Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
IX. Siiti Vagga

Sutta 85

Siitibhaava Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Chahi bhikkhave dhammehi samannaagato bhikkhuu abhabbo anuttara.m siitibhaava.m sacchikaatu.m.|| ||

Katame chahi?|| ||

Idha, bhikkhave, bhikkhuu yasmi.m samaye citta.m niggahetabba.m,||
tasmi.m samaye citta.m na nigga.nhaati.|| ||

Yasmi.m samaye citta.m paggahetabba.m,||
tasmi.m samaye citta.m na pagga.nhaati,||
yasmi.m samaye citta.m sampaha.msitabba.m,||
tasmi.m samaye citta.m na sampaha.msati,||
yasmi.m samaye citta.m ajjhupekkhitabba.m,||
tasmi.m samaye citta.m na ajjhupekkhati.|| ||

Hiinaadhimuttiko ca hoti sakkaayaadhirato ca.|| ||

Imehi kho bhikkhave chahi dhammehi samannaagato bhikkhuu abhabbo anuttara.m siitibhaava.m sacchikaatu.m.|| ||

Chahi bhikkhave dhammehi samannaagato bhikkhuu bhabbo anuttara.m siitibhaava.m sacchikaatu.m.|| ||

Katamehi chahi?|| ||

Idha, bhikkhave, bhikkhuu yasmi.m samaye citta.m niggahetabba.m,||
tasmi.m samaye citta.m na nigga.nhaati.|| ||

Yasmi.m samaye citta.m paggahetabba.m,||
tasmi.m samaye citta.m na pagga.nhaati,||
yasmi.m samaye citta.m sampaha.msitabba.m,||
tasmi.m samaye citta.m na sampaha.msati,||
yasmi.m samaye citta.m ajjhupekkhitabba.m,||
tasmi.m samaye citta.m na ajjhupekkhati.|| ||

Pa.niitaadhimuttiko ca hoti nibbaanaadhirato ca.|| ||

Imehi kho bhikkhave chahi dhammehi samannaagato bhikkhu bhabbo anuttara.m siitibhaava.m sacchikaatunti.|| ||

 


Contact:
E-mail
Copyright Statement