Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
VI. Mahaa Vagga

Sutta 63

Mahaavagga

Nibbedhika sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][ati][bd][1] Nibbedhikapariyaaya.m vo bhikkhave dhamma-pariyaaya.m desissaami,||
ta.m su.naatha, saadhuka.m manasikarotha,||
bhaasissaamii ti.|| ||

'Eva.m bhante' ti kho te bhikkhuu Bhagavato paccassosu.m.|| ||

Bhagavaa etad avoca:|| ||

[2][pts][ati][bd]Katamo ca so bhikkhave nibbedhikapariyaayo dhamma-pariyaayo?|| ||

Kaamaa bhikkhave veditabbaa,||
kaamaana.m nidaanasambhavo veditabbo,||
kaamaana.m vemattataa veditabbaa,||
kaamaana.m vipaako veditabbo,||
kaamanirodho veditabbo,||
kaamanirodhagaaminiipa.tipadaa veditabbaa.|| ||

Vedanaa bhikkhave veditabbaa,||
vedanaana.m nidaanasambhavo veditabbo,||
vedanaana.m vemattataa veditabbaa,||
vedanaana.m vipaako veditabbo,||
vedanaanirodho veditabbo,||
vedanaanirodhagaaminiipa.tipadaa veditabbaa.|| ||

Sa~n~naa bhikkhave veditabbaa,||
sa~n~naana.m nidaanasambhavo veditabbo,||
sa~n~naana.m vemattataa veditabbaa,||
sa~n~naana.m vipaako veditabbo,||
sa~n~naanirodho veditabbo,||
sa~n~naanirodhagaaminiipa.tipadaa veditabbaa.|| ||

Aasavaa bhikkhave veditabbaa,||
aasavaana.m nidaanasambhavo veditabbo,||
aasavaana.m vemattataa veditabbaa,||
aasavaana.m vipaako veditabbo,||
aasavanirodho veditabbo,||
aasavanirodhagaaminiipa.tipadaa veditabbaa.|| ||

Kamma.m bhikkhave veditabbaa,||
kammaana.m nidaanasambhavo veditabbo,||
kammaana.m vemattataa veditabbaa,||
kammaana.m vipaako veditabbo,||
kammanirodho veditabbo,||
kammanirodhagaaminiipa.tipadaa veditabbaa.|| ||

Dukkha.m bhikkhave veditabbaa,||
dukkhassa nidaanasambhavo veditabbo,||
dukkhassa vemattataa veditabbaa,||
dukkhassa vipaako veditabbo,||
dukkhanirodho veditabbo,||
dukkhanirodhagaaminiipa.tipadaa veditabbaa.|| ||

 

§

 

[3][pts][ati][bd]"Kaamaa bhikkhave veditabbaa,||
kaamaana.m nidaanasambhavo veditabbo,||
kaamaana.m vemattataa veditabbaa,||
kaamaana.m vi- [411] paako veditabbo,||
kaamanirodho veditabbo,||
kaamanirodhagaaminiipa.tipadaa veditabbaa" ti.||
Iti kho pan'eta.m vutta.m.||
Ki~n c'eta.m pa.ticca vutta.m?|| ||

Pa~nc'ime bhikkhave kaamagu.naa:||
cakkhuvi~n~neyyaa ruupaa||
i.t.thaa kantaa manaapaa piyaruupaa kaamuupasa.mhitaa rajaniyaa.||
Sotavi~n~neyyaa saddaa||
i.t.thaa kantaa manaapaa piya saddaa kaamupasa.mhitaa rajaniiyaa.||
Ghaanavi~n~neyyaa gandhaa||
i.t.thaa kantaa manaapaa piya kandhaa kaamuupasa.mhitaa rajaniyaa.||
Jivhaavi~n~neyyaa rasaa||
i.t.thaa kantaa manaapaa piyarasaa kaamupasa.mhitaa rajaniyaa.||
Kaayavi~n~neyyaa pho.t.thabbaa||
i.t.thaa kantaa manaapaa piyaruupaa kaamupasa.mhitaa rajaniyaa.||
Api ca kho bhikkhave n'ete kaamaa,||
kaamagu.naa naam'ete ariyassa vinaye vuccanti.|| ||

Sa'nkapparaago purisassa kaamo.||
N'ete kaamaa yaani citraani loke.||
Sa'nkapparaago purisassa kaamo.||
Ti.t.thanti citraani tath'eva loke.||
Ath'ettha dhiiraa vinayanti chandan ti.|| ||

[4][pts][ati][bd]Katamo ca bhikkhave kaamaana.m nidaanasambhavo?|| ||

Phasso bhikkhave kaamaana.m nidaanasambhavo.|| ||

Katamaa ca bhikkhave kaamaana.m vemattataa?|| ||

A~n~no bhikkhave kaamo ruupesu,||
a~n~no kaamo saddesu,||
a~n~no kaamo gandhesu,||
a~n~no kaamo rasesu,||
a~n~no kaamo pho.t.thabbesu.|| ||

Aya.m vuccati bhikkhave kaamaana.m vemattataa.|| ||

Katamo ca bhikkhave kaamaana.m vipaako?|| ||

Ya.m kho bhikkhave kaamayamaano tajja.m tajja.m attabhaava.m abhinibbatteti pu~n~nabhaagiya.m vaa apu~n~nabhaagiya.m vaa.|| ||

Aya.m vuccati bhikkhave kaamaana.m vipaako.|| ||

Katamo ca bhikkhave kaamanirodho?|| ||

Phassanirodho bhikkhave kaamanirodho.|| ||

Ayam'eva ariyo aa.t.tha'ngiko maggo kaamanirodhagaaminiipa.tipadaa, seyyath'ida.m:||
sammaadi.t.thi||
sammaasa'nkappo||
sammaavaacaa||
sammaa- [412] kammanto||
sammaa aajivo||
sammaayaamo||
sammaasati||
sammaasamaadhi.|| ||

Yato ca kho bhikkhave ariyasaavako eva.m kaame pajaanaati,||
eva.m kaamaana.m nidaanasambhava.m pajaanaati,||
eva.m kaamaana.m vemattata.m pajaanaati,||
eva.m kaamaana.m vipaaka pajaanaati,||
eva.m kaamaana.m nirodha.m paajaanaati,||
eva.m kaamaana.m nirodhagaaminipa.tipada.m pajaanaati,||
so ima.m nibbedhika.m brahmacariya.m pajaanaati kaamanirodha.m.|| ||

"Kaamaa bhikkhave veditabbaa,||
kaamaana.m nidaanasambhavo veditabbo,||
kaamaana.m vemattataa veditabbaa,||
kaamaana.m vipaako veditabbo,||
kaamanirodho veditabbo,||
kaamanirodhagaaminiipa.tipadaa veditabbaa ti.||
Iti yan ta.m vutta.m.||
Idam eta.m pa.ticca vutta.m.|| ||

 

§

 

[5][pts][ati][bd]"Vedanaa bhikkhave veditabbaa,||
vedanaana.m nidaanasambhavo veditabbo,||
vedanaana.m vemattataa veditabbaa,||
vedanaana.m vipaako veditabbo,||
vedanaanirodho veditabbo,||
vedanaanirodhagaaminiipa.tipadaa veditabbaa" ti.||
Iti kho pan'eta.m vutta.m.||
Ki~n c'eta.m pa.ticca vutta.m?|| ||

Tisso imaa bhikkhave vedanaa,||
sukhaa vedanaa||
dukkhaa vedanaa||
adukkhamasukhaa vedanaa.|| ||

[6][pts][ati][bd]Katamo ca bhikkhave vedanaana.m nidaanasambhavo?|| ||

Phasso bhikkhave vedanaana.m nidaanasambhavo.|| ||

Katamaa ca bhikkhave vedanaana.m vemattataa?|| ||

Atthi bhikkhave saamisaa sukhaa vedanaa,||
atthi niraamisaa sukhaa vedanaa,||
atthi saamisaa dukkhaa vedanaa||
atthi niraamisaa dukkhaa vedanaa,||
atti saamisaa adukkhamasukhaa vedanaa,||
atthi niraamisaa adukkhamasukhaa vedanaa.|| ||

Aya.m vuccati bhikkhave vedanaana.m vemattataa.|| ||

Katamo ca bhikkhave vedanaana.m vipaako?|| ||

Ya.m bhikkhave vediyamaano tajja.m tajja.m attabhaava.m abhinibbatteti pu~n~nabhaagiya.m vaa apu~n~nabhaagiya.m vaa.|| ||

Aya.m vuccati bhikkhave vedanaana.m vipaako.|| ||

Katamo ca bhikkhave vedanaanirodho?|| ||

Phassanirodho bhikkhave vedanaanirodho.|| ||

Ayam'eva ariyo aa.t.tha'ngiko maggo vedanaanirodhagaaminiipa.tipadaa, seyyath'ida.m:||
sammaadi.t.thi||
sammaasa'nkappo||
sammaavaacaa||
sammaa-kammanto||
sammaa aajivo||
sammaayaamo||
sammaasati||
sammaasamaadhi.|| ||

Yato ca kho bhikkhave ariyasaavako eva.m vedana.m pajaanaati,||
eva.m vedanaanam nidaanasambhava.m pajaanaati,||
eva.m veda- [413] naana.m vemattata.m pajaanaati.m,||
eva.m vedanaana.m vipaaka.m pajaanaati,||
eva.m vedanaana.m nirodha.m1 paajaanaati,||
eva.m vedanaanirodhagaamini.m pa.tipada.m pajaanaati,||
so ima.m nibbedhika.m brahmacariya.m pajaanaati vedanaanirodha.m.|| ||

"Vedanaa bhikkhave veditabbaa,||
vedanaana.m nidaanasambhavo veditabbo,||
vedanaana.m vemattataa veditabbaa,||
vedanaana.m vipaako veditabbo,||
vedanaanirodho veditabbo,||
vedanaanirodhagaaminiipa.tipadaa veditabbaa ti.||
Iti yan ta.m vutta.m.||
Idam eta.m pa.ticca vutta.m.|| ||

 

§

 

[7][pts][ati][bd]"Sa~n~naa bhikkhave veditabbaa,||
sa~n~naana.m nidaanasambhavo veditabbo,||
sa~n~naana.m vemattataa veditabbaa,||
sa~n~naana.m vipaako veditabbo,||
sa~n~naanirodho veditabbo,||
sa~n~naanirodhagaaminiipa.tipadaa veditabbaa" ti.||
Iti kho pan'eta.m vutta.m.||
Ki~n c'eta.m pa.ticca vutta.m?|| ||

Cha yimaa bhikkhave sa~n~naa:||
ruupasa~n~naa||
saddasa~n~naa||
gandhasa~n~naa||
rasasa~n~naa||
pho.t.thabbasa~n~naa||
dhammaasa~n~naa.|| ||

[8][pts][ati][bd]Katamo ca bhikkhave sa~n~naana.m nidaanasambhavo?|| ||

Phasso bhikkhave sa~n~naana.m nidaanasambhavo.|| ||

Katamaa ca bhikkhave sa~n~naana.m vemattataa?|| ||

A~n~naa bhikkhave sa~n~naa ruupesu,||
a~n~naa sa~n~naa saddesu,||
a~n~naa sa~n~naa gandhesu,||
a~n~naa sa~n~naa rasesu,||
a~n~naa sa~n~naa pho.t.thabbesu,||
a~n~naa sa~n~naa dhammesu.|| ||

Aya.m vuccati bhikkhave sa~n~naana.m vemattataa.|| ||

Katamo ca bhikkhave sa~n~naana.m vipaako?|| ||

Vohaara cepakkaaha.m bhikkhave sa~n~na.m vadaami.||
Yathaa yathaa na.m sa~njaanaati,||
tathaa tathaa voharati eva.m sa~n~ni ahosinti.|| ||

Aya.m vuccati bhikkhave sa~n~naana.m vipaako.|| ||

Katamo ca bhikkhave sa~n~naanirodho?|| ||

Phassanirodho bhikkhave sa~n~naanirodho.|| ||

Ayam'eva ariyo aa.t.tha'ngiko maggo sa~n~naanirodhagaaminiipa.tipadaa, seyyath'ida.m:||
sammaadi.t.thi||
sammaasa'nkappo||
sammaavaacaa||
sammaakammanto||
sammaa aajivo||
sammaayaamo||
sammaasati||
sammaasamaadhi.|| ||

Yato ca kho bhikkhave ariyasaavako eva.m sa~n~na.m pajaanaati,||
eva.m sa~n~naana.m nidaanasambhava.m pajaanaati,||
eva.m sa~n~naana.m [414] vemattata.m pajaanaati,||
eva.m sa~na~nona.m vipaaka.m pajaanaati,||
eva.m sa~n~naaniirodha.m pajaanaati,||
eva.m sa~n~naanirodhagaamini.m pa.tipada.m pajaanaati,||
so ima.m nibbodhika.m brahmacariya.m pajaanaati sa~n~naanirodha.m.|| ||

"Sa~n~naa bhikkhave veditabbaa,||
sa~n~naana.m nidaanasambhavo veditabbo,||
sa~n~naana.m vemattataa veditabbaa,||
sa~n~naana.m vipaako veditabbo,||
sa~n~naanirodho veditabbo,||
sa~n~naanirodhagaaminiipa.tipadaa veditabbaa ti.||
Iti yan ta.m vutta.m.||
Idam eta.m pa.ticca vutta.m.|| ||

 

§

 

[9][pts][ati][bd]"Aasavaa bhikkhave veditabbaa,||
aasavaana.m nidaanasambhavo veditabbo,||
aasavaana.m vemattataa veditabbaa,||
aasavaana.m vipaako veditabbo,||
aasavanirodho veditabbo,||
aasavanirodhagaaminiipa.tipadaa veditabbaa" ti.||
Iti kho pan'eta.m vutta.m.||
Ki~n c'eta.m pa.ticca vutta.m?|| ||

Tayo me bhikkhave aasavaa:||
kaamaasavo||
bhavaasavo||
avijjaasavo.|| ||

[10][pts][ati][bd]Katamo ca bhikkhave asavaana.m nidaana sambhavo?|| ||

Avijjaa bhikkhave aasavaana.m nidaanasambhavo.|| ||

Katamaa ca bhikkhave aasavaana.m vemattataa?|| ||

Atthi bhikkhave aasavaa nirayagaaminiyaa,||
atthi aasavaa tiracchaanayonigaaminiyaa,||
atthi aasavaa pettivisayagaaminiyaa,||
atthi aasavaa manussalokagaaminiyaa,||
atthi aasavaa devalokagaaminiyaa.|| ||

Aya.m vuccati bhikkhave aasavaana.m vemattataa.|| ||

Katamo ca bhikkhave aasavaana.m vipaako?|| ||

Ya.m kho bhikkhave avijjaagato tajja.m tajja.m attabhaava.m abhinibbatteti pu~n~nabhaagiya.m vaa apu~n~nabhaagiya.m vaa.|| ||

Aya.m vuccati bhikkhave aasavaana.m vipaako.|| ||

Katamo ca bhikkhave aasavanirodho?|| ||

Avijjaanirodho bhikkhave aasavanirodho.|| ||

Ayam'eva ariyo aa.t.tha'ngiko maggo aasavanirodhagaaminiipa.tipadaa, seyyath'ida.m:||
sammaadi.t.thi||
sammaasa'nkappo||
sammaavaacaa||
sammaakammanto||
sammaa aajivo||
sammaayaamo||
sammaasati||
sammaasamaadhi.|| ||

Yato ca ko bhikkhave ariyasaavako eva.m aasave pajaanaati,||
eva.m aasavana.m nidaanasambhava.m pajaanaati,||
eva.m asavaana.m vemattata.m pajaanaati,||
eva.m eva.m aasavaana.m vemattata.m pajaanaati,||
eva.m aasavaana.m vipaaka.m pajaanaati,||
eva.m aasavanirodha.m pajaanaati,||
eva.m aasavanirodhagaamini.mpa.tipada.m pajaanaati,||
so ima.m nibbadhika.m brahmacariya.m pajaanaati aasavanirodha.m.|| ||

[415] "Aasavaa bhikkhave veditabbaa,||
aasavaana.m nidaanasambhavo veditabbo,||
aasavaana.m vemattataa veditabbaa,||
aasavaana.m vipaako veditabbo,||
aasavanirodho veditabbo,||
aasavanirodhagaaminiipa.tipadaa veditabbaa ti.||
Iti yan ta.m vutta.m.||
Idam eta.m pa.ticca vutta.m.|| ||

 

§

 

[11][pts][ati][bd]"Kamma.m bhikkhave veditabbaa,||
kammaana.m nidaanasambhavo veditabbo,||
kammaana.m vemattataa veditabbaa,||
kammaana.m vipaako veditabbo,||
kammanirodho veditabbo,||
kammanirodhagaaminiipa.tipadaa veditabbaa" ti.||
Iti kho pan'eta.m vutta.m.||
Ki~n c'eta.m pa.ticca vutta.m?|| ||

Cetanaaha.m bhikkhave kamma.m vadaami,||
cetayitvaa kamma.m karoti kaayena vaacaaya manasaa.|| ||

[12][pts][ati][bd]Katamo ca bhikkhave kammaana.m nidaanasambhavo?|| ||

Phasso bhikkhave kammaana.m nidaanambhavo.|| ||

Katamaa ca bhikkhave kammaana.m vemattataa?|| ||

Atthi bhikkhave kamma.m nirayavedaniya.m,||
atthi kamma.m tiracchaanayonigaaminiyaa,||
atti kamma.m pettivisayavedaniya.m,||
atthi kamma.m manussalokavedaniya.m,||
atthi kamma.m devalokavedaniya.m.|| ||

Aya.m vuccati bhikkhave kammaana.m vemattataa.|| ||

Katamo ca bhikkhave kammaana.m vipaako?|| ||

Tividhaaha.m bhikkhave kammaana.m vipaaka.m vadaami:||
di.t.thevaa dhamme,||
upajje vaa,||
apare vaa pariyaaye.|| ||

Aya.m vuccati bhikkhave kammaana.m vipaako.|| ||

Katamo ca bikkhave kammanirodho?|| ||

Phassanirodho bhikkhave kammanirodho.|| ||

Ayam'eva ariyo aa.t.tha'ngiko maggo kammanirodhagaaminiipa.tipadaa, seyyath'ida.m:||
sammaadi.t.thi||
sammaasa'nkappo||
sammaavaacaa||
sammaakammanto||
sammaa aajivo||
sammaayaamo||
sammaasati||
sammaasamaadhi.|| ||

Yato ca kho bhikkhave ariyasaavako eva.m kamma.m pajaanaati,||
eva.m kammaana nidaanasambhava.m pajaanaati,||
eva.m kammaana.m vemattata.m pajaanaati,||
eva.m kammaana.m vipaaka.m pajaanaati,||
eva.m kammanirodha.m pajaanaati,||
eva.m kammanirodhagaamini pa.tipada.m pajaanaati,||
so ima.m nibbodhika.m brahmacariya.m pajaanaati kammanirodha.m.|| ||

"Kamma.m bhikkhave veditabbaa,||
kammaana.m nidaanasambhavo veditabbo,||
kammaana.m vemattataa veditabbaa,||
kammaana.m vipaako veditabbo,||
kammanirodho veditabbo,||
[416] kammanirodhagaaminiipa.tipadaa veditabbaa ti.||
Iti yan ta.m vutta.m.||
Idam eta.m pa.ticca vutta.m.|| ||

 

§

 

[13][pts][ati][bd]"Dukkha.m bhikkhave veditabbaa,||
dukkhassa nidaanasambhavo veditabbo,||
dukkhassa vemattataa veditabbaa,||
dukkhassa vipaako veditabbo,||
dukkhanirodho veditabbo,||
dukkhanirodhagaaminiipa.tipadaa veditabbaa" ti.||
Iti kho pan'eta.m vutta.m.||
Ki~n c'eta.m pa.ticca vutta.m?|| ||

Jaati pi dukkhaa||
jaraa pi dukkhaa||
vyaadhi pi dukkho||
mara.nam pi dukkha.m||
soka paridevadukkhadomanassupayaasaa pi dukkhaa||
yamp'iccha.m na labhati tam pi dukkha.m,||
sa'nkhittena pa~ncupaadaanakkhandhaa dukkhaa.|| ||

[14][pts][ati][bd]Katamo ca bhikkhave dukkhassa nidaanasambhavo?|| ||

Ta.nhaa bhikkhave dukkhassa nidaanasambhavo.|| ||

Katamaa va bhikkhave dukkhassa vemattataa?|| ||

Atthi bhikkhave dukkha.m adhimatta.m,||
atthi paritta.m,||
atthi dandhaviraagii||
atti khippaviraagii.|| ||

Aya.m vuccati bhikkhave dukkhassa vemattataa.|| ||

Katamo ca bhikkhave dukkhassa vipaako?|| ||

Idha, bhikkhave, ekacco yena dukkhena ahibhuuto pariyaadinnaCitto socati kilamati paridevati urattaa'i kandati sammoha.m aapajjati,||
yena vaa pana dukkhena abhibhuuto pariyaadinnaCitto bahiddhaa pariye.t.thi.m aapajjati||
"Ko ekapada.m dvipada.m jaanaati imassa dukkhassa nirodhaayaa" ti.|| ||

Sammohavepakka.m vaaha.m bhikkhave||
dukkha.m vadaami pariye.t.thivepakka.m vaa.|| ||

Aya.m vuccati bhikkhave dukkhassa vipaako.|| ||

Katamo ca bhikkhave dukkhanirodho?|| ||

Ta.nhaanirodho bhikkhave dukkhanirodho.|| ||

Ayam'eva ariyo aa.t.tha'ngiko maggo dukkhanirodhagaaminiipa.tipadaa, seyyath'ida.m:||
sammaadi.t.thi||
sammaasa'nkappo||
sammaavaacaa||
sammaakammanto||
sammaa aajivo||
sammaayaamo||
sammaasati||
sammaasamaadhi.|| ||

Yato ca kho bhikkhave ariyasaavako eva.m dukkha.m pajaanaati,||
[417] eva.m dukkhassa nidaana Sambhava.m pajaanaati,||
eva.m dukkhassa vemattata.m pajaanaati,||
eva.m dukkhassa vipaaka.m pajaanaati,||
eva.m dukkhanirodha.m pajaanaati,||
eva.m dukkhanirodhagaamini.m pa.tipada.m pajaanaati,||
so ima.m nibbedhika.m brahmacariya.m pajaanaati dukkhanirodha.m.|| ||

"Dukkha.m bhikkhave veditabbaa,||
dukkhassa nidaanasambhavo veditabbo,||
dukkhassa vemattataa veditabbaa,||
dukkhassa vipaako veditabbo,||
dukkhanirodho veditabbo,||
dukkhanirodhagaaminiipa.tipadaa veditabbaa" ti.||
Iti yan ta.m vutta.m,||
Idam eta.m pa.ticca vutta.m.|| ||

Aya.m so kho bhikkhave nibbadhikapariyaayo dhamramapariyaayo ti.|| ||

 


[1]No nidana in PTS. The previous sutta is located in Kosala, BJT has it as given in Savatthi.

 


Contact:
E-mail
Copyright Statement