Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 21

Bhikkhu Aparihaaniiya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts][ati] EVA.M ME SUTA.M.||
Eka.m samaya.m Bhagavaa Raajagahe viharati.|| ||

Gijjhaku.te pabbate tatra kho Bhagavaa bhikkhuu aamantesi:||
satta vo bhikkhave aparihaaniye dhamme desissaami.|| ||

Ta.m su.naatha saadhuka.m manasikarotha bhaasissaamiti.|| ||

Eva.m bhante' ti kho te bhikkhuu Bhagavato paccassosu.m Bhagavaa etad avoca:|| ||

Katame ca bhikkhave satta aparihaaniiyaa dhammaa?|| ||

(1) Yaavakiiva~nca bhikkhave,||
bhikkhuu abhi.nha.m sannipaataa bhavissanti sannipaatabavulaa,||
vuddiyeva bhikkhave,||
bhikkhuuna.m paa.tika'nkhaa,||
no parihaani.|| ||

(2) Yaavakiiva~n ca bhikkhave,||
bhikkhuu samaggaa sannipatissantii,||
samaggaa vu.t.thahi'ssanti,||
samaggaa sa'nghakara.niiyaani karissanti,||
vuddiyeva bhikkhave,||
bhikkhuuna.m paa.tika'nkhaa no parihaani.|| ||

(3) Yaavakiiva~n ca bhikkhave,||
bhikkhuu appa~n~natta.m na pa~n~naapessanti,||
pa~n~natta.m na samucchindissanti,||
yathaa pa~n~nattesu sikkhaapadesu samaadaaya vattissanti,||
vuddiyeva bhikkhave,||
bhikkuuna.m paa.tika'nkhaa no parihaanii.|| ||

(4) Yaavakiiva~n ca bhikkhave bhikkhuu ye te bhikkhuu theraa ratta~n~nucirapabbajitaa sa'nghapitaro sa'nghaparinaayakaa,||
te sakkarissanti garukarissanti maanessanti puujessanati,||
tesa~nca sotabba.m ma~n~nissanti,||
vuddhiyeva bhikkhave,||
bhikkhuuna.m paa.tika'nkhaa no parihaani.|| ||

(5) Yaavakiva~n ca bhikkhave,||
bhikkhuu uppannaaya ta.nhaaya ponobhavikaaya na vasa.m gacchi'ssanti,||
vuddhiyeva bikkhave bhikkhuuna.m paa.tika'nkhaa,||
no parihaani.|| ||

(6) Yaavakiiva~n ca bhikkhave,||
bhikkhu ara~n~nesu senaasanesu saapekkhaa bhavissanti,||
vuddiyeva bhikkhave bhikkhuna.m paa.tika'nkhaa no parihaani.|| ||

(7) Yaavakiiva~n ca bhikkhave,||
bhikkhuu paccatta.m yeva sati.m upa.t.thapessanti: kinti anaagataa ca pesalaa sabrahmacaarii aagaccheyyu.m,||
aagataa ca pesalaa sabrahmacaarii phaasu.m vihareyyunti,||
vuddiyeva bhikkhave,||
bhikkhuuna.m paa.tika'nkhaa no parihaani.|| ||


Contact:
E-mail
Copyright Statement