Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
V. Dhammika Vagga

Sutta 50

Indriya Sa'nvara Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Indriya-sa'nvare bhikkhave asati||
indriya-sa'nvara-vipannassa hat'uupanisa.m hoti siila.m.|| ||

Siile asati||
siila-vipannassa hat'uupaniso hoti sammaa-samaadhi.|| ||

Sammaa-samaadhimhi asati||
sammaa-samaadhi-vipannassa hat'upanisa.m hoti yathaabhuuta ~naa.na-dassana.m.|| ||

Yathaabhuuta ~naa.na-dassane asati||
yathaabhuuta ~naa.na-dassana-vipannassa hat'upaniso hoti nibbidaa-viraago.|| ||

Nibbidaa-viraage asati||
nibbidaa-viraaga-vipannassa hat'upanisa.m hoti vimutti-~naa.na-dassana.m.|| ||

Seyyathaa pi, bhikkhave, rukkho saakhaapalaasavipanno,||
tassa papa.tikaa pi na paaripuuri.m gacchati,||
taco pi na paaripuuri.m gacchati,||
pheggu pi na paaripuuri.m gacchati,||
saaro pi na paaripuuri.m gacchati.|| ||

Evam eva kho, bhikkhave, indriya sa'nvare asati||
indriya-sa'nvara-vipannassa hat'uupanisa.m hoti siila.m;||
siile asati||
siila-vipannassa hat'uupaniso hoti sammaa-samaadhi;||
sammaa-samaadhimhi asati||
sammaa-samaadhi-vipannassa hat'upanisa.m hoti yathaabhuuta ~naa.na-dassana.m;||
yathaabhuuta ~naa.na-dassane asati||
yathaabhuuta ~naa.na-dassana-vipannassa hat'upaniso hoti nibbidaa-viraago;||
nibbidaa-viraage asati||
nibbidaa-viraaga-vipannassa hat'upanisa.m hoti vimutti-~naa.na-dassana.m.|| ||

 


 

Indriya-sa'nvare bhikkhave sati||
indriya-sa'nvara-sampannassa||
upanisa-sampanna.m hoti siila.m.|| ||

Siile sati||
siila-sampannassa||
upanisa-sampanno hoti sammaa-samaadhi.|| ||

Sammaa-samaadhimhi sati||
sammaa-samaadhi-sampannassa||
upanisa-sampanna.m hoti yathaabhuuta ~naa.na-dassana.m.|| ||

Yathaabhuuta ~naa.na-dassane sati||
yathaabhuuta ~naa.na-dassana-sampannassa||
upanisa-sampanno hoti nibbidaa-viraago.|| ||

Nibbidaa-viraage sati||
nibbidaa-viraaga-sampannassa||
upanisa-sampanna.m hoti vimutti-~naa.na-dassana.m.|| ||

Seyyathaa pi, bhikkhave, rukkho saakhaapalaasasampanno,||
tassa papa.tikaa pi paaripuri.m gacchati,||
taco pi paaripuuri.m gacchati,||
pheggu pi paaripuuri.m gacchati,||
saaro pi paaripuuri.m gacchati.|| ||

Evam eva kho, bhikkhave, indriya-sa'nvare sati||
indriya-sa'nvara-sampannassa||
upanisa-sampanna.m hoti siila.m;||
siile sati||
siila-sampannassa||
upanisa-sampanno hoti sammaa-samaadhi;||
sammaa-samaadhimhi sati||
sammaa-samaadhi-sampannassa||
upanisa-sampanna.m hoti yathaabhuuta ~naa.na-dassana.m;||
yathaabhuuta ~naa.na-dassane sati||
yathaabhuuta ~naa.na-dassana-sampannassa||
upanisa-sampanno hoti nibbidaa-viraago;||
nibbidaa-viraage sati||
nibbidaa-viraaga-sampannassa||
upanisa-sampanna.m hoti vimutti-~naa.na-dassana.m.|| ||

 


Contact:
E-mail
Copyright Statement