Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
IV. Devataa Vagga

Sutta 42

Naagita Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Eva.m me suta.m.|| ||

Eka.m samaya.m Bhagavaa Kosalesu caarika.m caramaano mahataa bhikkhu-sa'nghena saddhi.m yena Icchaana'ngala.m naama kosalaana.m braahma.nagaamo tad avasari.|| ||

Tatra suda.m Bhagavaa Icchaana'ngale viharati Icchaana'ngalavanasa.n.de.|| ||

Assosu.m kho Icchaana'ngalikaa braahma.nagahapatikaa||
"sama.no khalu bho Gotamo Sakyaputto Sakyakulaa pabbajito Icchaana'ngala.m anuppatto Icchaana'ngale viharati Icchaana'ngalavanasa.n.de.|| ||

Ta.m kho pana bhavanta.m Gotama.m eva.m kalyaa.no kittisaddo abbhuuggato||
"Iti pi so Bhagavaa araha.m Sammaa-sambuddho vijjaa-cara.na-sampanno sugato lokavidu anuttaro purisadamma saarathi satthaa deva-manussaana.m buddho Bhagavaa" ti.|| ||

So ima.m loka.m sadevaka.m samaaraka.m sabrahmaka.m sassama.nabraahma.nii.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti aadikalyaa.na.m majjhekalyaa.na.m pariyosaanakalyaa.na.m saattha.m savya~njana.m kevalaparipu.n.na.m parisuddha.m,||
brahmacariya.m pakaaseti.|| ||

Saadhu kho pana tathaaruupaana.m arahata.m dassana.m hotii" ti. Atha kho Icchaana'ngalikaa braahma.nagahapatikaa tassaa rattiyaa accayena pahuuta.m khaadaniiya.m bhojaniiya.m aadaaya yena Icchaana'ngalavanasa.n.da.m ten'upasa'nkami.msu.|| ||

Upasa'nkamitvaa bahidvaarako.t.thake a.t.tha.msu uccaasaddaa mahaasaddaa. Tena kho pana samayena aayasmaa Naagito Bhagavato upa.t.thaako hoti.|| ||

Atha kho Bhagavaa aayasmanta.m Naagita`.m [342] aamantesi:||
ke pana te Naagita uccaasaddaa mahaasaddaa keva.t.taa ma~n~ne macche vilopetii ti.|| ||

Ete bhante Icchaana'ngalikaa braahma.nagahapatikaa pahuta.m khaadaniiya.m hojaniiya.m aadaaya bahidvaarako.t.thake .thitaa Bhagavanta.myeva uddissa bhikkhu-sa'ngha.m caa ti. 'Maaha.m Naagita yasena samaagama.m maa ca mayaa yaso.|| ||

Yo kho Naagita na yimassa nekkhammasukhassa pavivekasukhassa upasamasukhassa sambodhasukhassa nikaamalaabhii assa akicchalaabhii akasiralaabhii,||
yassaaha.m nekkhammasukhassa pavivekasukhassa upasamasukhassa sambodhasukhassa nikaamalaabhii akicchalaabhii akasiralaabhii,||
so ta.m mii'hasukha.m middhasukha.m laabhasakkaarasilokasukha.m saadiyeyyaati.|| ||

Adhivaasetudaani bhante Bhagavaa,||
adhivaasetu sugato.|| ||

Adhivaasana kaalodaani bhante Bhagavato.|| ||

Yena yen'eva daani bhante Bhagavaa gamissati,||
tanninnaa va bhavissanti braahma.nagahapatikaa,||
ne gamaa ce va jaanapadaa ca.|| ||

seyyathaa pi bhante thullaphusitake deve vassante yathaaninna.m udakaani pavattanti,||
eva meva kho bhante yena yen'evadaani Bhagavaa gamissati,||
tanninnaa va bhavissanti braahma.nagahapatikaa negamaa ce va jaanapadaa ca.|| ||

Ta.m kissa hetu?|| ||

Tathaa hi bhante Bhagavato silapa~n~na.nanti.|| ||

Maaha.m Naagita yasena samaagama.m maa ca mayaa saso.|| ||

Yo kho Naagita,||
na yimassa nekkhammasukhassa pavivekasukhassa upasamasukhassa sambodhasukhassa nikaamalaabhii assa akicchalaabhii akasiralaabhii,||
yassaaha.m nekkhammasukhassa pavivekasukhassa upasamasukhassa sambodhasukhassa nikaamalaabhii akicchalaabhi akasiralaabhii,||
so ta.m mii'hasukha.m middhasukha.m laabhasakkaara silokasukha.m saadiyeyya ti.|| ||

Idhaa.m Naagita bhikkhu.m passaami gaamantavihaari.m [343] samaahita.m nisinna.m tassa mayha.m Naagita,||
eva.m hoti:||
"idaanima.m aayasmanta.m aaraamiko vaa sama.nuddeso vaa sahadhammiko vaa tamhaa samaadhimhaa caavessatii" ti.|| ||

Tenaaha.m Naagita tassa bhikkhuno na attamano homi gaamantavihaarena.|| ||

(2) Idha panaaha.m Naagita,||
bhikkhu.m passaami aara~n~naka.m ara~n~ne pacalaayamaana.m nisinna.m.|| ||

Tassa mayha.m Naagita eva.m hoti:||
"idaani ayamaayasmaa ima.m niddaakilamatha.m pa.tivinodetvaa ara~n~nasa~n~na.m yeva manasi karissati ekattanti.|| ||

Tenaaha.m Naagita tassa bhikkhuno attamano homi ara~n~navihaarena. (3) Idha panaaha.m Naagita bhikkhu.m passaami ara~n~naka.m ara~n~ne asamaahita.m nisinna.m.|| ||

Tassa mayha.m Naagita eva.m hoti:||
"idaani ayamaayasmaa asamaahita.m vaa citta.m samaadahi'ssati samaahita.m vaa citta.m anurakkhi'ssati" ti.|| ||

Tenaaha.m Naagita tassa bhikkhuno attamano homi ara~n~navihaarena.|| ||

(4) Idha panaaha.m Naagita,||
bhikkhu.m passaami aara~n~naka.m ara~n~ne samaahita.m nisinna.m.|| ||

Tassa mayha.m Naagita eva.m hoti:||
idaani ayamaayasmaa avimutta.m vaa citta.m vimocessati,||
vimutta.m vaa citta.m anurakkhi'ssatii" ti.|| ||

Tenaaha.m Naagita tassa bhikkhuno attamano homi ara~n~navihaarena.|| ||

(5) Idha panaaha.m Naagita bhikkhu.m passaami gaamantavihaari.m laabhi.m ciivara pi.n.dapaatasenaasanagilaanapaccayabhesajjaparikkhaaraana.m.|| ||

So ta.m laabhasakkaarasiloka.m nikaamayamaano ri~ncati pa.tisallaana.m,||
ri~ncati ara~n~ne vanapatthaani pantaani senaasanaani,||
gaaminigamaraajadhaani.m osaritvaa vaasa.m kappeti.|| ||

Tenaaha.m Naagita tassa bhikkhuno na attamano homi gaamantavihaarena.|| ||

(6) Idha panaaha.m Naagita bhikkhu.m passaami aara~n~naka.m laabhi.m ciivarapi.n.dapaatasenaasanagilaanapaccayabhesajjaparikkhaaraana.m.|| ||

So ta.m laabhasakkaarasiloka.m pa.tipa.naametvaa na ri~ncati pa.tisallaana.m,||
na ri~ncati ara.m yevanapatthaani pantaani senaasanaani.|| ||

Tenaaha.m Naagita tassa bhikkhuno attamano homi ara~n~navihaarena.|| ||

Yasmaaha.m Naagita samaye addhaanamaggapa.tipanno na ka~nci passaami purato vaa pacchato vaa,||
phaasu me Naagita tasmi.m samaye hoti antamaso uccaarapassaavakammaayaa" ti.|| ||

Devataa vaggo catuttho.

 


Contact:
E-mail
Copyright Statement