Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Chakkanipata
IX. Siiti Vagga

Sutta 87

Voropita Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Eva.m me suta.m:|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Chahi bhikkhave dhammehi samannaagato su.nantopi saddhamma.m abhabbo niyaama.m okkamitu.m kusalesu dhammesu sammatta.m.|| ||

Katamehi chahi?|| ||

Maataa jiivitaa voropitaa hoti,||
pitaa jivitaa voropito hoti||
araha.m jivitaa voropito hoti,||
Tathaagatassa du.t.thena cittena lohita.m uppaadita.m hoti,||
sa'ngho bhinno hoti,||
duppa~n~no hoti||
ja.lo elamuugo.|| ||

Imehi kho bhikkhave chahi dhammehi samannaagato su.nantopi saddhamma.m abhabbo niyaama.m okkamitu.m kusalesu dhammesu sammatta.m.|| ||

 


 

Chahi bhikkhave dhammehi samannaagato su.nantopi saddhamma.m bhabbo niyaama.m okkamitu.m kusalesu dhammesu sammatta.m.|| ||

Katamehi chahi?|| ||

[437] Na maataa jivitaa voropitaa hoti,||
na pitaa jivitaa voropito hoti||
na araha.m jivitaa voropito hoti,||
na Tathaagatassa du.t.thena cittena lohita.m uppaadita.m hoti,||
na sa'ngho bhinno hoti,||
pa~n~navaa hoti||
aja.lo anelamuugo.|| ||

Imehi kho bhikkhave chahi dhammehi samannaagato su.nantopi saddhamma.m bhabbo niyaama.m okkamitu.m kusalesu dhammesu sammattanti.|| ||

 


Contact:
E-mail
Copyright Statement