Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
V. Dhammika Vagga

Sutta 49

Khema Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tena kho pana samayena aayasmaa ca Khemo aayasmaa ca Sumano Saavattiya.m viharanti Andhavanasmi.m.|| ||

Atha kho aayasmaa ca Khemo aayasmaa ca Sumano yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinno kho aayasmaa Khemo Bhagavanta.m etad avoca:|| ||

Yo so bhante bhikkhu araha.m khii.naasavo vusitavaa katakara.niiyo ohitabhaaro anuppatta-sadattho parikkhii.nabhavasa.myojano sammada~n~naa vimutto,||
tassa na eva.m hoti "atthi me seyyoti vaa atthi me sadisoti vaa atthi me hiinoti vaa" ti.|| ||

Idamavocaayasmaa Khemo samanu~n~no satthaa ahosi.|| ||

Atha kho aayasmaa Khemo samanu~n~no me satthaati u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho aayasmaa Sumano acirapakkante aayasmante kheme Bhagavanta.m etad avoca:|| ||

"Yo so bhante bhikkhu araha.m khii.naasavo vusitavaa katakara.niiyo ohitabhaaro anuppatta-sadattho parikkhii.nabhavasa.myojano sammada~n~naa vimutto,||
tassa na eva.m hoti "n'atthi me seyyoti vaa,||
n'atthi me sadisoti vaa,||
n'atthi me hiinoti vaa" ti.|| ||

Idam avocaa yasmaa Sumano samanu~n~no satthaa ahosi.|| ||

Atha kho aayasmaa Sumano samanu~n~no me satthaati u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho Bhagavaa acirapakkante aayasmante ca kheme aayasmante ca sumane bhikkhuu aamentasi:||
eva.m kho bhikkhave kulaputtaa a~n~na.m vyaakaronti,||
attho ca vutto,||
attaa ca anupaniito.|| ||

Atha ca pana idh'ekacce moghapurisaa hasamaanakaa ma~n~ne a~n~na.m vyaakarontii ti.|| ||

Te pacchaa vighaata.m aapajjantii ti.|| ||

Na ussesu na omesu samatte nopaniiyare||
Khii.naa sa~njaati vusita.m brahmacariya.m caranti||
Sa~n~nojanavippamuttaa ti.|| ||

 


Contact:
E-mail
Copyright Statement