Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
VII. Devataa Vagga

Sutta 70

Samaadhi Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "So vata bhikkhave bhikkhuu||
na santena samaadhinaa||
na pa.niitena||
na pa.tippassaddhiladdhena||
na ekodiibhaavaadhigatena -|| ||

Aneka-vihita.m iddhividha.m paccanubhoti:||
eko, pi hutvaa bahudhaa hoti,||
bahudhaa pi hutvaa eko hoti,||
aaviibhaava.m tirobhaava.m tiroku.d.da.m tiropaakaara.m tiropabbata.m asajjamaano gacchati seyyathaa pi aakaase.|| ||

Pa.thaviyaa pi ummujjanimujja.m karoti seyyathaa pi udake.|| ||

Udake pi abhejjamaane1 gacchati seyyathaa pi pa.thaviya.m.|| ||

Aakaase pi palla'nkena kamati seyyathaa pi pakkhiisaku.no.|| ||

Ime pi candimasuriye eva.m mahiddhike eva.m mahaanubhaave paa.ninaa paraamasati parimajjati.|| ||

Yaava brahmalokaa, pi kaayena vasa.m vatteti,|| ||

n'eta.m .thaana.m vijjati;|| ||

Dibbaaya sotadhaatuyaa visuddhaaya atikkantamaanusakaaya ubho sadde su.naati dibbe ca maanuse ca yeca dure santike ca,|| ||

n'eta.m .thaana.m vijjati;|| ||

Parasattaana.m parapuggalaana.m cetasaa ceto paricca pajaanaati:|| ||

"Saraaga.m vaa citta.m saraaga.m cittanti pajaanaati,||
viitaraaga.m vaa citta.m viitaraaga.m cittanti pajaanaati,||
sadosa.m vaa citta.m sadosa.m cittanti pajaanaati,||
viitadosa.m vaa citta.m viitadosa.m cittanti pajaanaati,||
samoha.m vaa citta.m samoha.m cittanti pajaanaati,||
viitamoha.m vaa citta.m viitamoha.m cittanti pajaanaati,||
sa'nkhitta.m vaa citta.m sa'nkhitta.m cittanti pajaanaati,||
vikkhitta.m vaa citta.m vikkhitta.m cittanti pajaanaati,||
mahaggata.m vaa citta.m mahaggata.m cittanti pajaanaati,||
amahaggata.m vaa citta.m amahaggata.m cittanti pajaanaati,||
sa-uttara.m vaa citta.m sa-uttara.m cittanti pajaanaati,||
anuttara.m vaa citta.m anuttara.m cittanti pajaanaati,||
samaahita.m vaa citta.m samaahita.m cittanti pajaanaati,||
asamaahita.m vaa citta.m asamaahita.m cittanti pajaanaati,||
vimutta.m vaa citta.m vimutta.m cittanti pajaanaati,||
avimutta.m vaa citta.m avimutta.m cittanti pajaanaati,|| ||

n'eta.m .thaana.m vijjati;|| ||

Aneka vihita.m pubbenivaasa.m anussarati||
seyyathiida.m:||
ekam pi jaati.m||
dve pi jaatiyo||
tisso pi jaatiyo||
catasso pi jaatiyo||
pa~nca pi jaatiyo||
dasa pi jaatiyo||
viisam pi jaatiyo||
ti.msam pi jaatiyo||
cattaariisam pi jaatiyo||
pa~n~naasam pi jaatiyo,||
jaati satam pi jaati-sahassam pi jaati-sata-sahassam pi,||
aneke pi sa.mva.t.takappe,||
aneke pi viva.t.takappe,||
aneke pi sa.mva.t.ta-viva.t.takappe:||
amutraasi.m eva.m-naamo||
eva.m gotto||
eva.m-va.n.no||
evam-aahaaro||
eva.m suka-dukkha-pa.tisa.mvedii||
evam-aayu-pariyanto,||
so tato cuto idhuupapanno' ti.|| ||

Iti saakaara.m sa-uddesa.m aneka-vihita.m pubbenivaasa.m anussara" ti,|| ||

n'eta.m .thaana.m vijjati;|| ||

Dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate,||
yathaakammupage satte pajaanaati:|| ||

'Ime vata bhonto sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchaadi.t.thikaa micchaadi.t.thikammasamaadaanaa,||
te kaayassa bhedaa param mara.naa apaaya.m duggati.m vinipaata.m niraya.m upapannaa.|| ||

Ime vaa pana bhonto sattaa kaaya sucaritena samannaagataa vaviisucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa,||
te kaayassa bhedaa param mara.naa sugati.m sagga.m loka.m upapannaa' ti.|| ||

Iti dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate,||
yathaakammuupage satte pajaanaati,|| ||

n'eta.m .thaana.m vijjati;|| ||

Aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati,|| ||

n'eta.m .thaana.m vijjati.|| ||

 


 

2. "So vata bhikkhave bhikkhuu||
santena samaadhinaa||
pa.niitena||
pa.tippassaddhiladdhena||
ekodiibhaavaadhigatena -|| ||

Aneka-vihita.m iddhividha.m paccanubhoti:||
eko, pi hutvaa bahudhaa hoti,||
bahudhaa pi hutvaa eko hoti,||
aaviibhaava.m tirobhaava.m tiroku.d.da.m tiropaakaara.m tiropabbata.m asajjamaano gacchati seyyathaa pi aakaase.|| ||

Pa.thaviyaa pi ummujjanimujja.m karoti seyyathaa pi udake.|| ||

Udake pi abhejjamaane1 gacchati seyyathaa pi pa.thaviya.m.|| ||

Aakaase pi palla'nkena kamati seyyathaa pi pakkhiisaku.no.|| ||

Ime pi candimasuriye eva.m mahiddhike eva.m mahaanubhaave paa.ninaa paraamasati parimajjati.|| ||

Yaava brahmalokaa, pi kaayena vasa.m vatteti,|| ||

.thaana me ta.m vijjati;

Dibbaaya sotadhaatuyaa visuddhaaya atikkantamaanusakaaya ubho sadde su.naati dibbe ca maanuse ca yeca dure santike ca,|| ||

.thaana me ta.m vijjati;

Parasattaana.m parapuggalaana.m cetasaa ceto paricca pajaanaati:|| ||

"Saraaga.m vaa citta.m saraaga.m cittanti pajaanaati,||
viitaraaga.m vaa citta.m viitaraaga.m cittanti pajaanaati,||
sadosa.m vaa citta.m sadosa.m cittanti pajaanaati,||
viitadosa.m vaa citta.m viitadosa.m cittanti pajaanaati,||
samoha.m vaa citta.m samoha.m cittanti pajaanaati,||
viitamoha.m vaa citta.m viitamoha.m cittanti pajaanaati,||
sa'nkhitta.m vaa citta.m sa'nkhitta.m cittanti pajaanaati,||
vikkhitta.m vaa citta.m vikkhitta.m cittanti pajaanaati,||
mahaggata.m vaa citta.m mahaggata.m cittanti pajaanaati,||
amahaggata.m vaa citta.m amahaggata.m cittanti pajaanaati,||
sa-uttara.m vaa citta.m sa-uttara.m cittanti pajaanaati,||
anuttara.m vaa citta.m anuttara.m cittanti pajaanaati,||
samaahita.m vaa citta.m samaahita.m cittanti pajaanaati,||
asamaahita.m vaa citta.m asamaahita.m cittanti pajaanaati,||
vimutta.m vaa citta.m vimutta.m cittanti pajaanaati,||
avimutta.m vaa citta.m avimutta.m cittanti pajaanaati,|| ||

.thaana me ta.m vijjati;

Aneka vihita.m pubbenivaasa.m anussarati||
seyyathiida.m:||
ekam pi jaati.m||
dve pi jaatiyo||
tisso pi jaatiyo||
catasso pi jaatiyo||
pa~nca pi jaatiyo||
dasa pi jaatiyo||
viisam pi jaatiyo||
ti.msam pi jaatiyo||
cattaariisam pi jaatiyo||
pa~n~naasam pi jaatiyo,||
jaati satam pi jaati-sahassam pi jaati-sata-sahassam pi,||
aneke pi sa.mva.t.takappe,||
aneke pi viva.t.takappe,||
aneke pi sa.mva.t.ta-viva.t.takappe:||
amutraasi.m eva.m-naamo||
eva.m gotto||
eva.m-va.n.no||
evam-aahaaro||
eva.m suka-dukkha-pa.tisa.mvedii||
evam-aayu-pariyanto,||
so tato cuto idhuupapanno' ti.|| ||

Iti saakaara.m sa-uddesa.m aneka-vihita.m pubbenivaasa.m anussara" ti,|| ||

.thaana me ta.m vijjati;

Dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate,||
yathaakammupage satte pajaanaati:|| ||

'Ime vata bhonto sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchaadi.t.thikaa micchaadi.t.thikammasamaadaanaa,||
te kaayassa bhedaa param mara.naa apaaya.m duggati.m vinipaata.m niraya.m upapannaa.|| ||

Ime vaa pana bhonto sattaa kaaya sucaritena samannaagataa vaviisucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa,||
te kaayassa bhedaa param mara.naa sugati.m sagga.m loka.m upapannaa' ti.|| ||

Iti dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate,||
yathaakammuupage satte pajaanaati,|| ||

.thaana me ta.m vijjati;

Aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati,|| ||

.thaana me ta.m vijjati.

 


Contact:
E-mail
Copyright Statement