Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Chakka-Nipata
IV: Devataa-Vagga

Sutta 32

Pa.thama Aparihaana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

2. Atha kho a~n~nataraa devataa abhikkantaaya rattiyaa abhikkantava.n.naa kevalakappa.m Jetavana.m obhaasetvaa yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

Eka-m-anta.m .thitaa kho saa devataa Bhagavanta.m etad avoca:|| ||

"Cha yime bhante dhammaa bhikkhuno aparihaanaaya sa.mvattanti.|| ||

Katame cha?|| ||

Satthu-gaaravataa,||
dhamma-gaaravataa,||
sa'ngha-gaaravataa,||
sikkhaa-gaaravataa,||
appamaada-gaaravataa,||
pa.tisanthaara-gaaravataa.|| ||

Ime kho bhante cha dhammaa bhikkhuno aparihaanaaya sa.mvattanti."|| ||

Idam avoca saa devataa.|| ||

Samanu~n~no satthaa ahosi.|| ||

Atha kho saa devataa,||
samanu~n~no me satthaa,||
ti Bhagavanta.m abhivaadetvaa padakkhi.na.m katvaa tatthevantaradhaayii.|| ||

Atha kho Bhagavaa tassaa rattiyaa accayena bhikkhuu aamantesi:|| ||

Ima.m bhikkhave ratti.m a~n~nataraa devataa abhikkantaaya rattiyaa abhikkanta va.n.naa kevalakappa.m jetavana.m obhaasetvaa yenaaha.m ten'upasa'nkami.|| ||

Upasa'nkamitvaa ma.m abhivaadetvaa eka-m-anta.m a.t.thaasi.|| ||

Eka-m-anta.m .thitaa kho bhikkhave saa devataa ma.m etad avoca:|| ||

"Chayime bhante dhammaa bhikkhuno aparihaanaaya sa.mvattanti.|| ||

Katame cha?|| ||

Satthu-gaaravataa,||
dhamma-gaaravataa,||
sa'ngha-gaaravataa,||
sikkhaa-gaaravataa,||
appamaada-gaaravataa,||
pa.tisanthaara-gaaravataa.|| ||

[331] Ime kho bhante cha dhammaa bhikkhuno aparihaanaaya sa.mvattantiti."|| ||

Idam avoca bhikkhave saa devataa,||
ida.m vatvaa ma.m abhivaadetvaa padakkhi.na.m katvaa tatthevantaradhaayii ti.

Satthu garu dhammagaru sa'nghe ca tibbagaaravo,||
Appamaada garu bhikkhu pa.tisanthaaragaaravo,||
Abhabbo parihaanaaya nibbaanass'eva santiketi.|| ||

 


Contact:
E-mail
Copyright Statement