Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata
Dhana Vaggo

Sutta 4

U-N-A-B-B-R-E-V-I-A-T-E-D

Vitthata Sattabala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][upal] EVA.M ME SUTA.M.|| ||

Eka.m samaya.m Bhagavaa Saavatthiya.m viharati||
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Satt'imaani bhikkhave, balaani.|| ||

Katamaani satta?|| ||

Saddhaabala.m,||
viriyabala.m,||
hiribala.m,||
ottappabala.m,||
satibala.m,||
samaa dhibala.m,||
pa~n~naabala.m.|| ||

Imaani kho bhikkhave sattabalaani.|| ||

Katama~n ca bhikkhave, saddhaabala.m?|| ||

Idha, bhikkhave, ariyasaavako saddho hoti saddahati Tathaagatassa bodhi.m:|| ||

"Iti pi so Bhagavaa araha.m sammaasambuddho vijjaacara.nasampanno sugato lokaviduu anuttaro purisadammasaarathii satthaa deva-manussaana.m buddho Bhagavaa" ti.|| ||

Ida.m vuccati bhikkhave saddhaabala.m.|| ||

Katama~n ca bhikkhave, viriyabala.m?|| ||

Idha, bhikkhave, ariyasaavako aaraddhaviriyo viharati: akusalaana.m dhammaana.m pahaanaaya, kusalaana.m dhammaana.m upasampadaaya, thaamavaa da.lhaparakkamo anikkhittadhuuro kusalesu dhammesu.|| ||

Ida.m vuccati bhkhave, viriyabala.m.|| ||

Katama~n ca bhikkhave, hiribala.m?|| ||

Idha, bhikkhave, ariyasaavako hirimaa hoti, hiriiyati kaayaduccaritena, vaciiduccaritena, manoduccaritena, hiriiyati paapakaana.m akusalaana.m dhammaana.m samaapattiyaa.|| ||

Ida.m vuccati bhikkhave, hiribala.m.|| ||

Katama~n ca bhikkhave, ottappabala.m?|| ||

Idha, bhikkhave, ariyasaavako ottappii hoti, ottapati kaayaduccaritena, vaciiduccaritena, manoduccaritena, ottapati paapakaana.m akusalaana.m dhammaana.m samaapattiyaa.|| ||

Ida.m vuccati bhikkhave, ottappabala.m.|| ||

Katama~n ca bhikkhave, satibala.m?|| ||

Idha, bhikkhave, ariyasaavako satimaa hoti paramena satinepakkena samannaagato cirakatampi cirabhaasitampi saritaa anussaritaa. Ida.m vuccati bhikkhave, satibala.m.|| ||

Katama~n ca bhikkhave, samaadhibala.m?|| ||

Idha, bhikkhave, vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

Vitakka vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Piitiyaa ca viraagaa upekkhako ca viharati,||
sato ca sampajaano sukha~n ca kaayena pa.tisa'nvedeti,||
yanta.m ariyaa aavikkhanti:||
'Upekkhako satimaa sukha-vihaarii'||
ti ta.m tatiya.m-jhaana.m upasampajja viharati.|| ||

Sukhassa ca pahaanaa dukkhassa ca pahaanaa pubb'eva somanassa-domanassaana.m attha'ngamaa adukkha-m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

Ida.m vuccati bhikkhave, samaadhibala.m.|| ||

Katama~n ca bhikkhave, pa~n~naabala.m?|| ||

Idha, bhikkhave, ariyasaavako pa~n~navaa hoti udayatthagaaminiyaa pa~n~naaya samannaagato ariyaaya nibbedhikaaya sammaa dukkhakkhayagaaminiyaa.|| ||

Ida.m vuccati bhikkhave, pa~n~naabala.m.|| ||

Imaani kho bhikkhave, sattabalaani.

Saddhaabala.m viriyabala.m hiri ottappiya.m bala.m||
Satibala.m samaadhi ca pa~n~naa ve sattama.m bala.m.||
Etehi balavaa bhikkhuu sukha.m jiivatii pa.n.dito.||
Yoniso vicine dhamma.m pa~n~naayattha.m vipassati.||
Pajjotass'eva nibbaana.m vimokkho hoti cetaso, ti.|| ||

 


Contact:
E-mail
Copyright Statement