad aanuttariya.m bhikkhave paarivariyaana.m||
attaana.m visuddhiyaa soka-pariddavaana.m samatikkamaaya dukkhadomanassaana.m attha'ngamaaya ~naayassaadhigamaaya nibbaanassa sacchikiriyaaya,||
yad ida.m Tathaagata.m vaa||
Tathaagatasaavaka.m vaa paricarati||
nivi.t.thasaddho||
nivi.t.thapemo||
ekantagato||
abhippasanno.|| ||

Ida.m vuccati bhikkhave paaricariyaanuttariya.m.|| ||

Iti dassanaanuttariya.m, sava.naanuttariya.m, laabhaanuttariya.m, sikkhaanuttariya.m, paaricariyaanuttariya.m.|| ||

9. Anussataanuttariya.m ca katha.m hoti?|| ||

Idha, bhikkhave, ekacco puttalaabham pi anussarati,||
daaralaabham pi anussarati,||
dhanalaabham pi anussarati,||
uccaavaca.m vaa laabha.m pana anussarati||
sama.naa vaa||
braahma.na.m vaa||
micchaadi.t.thika.m vaa||
micchaapa.tipanna.m anussarati.|| ||

Atth'esaa bhikkhave anussati?|| ||

N'esaa n'atthii ti vadaami.|| ||

Saa ca kho esaa bhikkhave anassati hiinaa gammaa pothujjanikaa anariyaa anatthasa.mhitaa,||
na nibbidaaya||
na viraagaaya||
na nirodhaaya||
na upasamaaya||
na abhi~n~naaya||
na sambodhaaya||
na nibbaanaaya sa.mvattati.|| ||

Yo ca kho bhikkhave Tathaagata.m vaa||
[329] Tathaagatasaavaka.m vaa anussarati||
nivi.t.thasaddho||
nivi.t.thapemo||
ekantagato||
abhippasanno:||
etad aanuttariya.m bhikkhave anussatiina.m||
satataana.m visuddhiyaa soka-pariddavaana.m samatikkamaaya dukkha-domanassaana.m attha'ngamaaya ~naayassa adhigamaaya nibbaanassa sacchikiriyaaya,||
yad ida.m Tathaagata.m vaa||
Tathaagatasaavaka.m vaa anussarati||
nivi.t.thasaddho||
nivi.t.thapemo||
ekantagato||
abhippasanno.|| ||

Ida.m vuccati bhikkhave anussataanuttariya.m.|| ||

Iti anussataanuttariya.m.|| ||

Imaani kho bhikkhave cha anuttariyaanii, tii.|| ||

Ye dassanavara.m laddhaa sava.na~n ca anuttara.m,||
Laabhaanuttariya.m laddhaa, sikhkhaanuttariye rataa,||
Upa.t.thitaa paaricariye bhaavayanti anussati.m||
Vivekapa.tisa.myutta.m khema.m amatagaamini.m,||
Appamaade pamoditaa nipakaa siilasa.mvutaa:||
Te ve kaalena paccnti, yettha dukkha.m nirujjhatii ti.|| ||

Anuttariyavaggo tatiyo.|| ||

 


Contact:
E-mail
Copyright Statement   Webmaster's Page