Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Sattaka Nipaata

Sutta 22

Dutiya Bhikkhuu Aparihaaniya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Satta vo bhikkhave,||
aparihaaniiye dhamme desissaami.|| ||

Ta.m sunaatha||
saadhuka.m||
manasikarotha||
bhaasissaami ti.

'Eva.m bhante' ti kho te bhikkhuu Bhagavato paccassosu.m.|| ||

Bhagavaa etad avoca:|| ||

2. Katame ca bhikkhave,||
satta aparihaaniiyaa dhammaa?|| ||

Yaavakiiva~n ca bhikkhave,||
bhikkhuu na kammaaraamaa bhavissanti,||
na kammaaraamata.m anuyuttaa,||
vuddhi yeva bhikkhave,||
bhikkhuuna.m paa.tika'nkhaa no parihaani.|| ||

Yaavakiiva~n ca bhikkhave,||
bhikkhuu na bhassaaraamaa bhavissanti;|| ||

yaavakiiva~n ca bhikkhave,||
bhikkhuu na niddaaraamaa bhavissanti;|| ||

yaavakiiva~n ca bhikkhave,||
bhikkhuu na sa'nga.nikaaraamaa bhavissanti;|| ||

yaavakiiva~n ca bhikkhave,||
bhikkhuu na paapicchaa bhavissanti;|| ||

yaavakiiva~n ca bhikkhave,||
bhikkhuu paapikaana.m icchaana.m vasa.m gataa bhavissanti;|| ||

yaavakiiva~n ca bhikkhave,||
bhikkhuu na paapamittaa bhavissanti||
na paapasahaayaa||
na paapasampava'nkaa bhavissanti;|| ||

yaavakiiva~n ca bhikkhave,||
bhikkhu na oramattakena visesaadhigamena antaraavosaana.m aapajjissanti,||
vuddhiyeva bhikkhave,||
bhikkhuuna.m paa.tika'nkhaa no parihaanii.|| ||

Yaavakiiva~n ca bhikkhave,||
ime satta aparihaaniiyaa dhammaa bhikkhuusu .thassantii,||
imesu ca sattasu aparihaaniiyesu dhammesu bhikkhu sandissanti,||
vuddhiyeva bikkhave,||
bhikkhuuna.m paa.tika'nkhaa no parihaanii ti.

 


Contact:
E-mail
Copyright Statement