Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 19

Saarandada Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.||
Eka.m samaya.m Bhagavaa Vesaaliya.m viharati Saarandade cetiye.|| ||

Atha kho sambhahulaa Licchavii yena Bhagavaa ten'upasa'nkami.msu.|| ||

Upa sa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinne kho te Licchavii Bhagavaa etad avoca:|| ||

Satta vo Licchavii,||
aparihaaniye dhamme desessaami.|| ||

Ta.m su.naatha,||
saadhuuka.m manasi karotha,||
bhaasissaamiti.|| ||

Eva.m bhante' ti kho te Licchavii Bhagavato paccassosu1.|| ||

Bhagavaa etad avoca:|| ||

Katame ca Licchavii satta aparihaaniiyaa dhammaa?|| ||

(1) Yaavakiiva~nca Licchavii,||
vajjii abhi.nha.m sannipaataa bhavissanti sannipaatabahulaa,||
vuddhiyeva Licchavii,||
vajjiina.m paa.tika'nkhaa no parihaani.|| ||

(2) Yaavakiiva~nca Licchavii,||
vajjii samaggaa sannipatissantii,||
samaggaa vu.t.thahi'ssanti,||
samaggaa vajjiikara.niiyaani karissanti ddhiyeva Licchavii Vajjina.m paa.tikkhaa no parihaani.|| ||

(3) Yaavakiva~nca Licchavii,||
vajjii apa~n~natta.m na pa~n~naapessanti,||
pa~n~natta.m na samucchindissanti,||
yathaa pa~n~natte poraa.ne Vajjidhamme samaadaaya vattissanti,||
vuddhiyeva Licchavii vajjiina.m paa.tika'nkhaa no parihaani.|| ||

(4) Yaavakiva~nca Licchavii,||
vajjii ye te vajjiina.m Vajjimahallakaa,||
te sakkarissanti,||
garukarissanti,||
maanessanti,||
puujessanti,||
tesa~nca sotabba.m ma~n~nissanti,||
vuddhiyeva Licchavii,||
Vajjina.m paa.tika'nkhaa no parihaani.|| ||

(5) Yaavakiva~nca Licchavii,||
Vajji yaa taa kulitthiyo kulakumaariyo,||
taa na okassa1 pasayha vaasessanti,||
vuddhiyeva Licchavii,||
Vajjina.m paa.tika'nkhaa no parihaani.|| ||

(6) Yaavakiva~nca Licchavii,||
vajjii yaani taani vajjiina.m Vajjicetiyaani abbhantaraani c'eva baahiraani ca,||
taani sakkarissanti,||
garukarissanti,||
maanessanti.|| ||

Puujessanti,||
tesa~nca dinnapubba.m katapubba.m dhammika.m bali.m no parihaapessanti,||
vuddhiyeva Licchavii,||
vajjiina.m paa.tika'nkhaa no parihaani.|| ||

(7) Yaavakiiva~nca Licchavii,||
vajjiina.m arahantesu dhammikaa rakkhaavara.naguttii susa.mvihitaa bhavissati "kinti anaagataa ca arahanto vijita.m aagaccheyyu.m,||
aagataa ca arahanto vijite phaasu.m vihareyyunti" vuddhiyeva Licchavii,||
vajjiina.m paa.ti'nkhaa no parihaanii.|| ||

Yaavakiva~nca Licchavii,||
ime satta aparihaaniyaa dhammaa Vajjisu .thassanti,||
imesu ca sattasu aparihaaniiyesu dhammesu Vajji sandissanti,||
vuddhiyeva Licchavii,||
vajjiina.m paa.tika'nkhaa no parihaanii ti.|| ||

 


Contact:
E-mail
Copyright Statement