Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
IV. Devataa Vagga

Sutta 40

Kimbila Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] EVA.M ME SUTA.M.|| ||

Eka.m samaya.m Bhagavaa Kimbilaaya.m viharati, Ve.luvane.|| ||

Atha kho aayasmaa Kimbilo yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa kimbilo Bhagavanta.m etad avoca:|| ||

2. 'Ko nu kho bhante hetu, ko paccayo,||
yena Tathaagate parinibbute saddhammo na cira.t.thitiko hotii' ti?|| ||

3. Idha kimbila, Tathaagate parinibbute bhikkhu bhikkhu.niyo upaasakaa upaasikaayo||
Satthari agaaravaa viharanti appatissaa,||
Dhamme agaaravaa viharanti appatissaa,||
Sa'nghe agaaravaa viharanti appatissaa,||
sikkhaaya aagaaravaa viharanti appatissaa,||
appamaade agaaravaa viharanti appatissaa,||
pa.tisaanthaare agaaravaa viharanti appatissaa.|| ||

Aya.m kho kimbila hetu, aya.m paccayo yena Tathaagate parinibbute saddhammo na cira.t.thitiko hoti.|| ||

'Ko pana bhante hetu, ko paccayo, yena Tathaagate parinibbute saddhammo cira.t.thitiko hotii' ti?|| ||

Idha kimbila Tathaagate parinibbute bhikkhuu bhikkhuu.niyo upaasakaa upaasikaayo||
Satthari sagaaravaa viharanti sappatissaa,||
Dhamme sagaaravaa viharanti sappatissaa,||
Sa'nghe sagaaravaa viharanti sappatissaa,||
sikkhaaya sagaaravaa viharanti sappatissaa,||
appamaade sagaaravaa viharanti sappatissaa,||
pa.tisanthaare sagaaravaa viharanti sappatissaa.|| ||

Aya.m kho kimbila, hetu aya.m paccayo, yena Tathaagate parinibbute saddhammo cira.t.thitiko hotii ti.|| ||

 


Contact:
E-mail
Copyright Statement