Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
IV. Devataa Vagga

Sutta 41

Daarukkhandha sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][ati][bd] EVA.M ME SUTA.M

Eka.m samaya.m aayasmaa Saariputto Raajagahe viharati Gijjhakuu.te pabbate. Atha kho aayasmaa Saariputto pubba.nhasamaya.m nivaasetvaa pattaciivaram aadaaya sambahulehi bhikkhuuhi saddhi.m Gijjhakuu.taa pabbataa orohanto addasa a~n~natarasmi.m padese mahanta.m daarukkhandha.m, disvaa bhikkhuu aamantesi:
Passatha no bumhe aavuso amu.m mahanta.m daarukkhandhan ti?

Evam aavuso ti.

[2][pts][ati][bd] Aaka'nkhamaano aavuso bhikkhu iddhimaa cetovasippatto amu.m daarukkhandha.m pa.thavii tv eva adhimucceyya.
Ta.m kissa hetu?
Atthi aavuso amusmi.m daarukkhandhe pa.thavidhaatu, ya.m nissaaya bhikkhu iddhimaa cetovasippatto amu.m daarukkhandha.m pa.thavii tv eva adhimucceyya.

[3][pts][ati][bd] Aaka'nkhamaano aavuso bhikkhu iddhimaa cetovasippatto amu.m daarukkhandha.m aapo tv eva adhimucceyya.
Ta.m kissa hetu?
Atthi aavuso amusmi.m daarukkhandhe aapodhaatu, ya.m nissaaya bhikkhu iddhimaa cetovasippatto amu.m daarukkhandha.m aapo tv eva adhimucceyya.

[4][pts][ati][bd] Aaka'nkhamaano aavuso bhikkhu iddhimaa cetovasippatto amu.m daarukkhandha.m tejo tv eva adhimucceyya.
Ta.m kissa hetu?
Atthi aavuso amusmi.m daarukkhandhe tejodhaatu, ya.m nissaaya bhikkhu iddhimaa cetovasippatto amu.m daarukkhandha.m tejo tv eva adhimucceyya.

[5][pts][ati][bd] Aaka'nkhamaano aavuso bhikkhu iddhimaa cetovasippatto amu.m daarukkhandha.m vaayo tv eva adhimucceyya.
Ta.m kissa hetu?
Atthi aavuso amusmi.m daarukkhandhe vaayodhaatu, ya.m nissaaya bhikkhu iddhimaa cetovasippatto amu.m daarukkhandha.m vaayo tv eva adhimucceyya.

[6][pts][ati][bd] Aaka'nkhamaano aavuso bhikkhu iddhimaa cetovasippatto amu.m daarukkhandha.m subhan tv eva adhimucceyya.
Ta.m kissa hetu?
Atthi aavuso amusmi.m daarukkhandhe subhadhaatu, ya.m nissaaya bhikkhu iddhimaa cetovasippatto amu.m daarukkhandha.m subhan tv eva adhimucceyyaa ti

[7][pts][ati][bd] Aaka'nkhamaano aavuso bhikkhu iddhimaa cetovasippatto amu.m daarukkhandha.m asubhan tv eva adhimucceyya.
Ta.m kissa hetu?
Atthi aavuso amusmi.m daarukkhandhe asubhadhaatu, ya.m nissaaya bhikkhu iddhimaa cetovasippatto amu.m daarukkhandha.m asubhan tv eva adhimucceyyaa ti

 


Contact:
E-mail
Copyright Statement